کوئٹہ: نیشنل پارٹی کے مرکزی ترجمان نے جاری بیان میں بااصول و نامور ماہر قانون لالا لطیف آفریدی کو سپریم کورٹ بار ایسوسی ایشن کا صدر منتخب ہونے پر مبارکباد دیتے ہوئے وکلاء برادری کی طرف سے بہترین انتخاب کو بھی سہراتے ہوئے انکی آئین و قانون سے شعوری آشنائی کو خراج تحسین پیش کیا۔لالا طیف آفریدی کی کامیابی آئین و قانون کی حکمرانی پر یقین رکھنے والوں کی کامیابی ہے۔
کوئٹہ: وزیراعلیٰ بلوچستان جام کمال خان نے مسلم لیگ(ن) کے صوبائی صدر لیفٹیننٹ جنرل (ر) عبدالقادر بلوچ کے پارٹی کو چھوڑنے کے ممکنہ فیصلے کو درست قرار دیا ہے۔اپنے ایک مختصر ٹوئٹ میں وزیراعلیٰ جام کمال خان نے کہا کہ میرے خیال سے جنرل(ر) عبدالقادر بلوچ نے درست فیصلہ کیا ہے۔
ملتان: سربراہ جے یو آئی مولانا فضل الرحمان نے کہا ہے کہ حکومت نام کی کوئی چیز نہیں ہے،حکومت بیسیاکھیوں پر کھڑی ہے جونہی بیساکھی ہٹے گی حکومت کا دھڑن تختہ ہو جائے گا، کشمیر کو تین حصوں میں تقسیم کرنے کا فارمولا عمران خان نے دیا۔ پی ڈی ایم کا ہر جلسہ دوسرے جلسے کا ریکارڈ توڑے گا، ہم مطمئن ہیں کہ تحریک کامیابی سے آگے بڑھے گی۔ملتان میں میڈیا سے بات کرتے ہوئے سربراہ جمعیت علمائے اسلام (ف) مولانا فضل الرحمان کا کہنا تھا کہ گوجرانوالہ، کراچی اور کوئٹہ میں پی ڈی ایم جلسے میں بڑی تعداد میں لوگ شریک ہوئے، عوام نے حکومت سے بیزاری کا اظہار کیا ہے، ہم مطمئن ہیں کہ تحریک کامیابی سے آگے بڑھے گی۔
کوئٹہ: بلوچستان نیشنل پارٹی کے سربراہ وسابق وزیراعلیٰ بلوچستان سردار اختر جان مینگل نے کہا ہے کہ پاکستان کا استحکام پاکستان کے آئین میں ہے،اگر ملکی استحکام کی گاڑی بار بار پٹڑی سے اترتی رہے گی اور بار بار اس کو پٹڑی پر لا یا جائے گا تو یہ گاڑی منزل مقصود تک نہیں پہنچ سکتی،حکومت کودرپیش مسئلوں پر راتوں رات قانون سازی کی جاتی ہے جبکہ عوام کودرپیش مسائل پرکوئی قانون سازی نہیں ہوپارہی۔
کوئٹہ: کوئٹہ میں بھی جشن عیدمیلادالنبی ؐ آج مذہبی عقیدت و احترام سے منایاجائے گا اس موقع پر سکیورٹی کے سخت انتظامات کئے گئے ہیں،شہر میں موبائل فون سروس بارہ گھنٹے بند رہے گی۔کوئٹہ میں عیدمیلاد النبی ؐ کے سلسلے میں شہر میں تقریباایک درجن چھوٹے بڑے جلوس نکالے جائیں گے۔
کوئٹہ: آل بلوچستان پروگریسو پرائیویٹ اسکولز ایسوسی ایشن رہنماوں نے کہا ہے کہ کورونا وائرس کے دوران بلوچستا ن میں 300سے زائد پرائیویٹ اسکولز بند ہوگئے ہیں ان تعلیمی اداروں میں ہزاروں کی تعداد میں طلباء زیر تعلیم تھے جن کا تعلیمی سال ضائع ہونے کا خدشہ ہے،صوبائی حکومت اور محکمہ تعلیم پرائیویٹ اسکولز کی مالی امداد کرے تاکہ جوپرائیوٹ اسکولز بند ہوئے ہیں انہیں دوبارہ کھولاجاسکے۔
کوئٹہ: بی ایس او پجار کا 23ویں مرکزی کونسل سیشن کا تین روزہ اجلاس اختتام پزیر ہوا۔ زبیر بلوچ چیئرمین جبکہ نادر بلوچ سیکرٹری جنرل منتخب ہوئے۔بلوچ اسٹوڈنٹس آرگنازشن پجار کا 23واں مرکزی کونسل سیشن زیر صدارت مرکزی آرگنازر زبیر بلوچ منعقد ہوا مرکزی کونسل سیشن کی شروعات بلوچ راجی سوت سے کیا گیا مرکزی آرگنازر زبیر بلوچ کے افتتاحی خطاب کے بعد مرکزی سیکرٹری رپورٹ مرکزی ڈپٹی آرگنازر نادر بلوچ نے پیش کی۔
کوئٹہ: پارلیمانی سیکرٹری صحت ڈاکٹر ربابہ خان بلیدی نے کوئٹہ سمیت پاکستان کے گیارہ بڑے شہروں میں ایک بار پھر کوویڈ کے غیر معمولی پھیلاؤ سے متعلق این سی او سی کی وارننگ پر گہری تشویش کا اظہار کرتے ہوئے تمام شہریوں سے اپیل کی ہے کہ احتیاطی تدابیر پر سختی سے عمل درآمد کرکے اپنے اور اپنے خاندان کے تحفظ کو یقینی بنائیں۔
کوئٹہ: گورنر بلوچستان امان اللہ خان یاسین زئی نے کہا ہے کہ بولان یونیورسٹی آف میڈیکل اینڈ ہیلتھ سائنسز صوبے میں ایک صحت مند معاشرہ تشکیل دینے میں اہم کردار ادا کرہیگی اور بولان میڈیکل یونیورسٹی معیاری تعلیم کے فروغ اور صحت کے شعبے سے متعلق پیشہ ورانہ افراد کی طبی تعلیم و تدریس کے حوالے سے نہایت اہمیت کا حامل ہے۔
دالبندین: بلوچستان نیشنل پارٹی کی سینٹرل کمیٹی کے ممبر اور رکن قومی اسمبلی حاجی میر محمدہاشم نوتیزئی نے اپنے جاری کردہ بیان میں قبائلی شخصیت و معروف مائنز اونر عبدالمجید نوتیزئی پر قاتلانہ حملے کی شدید مذمت کرتے ہوئے کہا کہ ایک قبائلی شخصیت پر حملہ ایک سوالیہ نشان ہے جب اہم شخصیات محفوظ نہیں تو عام آدمی کا کیا حال ہوگا،انہوں نے کہا کہ چاغی ایک پرامن ضلع رہا ہے۔