سنجاوی: صوبائی وزیر پی ایچ ای /واسا حاجی نورمحمد دمڑنے تحصیل سنجاوی کا دورہ کیا دورے کے دوران انہوں نے غزالی ایجوکیشن سسٹم اسکول اور تاندوانی میںبلوچستان عوامی پارٹی کے دفتر کا افتتاح کیا،شاٹ کٹ سنجاوی میں رمضان خروٹی کی طرف سے دی گئی چائے پارٹی میں شرکت کی ،مختلف مقامات پر مختلف شخصیات کی وفات پر فاتحہ خوانی بھی کی ۔
کوئٹہ: پارلیمانی سیکرٹری صحت ڈاکٹر ربابہ خان بلیدی نے کہا ہے کہ بلوچستان میں خواتین کو ترقی کے یکساں مواقعوں کی فراہمی کو یقینی بنانے کے لیے موثر قانون سازی کی جارہی ہے معاشرے کے پسماندہ طبقات کو ہمارے سہارے کی نہیں ہمارے ساتھ کی ضرورت ہے ان خیالات کا اظہار انہوں نے وویمن ڈویلپمنٹ ڈیپارٹمنٹ کے زیر اہتمام عالمی یوم خواتین کی نسبت سے منعقدہ تقریب سے خطاب کرتے ہوئے کیا۔
خضدار: کوئٹہ کراچی قومی شاہراہ پر مسافر کوچ کی ٹکر سے مدرسہ کا طالب علم جاں بحق ساتھی زخمی تفصیلات کے مطابق پیر کے روز کوئٹہ کراچی قومی شاہراہ پر وہیر کے مقام پر کراچی سے کوئٹہ جانے والی مسافر کوچ اور موٹر سائیکل کے درمیان تصادم ہوا ۔
کوئٹہ: بلوچ سٹوڈنٹس ایکشن کمیٹی کے مرکزی وائس چیئرپرسن ڈاکٹر صبیحہ بلوچ نے آٹھ مارچ خواتین کے عالمی دن کے مناسبت سے اپنے بیان میں بلوچ خواتین سمیت ان تمام خواتین کو خراج تحسین پیش کرتے ہوئے کہا جنہوں عملی جدوجہد کا راستہ اپنا کر سماج اور قوموں کی تقدیر بدل ڈالا ہے۔ آج کا دن اْن خواتین کے نام ہے جنہوں نے تمام معاشرتی رکاوٹوں کو عبور کرتے ہوئے خود کو جدوجہد کا استعارہ ثابت کرنے میں کامیاب کیا۔
کوئٹہ: بلوچستان سیاسی اور سول سوسائٹی کے رہنمائوں نے کہا کہ معاشرے میں خواتین صحت، تعلیم سمیت دیگر بنیادی سہولیات سے محروم ہیں، خواتین کے حل طلب مسائل پر با ت کرنے کی ضرورت کے ساتھ ساتھ انہیں معاشرے میں باوقار مقام دینے کی بھی ضرورت ہے، خواتین کی شمولیت کے بغیر ترقی کا خواب ادھورا ہے حکومت کوچاہیے کہ وہ خواتین کو معاشی اور معاشرتی تحفظ فراہم کرنے کے لئے اقدامات کرے۔
اسلام آباد: قومی احتساب بیورو(نیب)نے متعدد شکایات ملنے کے بعد وفاقی دارالحکومت سمیت ملک کے چاروں صوبوں کے ریٹائرڈ و حاضر سروس پولیس افسران کے اثاثہ جات اور بنک اکائونٹس کی تحقیقات شروع کردی ہیں ۔ابتدائی طور پر سندھ پولیس کے ڈیڑھ سو افسران کی بنک اکائونٹس تفصیلات سٹیٹ بنک آف پاکستان سے طلب کرلی گئیں ۔
نصیر آباد: چیف سیکرٹری بلوچستان مطہر نیاز رانا کا اعلی سطحی وفد کے ہمراہ نصیرآباد ڈویژن کا دورہ وفد میں آئی جی پولیس بلوچستان رائے محمد طاہر ،ایڈیشنل چیف سیکرٹری منصوبہ بندی و ترقیات صبور کاکڑ، ایڈیشنل چیف سیکرٹری داخلہ حافظ عبدالباسط ، سینئر ایم بی آر قمر مسعود، پرنسپل سیکرٹری سی ایم زاہد سلیم ،سیکرٹری ایگریکلچر قمبر دشتی،سیکرٹری روڈزسلیم اعوان ،سیکرٹری ایریگیشن علی اکبر اور دیگر شامل تھے ۔
اسلام آباد: قومی احتساب بیورو کے چیئر مین جسٹس (ر)جاوید اقبال نے کہا ہے کہ بڑی مچھلیوں کے خلاف میگا کرپشن مقدمات کو قانون کے مطابق منطقی انجام تک پہنچایا جارہاہے تاکہ بدعنوان عناصر سے قانون کے مطابق لوٹی گی اربوں روپے کی رقوم برآمدکی جا ئیں،تمام تحقیقات کو میرٹ ،شفافیت ٹھوس شواہد اور دستاویزی ثبوتوں کی بنیاد پر پر مکمل کیا جائے،نیب کی کارکردگی دیگر اینٹی کرپشن کے اداروں سے بہترین ہے۔
کوئٹہ: سیکرٹری محکمہ ترقی نسواں ظفر علی بلیدی نے کہا ہے کہ سماجی ترقی میں خواتین کا کردار نہایت اہمیت کا حامل ہے۔ معاشرے میں خواتین کے مساوی حقوق سمیت خواتین کے دیگر مسائل کے حل کیلیے اقدامات کررہے ہیں۔حکومت صوبے کی خواتین کی ترقی اور فلاح و بہبود کیلیے تمام ممکن وسائل بروئے کار لا رہی ہے۔ انہوں نے کہا کہ حکومت صوبے کے تمام ڈویڑنل ہیڈکوارٹرز میں ورکنگ وومین ہاسٹل تعمیر کرنے جارہی ہے تاکہ کام کرنے والی خواتین کو بہترین رہائشی سہولیات دی جاسکے۔
کوئٹہ: گورنربلوچستان امان اللہ خان یاسین زئی نے خواتین کے عالمی دن کے موقع پر اپنے ایک پیغام میں کہا کہ یہ حقیقت ہے کہ معاشی طور پر آسودہ خواتین ہی باقی تمام حقوق واختیارات کے حصول کیلئے بھرپور کردار ادا کرسکتی ہیں دنیا میں کوئی قومی تحریک اس وقت تک کامیابی سے ہمکنار نہیں ہوسکتی جب تک کہ خواتین مردوں کے شانہ بشانہ جدوجہد میں شامل نہ ہوں۔