کوئٹہ : بلوچستان عوامی پارٹی کے سینئر نائب صدراور سابق صوبائی وزیر میر عبدالکریم نوشیروانی نے سینیٹ الیکشن میں بلوچستان عوامی پارٹی کے سینیٹرز کی تاریخی کامیابی پر وزیراعلی بلوچستان جام کمال اور نومنتخب سینیٹرز کو مبارکباددیتے ہوئے کہاہے کہ وہ ایوان بالا میں بلوچستان کی آواز بنیں گے اور ملک کے بہتر مفاد میں ہونے والی قانون سازی میں کلیدی کردارادا کرکے محب وطن پاکستانی اور پارلیمینٹرین ہونے کا ثبوت دینگے۔
وزیراعظم عمران خان نے قوم سے اپنے خطاب میں اپوزیشن اتحاد پاکستان ڈیموکریٹک موومنٹ (پی ڈی ایم) کی قیادت کو خبردار کرتے ہوئے کہا کہ چاہے میں اپوزیشن میں بیٹھوں یا اسمبلی سے بھی باہر ہوجاؤں ، میں نے آپ میں سے کسی کو نہیں چھوڑنا جب تک آپ اس ملک کا پیسہ واپس نہیں کریں گے۔
پاکستان مسلم لیگ (ن) کی نائب صدر مریم نواز نے وزیراعظم عمران خان پر تنقید کرتے ہوئے کہا ہے کہ وہ اداروں کے سربراہوں کو ہارے ہوئے عمران خان سے ایسے وقت میں ملاقات نہیں کرنی چاہیے تھی۔
کوئٹہ: وزیراعلیٰ بلوچستان جام کمال خان نے کہا ہے کہ بلوچستان سے سینٹ انتخابات میں حکومتی اتحاد کی کامیابی بہتر حکمت عملی کا نتیجہ ہے ، ہم نے گزشتہ روز جن اہداف کی حصول کی بات کی تھی اسے آج حاصل کرلیا ہے جس پر اتحادی جماعتوں کے قائدین اور اراکین اسمبلی مبارکباد کے مستحق ہیں ، آزاد امیدوار عبدالقادر کی تائید و تجویز بلوچستان عوامی پارٹی کے اراکین اسمبلی نے کی تھی ان کی کامیابی خوش آئند ہے ۔
کوئٹہ: بلوچستان میں سینٹ کے 12نشستوں میں سے حکومتی اتحادکو 8جبکہ پاکستان ڈیموکریٹک موومنٹ کے حمایت یافتہ 4امیدوار کامیاب ہو کر سینیٹر منتخب ہوگئے ہیں ،کل 7جنرل نشستوں پر حکومتی اتحادکے 5جبکہ اپوزیشن کے 2، ٹیکنوکریٹس اور خواتین کی دو دو نشستوں پر مقابلہ ایک ایک سے برابر رہا جبکہ اقلیتی نشست پر بلوچستان عوامی پارٹی کے امیدوار نے کامیابی حاصل کی ۔
کوئٹہ: جمعیت علماء اسلام کے مرکزی سیکرٹری جنرل سینیٹر مولاناعبدالغفور حیدری نے کہا ہے کہ اسلام آباد کے سینٹ انتخاب میں حکومت کو شکست کے بعد اخلاقی طور پر مستعفیٰ ہوجاناچاہئے عمران خان اورانکی حکومت اگرا ستعفیٰ نہیں دیتے تو 26مارچ کو لانگ مارچ کے لئے ملک بھر سے قافلے اسلام آباد کیلئے روانہ ہونگے اور حکومت کا خاتمہ کرکے دم لیں گے ۔
کراچی: ایرانی فورسز کی فائرنگ سے نہتے مزدور بلوچوں کے قتل عام کے خلاف کراچی پریس کے سامنے احتجاجی مظاہرہ کیا گیا۔ گزشتہ دنوں ایرانی بلوچستان کے شہر سرا وان میں ایرانی فورسز کی طرف سے بے رحمانہ فائرنگ کے واقع میں 37 بلوچ مزدور جاں بحق ہوئے تھے ایرانی فورسز کے اس بربریت کے خلاف بلوچ متحدہ محاذ نے کراچی پریس کلب کے سامنے احتجاجی مظاہرہ کیا۔
اسلام آباد: سپریم کورٹ نے جسٹس قاضی فائز عیسی کیس میں نظرثانی درخواستوں پر سماعت 8 مارچ 2021 تک ملتوی کر دی ۔ عدالت عظمی نے کیس کی کارروائی براہ راست نشرکرنے سے متعلق جسٹس فائزعیسیٰ کی درخواست پر وفاقی حکومت کو نوٹس جاری کر دیا ہے۔
اسلام آباد: پاکستان مسلم لیگ (ن) کے صدر اور قائد حزب اختلاف شہبازشریف نے کہا ہے کہ پاکستان کی ترقی کو جس طرح تباہ کیاگیا، قوم کبھی معاف نہیں کرے گی ،معیشت صفر ہوچکی ہے اور مستقبل میں بھی بہتری کی کوئی امید دکھائی نہیں دے رہی ،غریب ایک وقت کی روٹی کو ترس گیا ہے،اجتماعی دانش کوبھی بروئے کار لائیں تو ملک کی معاشی ترقی کو واپس لانا آسان نہیں ۔
کوئٹہ: سابق وزیراعلیٰ بلوچستان و نیشنل پارٹی کے سربراہ ڈاکٹر عبدالمالک بلوچ نے کہا ہے کہ سی پیک کے بلوچستان میں کوئی ثمرات دکھائی نہیں دے رہے ہیں ، انہیں اپنے ڈھائی سالہ وزارت اعلیٰ میں چین کے ساتھ بلوچستان سے متعلق ہونے والے معاہدوں کا کوئی علم نہیں تھا ، چین کے ساتھ معاہدوں کے بارے میں لاعلم رکھنے پر انہوں نے اس وقت کے وزیراعظم میاں نوا زشریف اور وزیراعلیٰ پنجاب شہباز شریف کے ساتھ چین کے دوروں پر جانا چھوڑ دیا تھا ۔