سبی: سیکرٹری امور حیوانات بلوچستان محمد طیب لہڑی 4 مارچ کی صبح سبی میلہ مویشیاں کا افتتاح کریں گے واضح رہے کہ اس مرتبہ کرونا وائرس کے پیش نظر سبی میلے کو محدود کر دیا گیا ہے اس مرتبہ صرف مویشی منڈی لگے گی جس میں مالدار صوبے کے مختلف حصوں سے اپنے مال مویشی لائیں گے۔
اسلام آباد: وزیراعظم عمران خان ووٹ ضائع ہونے پر شہریار آفریدی پر برہم ہوگئے ،آپ رکن قومی اسمبلی ہیں اتنی بڑی غلطی کیسے ہوگئی ۔تفصیلات کے مطابق تحریک انصاف رکن قومی اسمبلی شہریار آفریدی نے ووٹ غلط کاسٹ ہونے پر وزیر اعظم کو آگاہ کیا۔
کوئٹہ: بلوچستان عوامی پارٹی کے رہنما میر ظفر قمبرانی نے بلوچستان سے سینٹ کے انتخابات میں بھاری اکثریت سے کامیابی پر وزیراعلیٰ بلوچستان جام کمال خان اور نومنتخب سینیٹرز کو مبارکباد دیتے ہوئے کہا ہے کہ بی اے پی نے سینٹ انتخابات میں زیادہ نشستیں حاصل کرکے یہ ثابت کردیا ہے کہ تمام ارکان اسمبلی وزیراعلیٰ جام کمال کی قیادت میں متحد ہیں۔
کوئٹہ: پارلیمانی سیکرٹری صحت ڈاکٹر ربابہ خان بلیدی نے کہا ہے کہ بلوچستان میں ہیپاٹائٹس ایک سنگین صورتحال اختیار کر چکا ہے جس کے تدارک کیلئے وزیر اعلیٰ پروگرام برائے انسداد ہیپاٹائٹس کے تحت اقدامات کا آغاز کردیا گیا ہے اس ضمن میں ہیپاٹائٹس کی اسکریننگ تشخیص علاج معالجہ اور پوزیٹو مریضوں کو مفت ادویات کی فراہمی کے لئے ڈیرہ مراد جمالی میں چھ روزہ مہم کا آغاز کردیا گیا ہے۔
کوئٹہ: صوبائی وزیرخزانہ میر ظہور احمد بلیدی نے بلو چستان عوامی پارٹی کے 6نو منتخب سینیٹروں کی جیت کو پارٹی قیادت کی حکمت عملی اورباپ پارٹی کی صوبے میں عوام دوست اقدامات کا نتیجہ قرار دیتے ہوئے کہاکہ نومنتخب سینیٹرز صوبے کے حقوق کی موثر انداز میں ترجمانی کا کردارادا کریں گے۔
کوئٹہ: صوبائی وزیر داخلہ میر ضیاء اللہ لانگو نے سینیٹ انتخابات میں کامیابی حاصل کرنے والے بلوچستان عوامی پارٹی کے نامزد اور حمایتی امیدواروں کوسینٹ انتخابات میں کامیابی پر مبارکباد پیش کرتے ہونیک خواہشات کا اظہار کیا ہے۔وزیر داخلہ نے نو منتخب سینیٹرز کے نام اپنے تہنیتی پیغام میں کہاہے کہ نومنتخب سینیٹرز آئین کی بالادستی، قانون کی حکمرانی اور جمہوری عمل کے استحکام کیلئے اپنی تمام تر توانائیاں بروئے کار لائیں گے ۔
لورالائی: پی ڈی ایم کے رہنما و مسلم لیگ (ن )کے مرکزی سینئر نا ئب صدر سینٹ کے سیٹنڈنگ کمیٹی برائے بین الصوبائی رابطہ کے چیئرمین سینیٹر سردار محمد یعقوب خان ناصر نے میڈیا سے بات چیت کرتے ہوئے کہا کہ پورے ملک میں ضمنی الیکشن کے حیرا ن کن نتائج کے بعد اب اسلام آباد سے سابق وزیر اعظم سید یوسف رضا گیلانی کی جیت سے واضح ہو گیا ہے کہ اب حکومت کی کشتی بھی جلد ڈوبتی نظر آرہاہی ہے۔
کوئٹہ: عوامی نیشنل پارٹی کے صوبائی صدر وصوبائی پارلیمانی لیڈر اصغر خان اچکزئی صوبائی وزیر انجینئر زمرک خان اچکزئی صوبائی مشیر ملک نعیم خان بازئی صوبائی نائب صدرورکن صوبائی اسمبلی شاہینہ کاکڑ نے کہاہے کہ عوامی نیشنل پارٹی جمہوریت جمہور کی حکمرانی آئین کی بالادستی پر یقین رکھتی ہے جس کیلئے اکابرین نے رہنما کردار ادا کیا ہے۔
کوئٹہ: پاکستان پیپلزپارٹی بلوچستان کے رہنمائوں نے سینیٹ انتخابات میں سید یوسف رضا گیلانی کی کامیابی کو جمہوریت کی جیت اور حکمرانوں کی ہار قرار دیتے ہوئے کہا ہے کہ سید یوسف رضا گیلانی کی جیت کے بعد وزیراعظم عمران خان کو اخلاقاً مستعفی ہوجانا چاہیے ، آج کے انتخابات نے نااہل حکومت کو آئینہ دکھادیا ہے ، یوسف رضا گیلانی کو کامیاب کرانے پر پی ڈی ایم کے تمام قائدین مبارکباد کے مستحق ہیں۔
کوئٹہ: پا کستان مسلم لیگ(ن) کے صو بائی صدر و سابق اسپیکر جمال شاہ کاکڑ نے پی ڈی ایم کے امیدوار یوسف رضا گیلانی کی کامیابی پر خوشی کا اظہار کرتے ہوئے کہا ہے کہ اللہ تعالیٰ کاشکر ہے ۔