کوہلو: سانحہ گیس سلنڈر کوہلو کے دو اور زخمی جان کی بازی ہار گئے اب تک جان بحق بچوں کی تعداد 12تک پہنچ گئی چھ شدید زخمی پاک اٹلین ماڈرن برن سنٹر ملتان میں زیر علاج ہیں گیارہ زخمی بچوں کو طبی امداد دے کر ڈسچارج کردیا گیا حکومت بلوچستان کی جانب سے سانحے میں جان بحق افراد کے ورثاء کیلئے چار چار لاکھ،شدید زخمیوں کیلئے ڈھائی ڈھائی لاکھ جبکہ معمولی زخمیوں پچاس پچاس ہزار امداد کا اعلان کیا ہے۔
دالبندین: آر سی ڈی شاہراہ پر ٹریفک حادثات کا سلسلہ نہ تھم سکا۔ڈبل ڈور پک اپ اور کار گاڑی کے درمیان تصادم ایک شخص جاں بحق جبکہ دوسرا شدید زخمی، ایک ہفتے کے دوران آر سی ڈی شاہراہ پر ٹریفک حادثات میں 5 افراد جاں بحق جبکہ ایک درجن سے زائد افراد شدید زخمی ہو گئے۔
دالبندین: آر سی ڈی شاہراہ پر ٹریفک حادثہ۔زمباد گاڑی کی ٹکر سے موٹر سائیکل سوار جاں بحق۔جبکہ تین افراد شدید زخمی۔تفصیلات کے مطابق کوئیٹہ تفتان شاہراہ پر واقع دالبندین کے قریب تالو لانڈھی کے مقام پر ماشکیل سے دالبندین جانے والی ایرانی تیل سے لوڈ تیز رفتار زمباد پک اپ گاڑی نے موٹر سائیکل سوار کو ٹکر مار دی اس دوران زمباد گاڑی الٹ جانے سے آگ بھڑک اٹھی۔
سبی: بی این پی مینگل کی رکن بلو چستان اسمبلی شکیلہ نوید دہوار نے کہا ہے کہ موجودہ حکومت عوام کو 200روپے کلو ٹماٹر فروخت کر کے ایک روپیہ پٹرول پرکم کرکے عوام کو نئے پا کستان میں سہولتیں فراہم کر رہی ہے بلو چستان کی عوام آج بھی پتھر کے دور کی زندگی بسر کر رہے ہیں سردار اختر جان مینگل نے بلو چستان کو وفاقی حکومت کی جانب سے نظر انداز کیئے جانے اور بلو چستان کے مسائل حل نہ ہونے پر اپنے اصولوں کی خا طر حکومت سے علیحدگی اختیار کی۔
کوہلو: نیشنل پارٹی کے مرکزی رہنما محراب بلوچ،صوبائی ریجنل ڈپٹی سیکرٹری عرض بلوچ،ضلعی جنرل سیکرٹری وڈیرہ علی نواز مری،ڈپٹی جنرل سیکرٹری کامریڈ امام بخش مری،تحصیل صدر جلال خان،صالح بلوچ و دیگر نے نیشنل پارٹی کے ضلعی سیکرٹریٹ میں پریس کانفرنس کرتے ہوئے کہا کہ سانحہ گیس سلنڈر کوہلو کی تاریخ کا افسوسناک واقع ہے جہاں دو درجن کے قریب کم سن بچے جھلس کر زندگی اور موت کی کشمکش میں ہیں۔
نوشکی: بلوچستان نیشنل پارٹی کے سابق ضلعی صدر نذیر بلوچ نے اپنے جاری بیان میں کہاہے کہ حکومت بلوچستان اور پی پی ایچ آئی ایک جانب ترقی و خوشحالی اور لوگوں کو صحت و تعلیم فراہم کرنے کے دعوے کرتے تھکتی نہیں جبکہ دوسری جانب بلوچستان بھر میں تعلیمی ادارے صحت کے مراکز مکمل غیر فعال ہوچکے ہیں عوام کا کوئی پرسان حال نہیں نوشکی کے دوردراز علاقوں میں اس وقت صحت کے مراکز کی صورتحال انتہائی گھمبیر شکل اختیار کرچکی ہے۔
نوشکی: بلوچستان نیشنل پارٹی کے مرکزی کمیٹی کے رکن وایم پی اے اے بابو میر محمد رحیم مینگل نے کہا برج عزیز ڈیم کسی صورت میں قبول نہیں کیونکہ نوشکی وچاغی کے عوام کے زیست وبقا کامسئلہ ہے برج عزیز ڈیم کی تعمیر سے نوشکی وچاغی کے قبائل کے لاکھوں ایکڑزرعی زمین بنجر ہوجائینگے جبکہ تاریخی جھیل زنگی ناوڑ ہمیشہ ہمیشہ کیلئے ختم ہوجائیگا اورزیرزمین واٹرلیول مزید تیزی سے گرجائیگا جس سے مستقبل قریب میں لوگ پانی کی بوندبوند کو ترس کر نکل مکانی پرمجبورہوجائینگے۔
چمن: پاک افغان بارڈر پر لغڑی پیکج،چمن کوئٹہ شاہراہ پر غیرضروری چیک پوستوں اور شہر میں امن وامان کی مخدوش اور ابتر صورتحال کے خلاف آل پارٹیز تاجر لغڑی اتحاد کی جانب سے مظاہرہ کیا گیامظاہرین نے حکومت کے خلاف شدید نعرے بازی کرتے ہوئے اپنے مطالبات کے حق میں نعرے لگائے مظاہرہ پاک افغان بارڈر دھرنا کے مقام سے شروع ہوکرڈپٹی کمشنر کمپلیکس کے سامنے جلسہ عوام میں تبدیل ہوا۔
مستونگ: گورنمنٹ ٹیچرز ایسوسی ایشن بلوچستان کی مرکزی کابینہ کی احتجاجی شیڈول کے مطابق آج مورخہ 12 نومبر 2020 کو ضلع مستونگ میں گورنمنٹ ٹیچرز ایسوسی ایشن ضلع مستونگ کے زیر اہتمام ضلع کیچ کے 114 مرد و خواتین اساتذہ کی جبری برطرفی کے خلاف اور ان کے بحالی کے حق میں ایک ریلی کا انعقاد کیا گیا۔
پنجگور: کوئٹہ سے پنجگورآنے والی صرف گاڑی لڈی چڑھائی ( بسیمہ) کے مقام پر حادثے کا شکار حادثے میں،تین افراد جاں بحق ایک زخمی،زخمی لاشیں اور زخمی قریبی ہسپتال منتقل کرنے کے بعد لاشیں آن کے آبائی علاقوں منتقل ذرائع کے مطابق کوئیٹہ سے پنجگور انے والی صرف گاڑی بسیمہ (ضلع واشک) کے علاقے میں حادثے کا شکار ہوگیا گاڑی میں سوار پنجگور اور تربت سے تعلق رکھنے والے تین افراد جانبحق اور ایک زخمی ہوگیا۔