کوئٹہ: امیرجماعت اسلامی بلوچستان مولاناعبدالحق ہاشمی نے کہاکہ نبی کریم ؐ کی شان میں گستاخی پر فرانسیسی صدر پوری امت مسلمہ سے معافی مانگیں محمدؐکی حرمت پر جان بھی قربان ہے عالم اسلام کے حکمرانوں کے لیے شرم کامقام ہے کہ فرانس اور یورپ کی مذمت تک نہیں کرسکتے اور نہ فرانسیسی سفیر کو واپس کرسکتے ہیں۔ وزیر اعظم عمران خان کو اعلان کرنا چاہیئے کہ فرانسیسی مصنوعات کا بائیکاٹ کیا جائے۔
کوئٹہ: بلوچستان نیشنل پارٹی کے رکن صوبائی اسمبلی ثنا بلوچ نے کہاہے کہ بلوچستان میں 27سو سکولز بند،50فیصد سکولوں میں اساتذہ کی شدید کمی ہے،بلوچستان میں نصاب ومینجمنٹ کانظام جدید تقاضوں سے ہم آہنگ نہیں جو صوبے میں تعلیم کی تنزلی کا سبب بن رہاہے،غلط پالیسیوں سے بلوچستان کا ہربچہ اور بچی،گاؤں اور ضلع متاثر ہیں۔ان خیالات کااظہار انہوں نے اپنے ایک انٹرویو میں کیا۔
کوئٹہ: بلوچستان اسمبلی کی قائمہ کمیٹی برائے قواعد وانضباط کار واستحقاقات نے ایم پی اے واشک کے ساتھ پیش آنے والے واقعہ میں نائب تحصیل دار کو غلطی کا مرتکب قرار دیتے ہوئے سفارش کی ہے کہ ان کے خلاف تادیبی کارروائی کرکے 2ماہ میں کمیٹی کورپورٹ پیش کی جائے۔واضح رہے کہ 26اگست کو بلوچستان اسمبلی کے منعقدہ اجلاس میں جمعیت علماء اسلام کے رکن میر ذابد علی ریکی نے تحریک استحقاق پیش کرتے ہوئے کہاتھاکہ واشک کے قریب ناگ چیک پوسٹ پر لیویز اہلکاران شہریوں سے پیسے لیتے ہیں۔
کوئٹہ: سپریم کورٹ بار ایسوسیشن کے سابق صدر امان اللہ کنرانی نے سپریم کورٹ بار ایسوسیشن کے انتخابات میں صدر لالہ آفریدی سمیت دیگر عہدیداروں کی کامیابی پر تمام نمائندوں کو مبارکباد دیتے ہوئے کہا ہے کہ وکلاء کے اندر جمہوری قدروں اور اداراجاتی تسلسل و قائم رکھنے کے لئے بروقت صاف،شفاف پْرامن انتخابات کا انعقاد اور نتائج کو تسلیم کرنا جمہوریت کا حْسن و وکلاء کا طْرہئی امتیاز ہے۔
کوئٹہ: پاکستان پیپلز پارٹی کے صوبائی صدر میر حاجی علی مدد جتک نے فرانس میں گستاخانہ خاکوں کی اشاعت کی مذمت کر تے ہوئے کہاہے کہ فرانس سے پا کستانی سفیر کو فوری طور پر طلب کر کے ان کی تمام اشیاء کا بائیکاٹ کیا جائے،گستاخانہ خاکوں کی اشاعت پر کسی بھی صورت خاموش نہیں رہیں گے معافی مانگنے تک فرانسیسی مصنوعات کا بائیکاٹ جاری رکھا جائے، پیپلز پارٹی اس حوالے سے بھر پور احتجاج کرے گی۔
کوئٹہ: جمعیت علمااسلام کے صوبائی امیرو رکن قومی اسمبلی مولانا عبدالواسع نے جمعیت علمااسلام کے تمام ضلعی امرااور ضلعی عہدیداروں کو ہدایت کر تے ہوئے کہا کہ سانحہ پشاور اور فرانس میں گستاخانہ خاکوں کی اشاعت کے خلا ف آج صوبے کے تما م ضلعی ہیڈ کوارٹرز میں احتجاج مظاہرے کرے اور احتجاج کا سلسلہ ہفتہ بھر جا ری رکھا جا ئے،جمعیت علمااسلام پشاور میں ہونیوالے سانحہ کی شدید الفاظ میں مذمت کر تی ہے۔
گوادر: تربت یونیورسٹی گوادر کیمپس کے زیر اہمتام گوادر میں دو روزہ پیغام پاکستان نیشنل یوتھ کانفرنس کا اختتام ھو گیا۔ اس کانفرنس میں مختلف پروگرام رکھے گئے تھے۔ کانفرنس میں سینکڑوں مرد، خواتین اور طلبہ و طالبات نے شرکت کی۔ کانفرنس میں ملکْ کے مختلف معاملات کا احاطہ کیا گیا اور خاص طور پر امن و بھائی چارگی پر زور دیا گیا۔ کانفرنس کے پہلے روز کے مہمان خاص سنیٹر کہدہ بابر تھے۔
کوئٹہ: وزیراعلیٰ بلوچستان جام کمال خان نے کہا ہے کہ ماضی میں پنجابی کے خلاف بلوچستان میں آگ لگائی گئی جس سے غریب مرے اور آج امیر شریف کے جاتی امراء کی زیارت کیلئے سرداراختر جان خود چل کر گئے کاش آپ دس سال پہلے عام لوگوں کو نہ اکساتے۔وزیراعلیٰ نے سردار اختر مینگل کی مریم نواز شریف سے ملاقات اور صوبائی حکومت پر تنقید کے جواب میں ٹوئٹر پر اپنے ایک پیغام میں کہا کہ سردار اختر جان مینگل کو جواب دیں گے۔
اسلام آباد: بلوچستان نیشنل پارٹی کے سربراہ رکن قومی اسمبلی سردار اختر مینگل نے کہا ہے کہ ایک وزیر پی ڈی ایم اے کے خلاف قرارداد لائے ہیں، اندازہ نہیں تھا پی ڈی ایم اتنی چھاجائیگی،مراد سعید صاحب جو بھی آئین کے آرٹیکل سکس کی خلاف ورزی کرے گا اس کو سزا دی جائیگی اس پر بھی قرار داد لائی جائے۔ قومی اسمبلی میں اظہار خیال کرتے ہوئے انہوں نے کہاکہ ایک معزز وزیر صاحب،پی ڈی ایم کے خلاف قرارداد لائے ہیں۔
کوئٹہ: وزیراعلیٰ بلوچستان جام کمال خان کی زیرصدارت منعقدہ وڈیو لنک اجلاس میں صوبے میں اسپیشل اکنامک زونز کے قیام اور حب صنعتی اسٹیٹ سے متعلق امور پر پیشرفت کا جائزہ لیا گیا، اجلاس میں سینئر ممبر بورڈ آف ریونیو، سیکریٹری صنعت، مینیجنگ ڈائریکٹر لیڈااور ڈائریکٹر جنرل تعلقات عامہ نے بذریعہ وڈیو لنک شرکت کی، اجلاس کو متعلقہ حکام نے بوستان، حب اور گڈانی میں صنعتی زونز کے قیام سے متعلق اب تک کی پیشرفت، موجودہ حیثیت، کاروباری پلان اور دیگر متعلقہ امور پر آن لائن بریفنگ دی۔