کوئٹہ: کوئٹہ پولیس اورفرنٹیئرکور کے عملے سریاب میں دو پولیس اہلکاروں کی شہادت کے بعد مشترکہ سرچ آپریشن کے دوران 56مشتبہ افراد کوگرفتار کرکے تفتیش کیلئے خفیہ مقام پرمنتقل کردیا تفصیلات کے مطابق گزشتہ روز کوئٹہ کے نواحی علاقے سریاب روڈ پربی بی نانی زیارت کے قریب نامعلوم مسلح افراد نے پولیس کے ناکے پرفائرنگ کرکے دو پولیس اہلکاروں عبدالعزیز اورسیف اللہ کوشہید کردیاتھا
کوئٹہ: مری معاہدے کے تحت بلوچستان میں ڈاکٹر عبدالمالک بلوچ کیبعد اقتدار نواب ثنا اللہ زہری کو منتقل ہوگیالیکن صوبائی کابینہ دو ہفتے بعد بھی تشکیل نہیں دی جاسکی۔ڈاکٹر عبدالمالک بلوچ کے بلوچستان میں ڈھائی سالہ دوراقتدار میں طے شدہ فارمولے کے تحت مخلوط کابینہ میں مسلم لیگ ن کے پاس سینئر وزیر سمیت پانچ وزارتیں اور دو مشیر، پشتونخواہ میپ کے چار وزرا اور دو مشیر اور نیشنل پارٹی کے بھی چار وزیراور ایک مشیر جبکہ ق لیگ کا ایک وزیرشامل تھا۔23دسمبر کو ڈاکٹر عبدالمالک بلوچ نے وزارت اعلیٰ کامنصب چھوڑا تو ان کے مستعفی ہونے کے بعد 14وزرا اور چار مشیروں پر مشتمل صوبائی کابینہ بھی فارغ ہوگئی۔ڈاکٹر عبدالمالک کیمستعفی ہونے کے اگلے ہی دن 24دسمبر کو نواب ثنا اللہ زہری نے وزارت اعلی کا منصب تو سنبھال لیا ،تاہم ان کی کابینہ اب تک تشکیل نہیں دی جاسکی۔ن لیگ کی اتحادی پشتونخواہ میپ اور نیشنل پارٹی کا کہنا ہے کہ وزارتوں پر ان کی جماعتوں میں کوئی اختلاف نہیں ہے
کوئٹہ: پاکستان پیپلزپارٹی بلوچستان کے رہنماؤں نے کہاہے کہ پیپلزپارٹی نے جمہوریت کے استحکام کیلئے خاموشی اختیار کررکھی تھی اسٹیبلشمنٹ نے ہمیشہ پیپلزپارٹی کوکچلنے کی کوشش کی مگر پیپلزپارٹی اسٹیبلشمنٹ کی کچلنے سے کمزور نہیں بلکہ مزید مضبوط ہوئی ہے اگرآج پیپلزپارٹی کے چیئرمین احتجاجی تحریک کی کال دیدیں تووفاق کی حکومت نہیں رہیں گی گوادر کاشغر اقتصادی راہداری کے منصوبے پرقوم پرستوں اورمذہب پرست جماعتوں کودھوکہ دیاہے گوادر کاشغراقتصادی روٹ سے بلوچستان اورخیبرپختونخوا کے عوام مستفید نہ ہوئے تو اس منصوبے کوکسی بھی صورت کامیاب نہیں ہونے دیں گے ان خیالات کااظہار پاکستان پیپلزپارٹی بلوچستان کے صدر میر محمدصادق عمرانی نے کوئٹہ پریس کلب میں قائدجمہوریت ذوالفقار علی بھٹو کی 88ویں سالگرہ کے مناسبت سے منعقدہ تقریب سے خطاب کرتے ہوئے کیااس موقع پرپیپلزپارٹی کے مرکزی رہنماء بسم اللہ خان کاکڑ،حاجی اشرف کاکڑ،سیداقبال شاہ ،جمال جوگیزئی ،آغاجمال عبدالناصر ،جعفرجارج، رخسانہ احمدعلی، حفیظ مینگل، وقاص ندیم نے بھی تقریب سے خطاب کیا
اسلام آباد: سینیٹ قائمہ کمیٹی برائے منصوبہ بندی، ترقی و اصلاحا ت کا جلاس چیئرمین کمیٹی سینیٹر کرنل (ر) سید طاہر حسین مشہدی کی زیر صدارت پارلیمنٹ لاجز کے کانفرنس ہال میں منعقد ہوا۔قائمہ کمیٹی کے اجلاس میں صوبوں کے ترقیاتی منصوبہ جات اور خاص طور پر بلوچستان کے منصوبہ جات،نیشنل ہائی وے اتھارٹی کی طرف سے سی پیک کے منصوبہ جات،سڑکیں اور انفراسٹرکچر کے معاملات کا تفصیل سے جائزہ لیا گیا۔چیئرمین کمیٹی سینیٹر کرنل (ر) سید طاہر حسین مشہدی نے کہا کہ پاک چائنہ اقتصادی راہداری کا منصوبہ ملک کی ترقی کیلئے اہم سنگ میل ثابت ہو گا۔اس منصوبے کی بدولت ملک کی نہ صرف معاشی حالت بہتر ہو گی بلکہ لوگوں کی حالت زار میں بھی نمایاں بہتری ہو گی۔انہوں نے کہا کہ اس منصوبے کے حوالے سے جو چھوٹے صوبوں کو تحفظات حاصل ہیں ان کو متعلقہ ادارے تفصیلی معلومات سے آگاہ کریں اور معاملات میں بہتری لائیں۔انہوں نے کہا کہ اس منصوبے کی بدولت صوبہ بلوچستان اور خاص طور پر پسماندہ علاقوں کو ترقی کی راہ پر گامزن کیا جا سکتا ہے
کوئٹہ: بحیرہ عرب کے کنارے آباد بلوچستان کے ساحلی شہر گوادر میں پانی کا بحران تاحال حل نہیں ہوسکا، اس سنگین صورتحال پرگوادر کے شہری شدید پریشانی سے دوچار ہیں جبکہ قوم پرست سیاسی جماعتیں بھی سراپا احتجاج بن گئی ہیں۔گوادر شہر، جیوانی، سربندر اور پشکان سمیت ملحقہ ساحلی آبادیوں کو پینے کاپانی فراہم کرنیوالا آکڑہ کور ڈیم بارشیں نہ ہونیکی بنا پر خشک ہوچکا ہے جس کی وجہ سے ان علاقوں میں پینے کے پانی کا بحران پیدا ہوچکا ہے، ذہنی اذیت کے شکار گوادر کے باشندے ان دنوں پانی کا ایک ٹینکر 15 ہزار روپے تک کا خریدکر استعمال کرنے پر مجبور ہیں وزیراعلیٰ بلوچستان مسلم لیگ ن کے صوبائی سربراہ چیف آف جھالاوان نواب ثناء اللہ خان زہری نے گوادر میں پینے کی قلت کا نوٹس لیتے ہوئے وفاقی حکومت اور متعلقہ حکام سمیت وفاقی وزیر ترقیاتی ومنصوبہ احسن اقبال سے بھی رابطہ کیا ہے جبکہ ۔اس سنگین صورتحال پر کوئی پوچھنے والا نہیں ، صوبے کی قوم پرست جماعت بلوچستان نیشنل پارٹی مینگل کے علاوہ حکمران جماعت نیشنل پارٹی بھی سراپا احتجاج ہے۔سیاسی رہنما ؤں کا کہنا ہے کہ صوبائی اور وفاقی حکومتیں متبادل ذرائع سے اس پانی کے بحران کو فوری حل کریں،
کراچی : چیئرمین پاکستان پیپلزپارٹی بلاول بھٹو زرداری نے کہا ہے کہ ہماری پارٹی چائنا،پاکستان اکنامک کوریڈورکو تکراری نہیں بنانا چاہتی لیکن اس 46۔ارب ڈالرز کے میگا منصوبے میں بلوچستان کے حقوق کو یقینی بنایا جائے ۔ان خیالات کا اظہار بلاول بھٹو زرداری نے منگل کے روز بلاول ہاؤس میں سابق ایم این اے عبدالرؤف کی سربراہی میں بلوچستان نیشنل پارٹی (مینگل) کے وفد سے ملاقات کے دوران کیا، وفد میں سابق ایم پی ایز اکبر مینگل، اختر لانگو اور محمد قاسم شامل تھے، اس موقع پر سینیٹر شیری رحمان، سینیٹر یوسف بلوچ اور جمیل سومرو بھی موجود تھے، بی این پی ( مینگل) کے وفد نے چیئرمین بلاول بھٹو زرداری کو چائنا۔پاکستان ایکنامک کاریڈور کے روٹس تبدیل کرنے کے حوالے سے بلوچستان کے خدشات کے متعلق آگاہ کیا اور بتایا کہ اس منصوبے سے صرف ایک صوبے کو ہی فائدہ ہوگا جب کہ بلوچستان کو کچھ بھی نہیں ملے گا،بلاول بھٹو زرداری نے اس منصوبے کے حوالے سے تمام اسٹیک ہولڈرز کو اعتماد میں لینے پر زور دیتے ہوئے کہا کہ پاکستان پیپلزپارٹی کی حکومت نے 18۔ویں ترمیم کے تحت تمام صوبوں کو خودمختیاری دی
کوئٹہ: عوامی نیشنل پارٹی کے رہنماؤں نے کہا ہے کہ ہم سے قومی خیانت کی توقع رکھنا حماقت ہوگی وزیراعظم آل پارٹیز کانفرنس میں کئے گئے فیصلوں پر عمل درآمد کو یقینی بنائیں پشتونوں اور بلوچوں کو احساس بیگانگی فیڈریشن کیلئے نیک شگون نہیں ماضی کے تلخ حقائق کو سامنے رکھتے ہوئے چھوٹے صوبوں اور قومیتوں کو شراکت اختیارات میں مساوی نمائندگی ہی روشن مستقبل کی ضامن ہوسکتی ہے قوم کو باور اور یقین دلاتے ہیں کہ گزشتہ 68 سالوں سے جو جبر استداد روا رکھا گیا گناہ اور مقصود واضح ہیں کہ ہم قومی مفادات کوپس پسٹ ڈالنے کیلئے کسی صورت تیار نہیں اگر مصلحت کرتے تو اقتدار میں ہوتے ہوئے جنازے نہ اٹھاتے پشتونوں کی عوامی نیشنل پارٹی پر اعتماد درست سیاست برحق موقف پر مہر ثبت ہے ان خیالات کا اظہار عوامی نیشنل پارتی کے صوبائی صدر اصغر خان اچکزئی ‘ صوبائی جنرل سیکرٹری نظام الدین کاکڑ ‘ ضلعی صدر ولی داد میانی ‘ صوبائی جوائنٹ سیکرٹری جمال الدین رشتہا ‘ صوبائی سیکرٹری اطلاعات مابت کاکا ‘ چیئرمین جمال شاہ ‘ ٹاؤن کمیٹی چیئرمین ملک زمان ترین ‘ سید عارف شاہ ‘ راز محمد تارن ‘ سومر خاکسار ‘ ندیم شاہ قادری ‘ پیر محمد سیلاچی نے ضلع ہرنائی کلی شور میں شہید جیلانی خان اچکزئی
لاہور : جماعت اسلامی پاکستان کی مرکزی مجلس شورٰی کا اجلاس امیر جماعت اسلامی پاکستان سینیٹر سراج الحق کی زیر صدارت منصورہ میں تین روز جاری رہا ‘ اجلاس میں ملک کی سیاسی صورتحال پر مفصل بحث کے بعد ایک قرار داد منظو ر کی گئی جس میں کہا گیاہے کہ جماعت اسلامی پاکستان کی مرکزی مجلس شوریٰ کا یہ اجلاس کراچی آپریشن کے حوالہ سے وفاق پاکستان اور حکومت سندھ کے درمیان تناؤ ، کھچاؤ ،بڑھتے ہوئے اختلافات اور اختیارات کی جنگ کو تشویش ناک اور جمہوری اداروں کے لیے خطرناک قرار دیتاہے۔ یہ حقیقت ہے کہ نیشنل ایکشن پلان کے تحت کراچی میں آپریشن کی وجہ سے کراچی کے شہریوں نے سکھ کاسانس لیا ہے۔ اور طویل عرصہ سے جاری دہشت گردی ، ٹارگٹ کلنگ ،بھتہ خوری ،بوری بند لاشوں ،نوگو ایریاز اور مفاد عامہ کے لیے بنائے گئے پارکوں پر قبضہ اور چائنہ کٹنگ جیسے جرائم میں نمایاں کمی آئی ہے لیکن اب کرپشن اور دہشت گردوں کی سرپرستی کے الزام میں گرفتار بعض بااثر افراد کو قانونی گرفت سے بچانے اوراپنے اپنے سیاسی مفادات کے تحفظ کے لیے حکومت سندھ اور بعض سیاسی عناصر رینجرز کے اختیارات کو محدود کرنے ،
کوئٹہ: نیشنل پارٹی کے مرکزی رہنماؤں نے کہا ہے کہ حلقہ پی بی 50کیچ 3کے انتخابات میں ہماری پارٹی کے امید وار اکرم دشتی کامیاب ہوئے ہیں ان کی کامیابی کانوٹیفکیشن جلدازجلد جاری کیاجائے بصورت دیگر ہم شدیداحتجاج کریں گے جس سے حالات کی تمام ترذمہ داری الیکشن کمیشن پرعائد ہوگی نوٹیفکیشن جاری نہ کرنے کی وجہ سے پارٹی کارکنوں میں شدیدتشویش پائی جاتی ہے ان خیالات کااظہار نیشنل پارٹی کے مرکزی سینئر نائب صدر میر طاہر بزنجو،رکن صوبائی اسمبلی ڈاکٹر شمع اسحاق بلوچ، بی ایس او کے مرکزی چیئرمین اسلم بلوچ ،نیشنل پارٹی کے نیاز بلوچ ،علی احمد لانگو اور حاجی عطامحمدبنگلزئی ،موسیٰ جان خلجی سمیت دیگر مقررین نے اتوار کو کوئٹہ پریس کلب کے سامنے پی بی 50کیچ تھری کے نتائج کے حوالے سے احتجاجی مظاہرے سے خطاب کرتے ہوئے کیامظاہرین نے بینرزپلے کارڈز اورپارٹی کے جھنڈے اٹھارکھے تھے مظاہرین نے اپنے امید وار کی کامیابی اوراپنے مطالبات کے حق میں شدیدنعرہ بازی کی مقررین نے کہا کہ نیشنل پارٹی بلوچستان کے عوام کی ہردلعزیز جماعت ہے جو جمہوریت پر مکمل یقین رکھتی
کوئٹہ: وادی کوئٹہ سمیت بلوچستان کے مختلف علاقوں میں آج سے بارش اور شمالی علاقوں کے پہاڑوں پر برفباری کا امکان ہے۔ محکمہ موسمیات کے مطابق وادی کوئٹہ سمیت بلوچستان کے مختلف علاقوں ژوب،زیارت،خانوزئی،قلعہ سیف اللہ سمیت دیگر علاقوں میں آج سے بارش ہونے کا امکان ہے جبکہ اتوار اور پیر کو شمالی بلوچستان کے پہاڑوں