تربت: یونیورسٹی آف تربت کی جانب سے جاری کردہ کے ایک پریس ریلیز کے مطابق وفاقی وزارت تعلیم کے آئندہ احکامات کے مطابق تمام تعلیمی ادارے بشمول یونیورسٹیاں 15 ستمبر سے باقاعدہ طور پرکھولے جا سکتے ہیں۔
تربت: آل پارٹیز کیچ کا اجلاس کنوینر خالد ولید سیفی کی صدارت میں منعقد ہوا جس میں تمام پارٹی نمائندوں نے شرکت کی۔ اجلاس میں حیات بلوچ کے قتل اور اس کے محرکات پر تفصیلی جائزہ لیا گیا اجلاس میں بتایا گیا کہ حیات بلوچ کا سانحہ ایک قومی سانحہ ہے جس کے اس خطے پر دورس اثرات مرتب ہوں گے اور نفرتوں کی خلیج مزید گہری ہوگی۔ اجلاس میں بتایا گیا اس سانحہ نے نہ صرف بلوچ قوم کو بلکہ پوری انسانیت کو صدمے سے نڈھال کردیا ہے۔
تربت: شہید حیات بلوچ کی یاد میں بی ایس او تربت کی جانب سے مشعل بردار واک، شہید فدا چوک پر موم بتیاں جلا کر حیات بلوچ کی تصاویر پر پھول نچھاور کیے گئے۔ بی ایس او تربت زون کی جانب سے ہفتے کی شام شہید حیات بلوچ کی یاد میں پریس کلب سے شہید فدا چوک تک خاموش واک کا اہتمام کیا گیا جس میں بی این پی کے کارکنان اور عام شہریوں سمیت خواتیں اور بچوں کی بڑی تعداد شریک تھی۔
تربت: کوآرڈینیٹرٹو وزیراعلی بلوچستان میر عبدا لرؤف رند کی ضلع کیچ کے 114 برطرف اساتذہ کی بحالی کے حوالے سے چیف سیکرٹری بلوچستان کپٹن (ر) فضیل اصغر سے ٹیلیفونک رابطہ۔??چیف سیکرٹری بلوچستان نے برطرف اساتذہ کی بحالی کے لیے یقین دہانی کراتے ہوئے کہا کہ میں نے دوران حالیہ دورہِ کیچ یہ وعدہ کیا تھاکہ برطرف اساتذہ کی بحالی کے لیے اقدامات اٹھاؤں گا۔
گوادر: ملک بھر کی طرح تربت سے تعلق رکھنے والے کراچی یونیورسٹی کے طالب علم حیات مرزا کی ماورائے قانون قتل کے خلاف گوادر میں بھی احتجاجی ریلی نکالی گئی۔ ریلی کا اہتمام برمش یکجہتی کمیٹی کی جانب سے کیا گیا جس کا آغاز سیر ت البنی ﷺ چوک سے ہوا جو گشت کرتے ہوئے شہدائے جیونی چوک پراختتام پز یر ہوئی۔ ریلی کے شرکاء نے حیات مرزا کو انصاف کی فراہمی کے لئے بینرز اور پلے کارڈز اٹھا رکھے تھے۔
نوشکی: ڈپٹی کمشنر نوشکی کیپٹن ریٹائرڈ جمیل احمد بلوچ کی خصوصی تعاون سے نوشکی پریس کلب میں لائبریری قائم کردیا گیا، گزشتہ روز نوشکی پریس کلب کے کابینہ اجلاس میں لائبریری بلوچستان کے نامور صحافی صدیق بلوچ کے نام سے منصوب کردیا گیا۔
گوادر: معصوم طالب علم حیات مرزا بلوچ کا قتل دل ہلانے والا اور ملکی سالمیت کے خلاف گہری سازش ہے۔ معاشرے کفر کے ساتھ زندہ رہ سکتے ہیں لیکن نا انصافی کے ساتھ نہیں۔حیات مرزا کے ما ورائے قانون قتل کی شفاف تحقیقات کی جائیں۔
تربت: امیرجماعت اسلامی پاکستان سنیٹر سراج الحق نے حیات بلوچ شہید کے بھائی نسیم مرزا کو فون کرکے واقعہ کی شدید مذمت کی،خاندان سے تعزیت کی،انھون نے کہا کہ سیکورٹی ادارے عوام سے ٹیکس اس لیے وصول کرتے ہیں کہ عوام کی جان ومال کی حفاظت کرین لیکن بلوچستان میں سیکورٹی اداروں کے ہاتھوں عوام محفوظ نہیں والدین کے سامنے نوجوان بیٹے کے قتل نے انسانیت کو شرمندہ کردیا ہے۔
تربت: شہید حیات بلوچ کی شہادت کے خلاف بلوچ یکجہتی کمیٹی کی جانب سے تربت میں ریلی و مظاہرہ،شہید فدا چوک پر جلسہ۔تربت میں حیات بلوچ کے ماورائے عدالت قتل کے خلاف پیر کو بلوچ یکجتی کمیٹی کی جانب سے پبلک لائبریری لاء کالج سے فدا شہید چوک تک ریلی نکال کر مظاہرہ کیا گیا جس میں خواتین اور بچوں کی بڑی تعداد نے شرکت کی۔مظاہرین نے شہید حیات مرزا کی تصاویر اور احتجاجی بینرز اٹھائے۔
کراچی: سماجی کارکن فاطمہ بلوچ نے دعویٰ کیا ہے کہ راجن پورمیں ہلاک ہونے والے پانچوں افراددہشت گردنہیں بلکہ لاپتہ افراد تھے۔ سی ٹی ڈی نے انہیں دہشت گردقراردیکرانہیں بلوچ مسلح تنظیم کے ساتھ جوڑاہے جوکہ سراسر غلط ہے۔پانچوں افراد کو ملک کے الگ الگ شہروں سے لاپتہ کیاگیا تھا اب انہیں قتل کرکے دہشت گرد ظاہر کیاجارہا ہے، وزیراعلیٰ پنجاب،عدالت عظمیٰ اور انسانی حقوق کی تنظیمیں اس واقعہ کا نوٹس لیں۔ ان خیالات کااظہار پنجگور کی رہائشی سماجی کارکن فاطمہ بلوچ نے گزشتہ روز کراچی پریس کلب میں پریس کانفرنس کرتے ہوئے کیا۔