کوئٹہ: سینیٹر ثمینہ ممتاز زہری نے کہا ہے کہ وزیراعلیٰ جام کمال خان خلوص نیت سے بلوچستان کی ترقی اور خوشحالی کے لئے دن رات کوشاں ہیں ان خیالات کا اظہار انہوں نے اپنی رہائش گاہ پر ایک وفد سے گفتگو کرتے ہوئے کیا انہوں نے کہا کہ وزیراعلیٰ بلوچستان جام کمال خان عوام کے مسائل پر حقیقی معنوں میں توجہ دے کر مسائل حل کرنے اور ان عوامی ترقیاتی منصوبوں کو تکمیل تک پہنچا کر عوام کو سہولیات ان کی دہلیز پر فراہم کرنے کے لئے حتیٰ الوسع کوششیں کر رہے ہیں۔
کوئٹہ: بلوچستان نیشنل پارٹی (عوامی) کے مرکزی سیکرٹری جنرل و صوبائی وزیر سوشل ویلفیئرہیومن رائٹس میر اسد اللہ بلوچ نے اپنے ایک بیان میں وفاقی حکومت اور وزیراعظم عمران خان سے پرزور اپیل کرتے ہوئے کہا ہے کہ حالیہ بارشوں نے بلوچستان بھر میں تباہی مچا دی ہے بلوچستان کے تمام ڈویژنز مکران ڈویژن،نصیرآبادڈویژن،قلات ڈویژن،کوئٹہ ڈویژن،ژوب ڈویژن،سبی ڈویژن میں بارش کی وجہ سے لوگوں کے گھرمسمار ہوگئے ہیں زمینداروں کی فصلات تباہ ہو چکی ہے۔
پشین: عوامی نیشنل پارٹی کے صوبائی صدر اور صوبائی اسمبلی میں پارٹی کے پارلیمانی لیڈر اصغرخان اچکزئی نے پشین جاکر اے این پی کے رہنماؤں تحصیل کے صدر عبدالخالق کاکڑ اور دوست محمد سنزرخیل کے جواں سال بیٹوں منظواحمد کاکڑ اور ذیشان سنزر کے بے وقت اور ناگہانی موت پر کلی نوآباد اور پشین بازار میں انکے گھروں پر جاکر غمزدہ خاندان سے دلی ہمدردی اور تعزیت کی۔
لندن: خان آف قلات کے ترجمان نے کہا ہے کہ خان آف قلات ، میر سلیمان داؤد احمد زئی نے اپنے حوالے سے منسوب اس خبر کی پرزور الفاظ میں تردید کی ہے کہ اس نے پاکستان وفد سے بات کرنے پیآمادگی ظاھر کی ہے۔ترجمان نے کہا کہ خان آف قلات میر سلیمان داؤد احمد زئی نے سختی سے کہا ہے نہ وہ کسی سے ملے ہیں نہ ہی اور نہ ہی اس نے کسی سے بات کرنے میں آمادگی ظاہر کی ہے۔
کوئٹہ: کوئٹہ الیکٹرک سپلائی کمپنی(کیسکو)کے ترجمان کے مطابق منگل کے روز صبح8بجے سے ایران سے مکران کے علاقوںکو فراہم کی جانے والی 132KVجیکی گور۔مند ٹرانسمیشن لائن سے بجلی کی فراہمی میں تعطل کامسئلہ درپیش آیا ۔
کوئٹہ: بلوچستان نیشنل پارٹی کے رہنماء نوابزادہ حاجی میر لشکری خان رئیسانی نے کہا ہے کہ صوبے کے عوام کا اعتماد وفاق سے اٹھ گیا ہے بلوچستان کا سنجیدہ سیاسی کارکن مذاکرات کے اعلانات پر کسی خوش فہمی میں مبتلا نہیں ، یہاں سیاسی عمل میں اسٹیلشمنٹ مداخلت کرتی ہے مایوس لوگوں نے پہاڑوں کا رخ کیا جس کی ذمہ دارریاست اور اس کے ادارے ہیں۔یہ با ت انہوں نے منگل کے روز نجی ٹی وی کو انٹر ویو دیتے ہوئے کہی۔
کوئٹہ; پاکستان تحریک انصاف بلوچستان کے سابقہ ترجمان و ممبر سینٹرل ایگزیکٹو کمیٹی بابر یوسفزئی نے اپنے جاری کردہ بیان میں کہا ہے کہ بحیثیت صوبائی وزیر تعلیم بلوچستان سردار یار محمد رند کی محکمہ تعلیم کے لئے گارگردگی قابل ستائش ہے سردار یار محمد رند نے محکمے سے کرپشن اور کمیشن کا خاتمہ کیا ہے جسے بلوچستان کی عوام قدر کی نگاہ سے دیکھتی ہے۔
کوئٹہ: وفاقی وزیر دفاعی پیداوار محترمہ زبیدہ جلال نے کہا ہے کہ بلوچستان کے عوام کے حقوق کی خاطر اپنی طویل ترین سیاسی ،قومی ،جمہوری جدوجہد کی قربانیاں جاری رکھی ہوئی ہوں،مکران میں ہمیشہ ظلم وجبر ،سماجی ناانصافیوں ،قومی نابرابری کے ظلم وستم کے سامنے سیسہ پلائی دیوار کی مانند کھڑے ہوکر ہر قسم کی سختیاں اور تکلیفیں برداشت کی ہیں اور عوام کے حقوق کی جدوجہد کی خاطر ہمیشہ صفحہ اول کا کردار ادا کیا۔
دالبندین: سیندک کاپر اینڈ گولڈ پراجیکٹ میں خام مال کی پیداواری عمل دوبارہ شروع کردی گئی۔جمعرات کو چینی کمپنی ایم سی سی ریسورس ڈویلپمنٹ کمپنی(ایم آر ڈی ایل)کی جانب سے جاری کردہ ایک بیان میں بتایا گیا کہ سیندک پراجیکٹ سے رواں سال کاپر بلسٹر کے 18000ٹن نکالی جائے گی۔
گوادر: بلوچ اسٹوڈنٹس آرگنائزیشن پجار کے مرکزی سینئر وائس چیئرمین بوہیر صالح ایڈوکیٹ، جونیئر وائس چیئرمین گورگین بلوچ اور وحدت بلوچستان کے جنرل سیکریٹری عابد عمر بلوچ نے اپنے جاری کردہ بیان میں موجودہ وفاقی و صوبائی سیلکٹڈ حکومت کی گوادر کے ساتھ سوتیلی ماں جیسی رویہ اور سلوک کی شدید الفاظ میں مذمت کرتے ہوئے کہا کہ گوادر کو جان بوجھ کر تعلیمی پسماندگی کی طرف دھکیل دیا۔