Posts By: شونگال

پاکستان دنیا ءِ ہما ملکاں ہوار انت کہ اودا گراکءُُ چزانی کارمرزکنوکیں مردمانی ارزشت ءُُ بستارے نیست اگاں کہ پاکستان ءِ آئین ءَ اے گپ تچک انت کہ بیپاری مردم ءُُ کمپنی گراکانی زرت ءُُ زور ءِ ذکت ءُُ آٹیگ ءَ ہوار آہانی دلبڈی،سدکی ءُُ دل ایمنی ءِ حیال ءَ بکن انت کہ ہچ کمپنی ءُُ بیپاری ءَ اے حق نسیت انت کہ آ وتی گراکءَ بُدروہ انت ءُُ بہ ریپین انت یاآئی ءَ دگہ چزے ءِ نام ءَ دگہ چزے بہا بدئینت پمشکہ دنیا ءَ ہر چز ءِ سرا آئی ءِ تہا ہواریں چزانی نام نبشتہ کنگ بنت،آئی ءِ سنگ ءُُ ہلاسی ءِ ماہ ہم نبشتہ کنگ بیت بلئے پاکستان ءَ ہچ گراک ءَ را اے حق ءُُ مز دئیگ نہ بنت ہمے حال پاکستان ءَ بازیں کمپنی انت کہ مہلوک یا آہانی ساز ءُُ ساماناں کارمرز کنوکیں مردماں تچک ءُُ راستیں سرپدی نہ دئینت اشانی کار ایوک ءَ مہلوک ءِ لٹ ءُُ پل کنگ انت۔

گشگ ہمے بیت کہ یک راجے ءِ دیما بروک ورنا اَنت بلئے ہمے ورنا اگاں پہ روز بہ بنت گڈا؟ اے جاور بلوچستان ءِ انوگیں نہ اَنت بلکیں اے جاوراں دیر انت کہ گوں بلوچستان ءَ دیمپان اَنت۔ کار ءُُ روزگار ءِ نیستی ءَ وانندگیں مردم بدکاریاں گلائش بنت ءُُ چہ حق ءُُ مادنیں راہ ءَ دربنت۔ ایشی ءِ سرجمیں ذمہ واری حکومت ئیگ اِنت۔اگاں حکومت اے نیمگ ءَ دلگوش بدنت داں اے جیڑہ ہمے زوتاں گیشوار بوت کنت۔

اے وہد ءَ بلوچستان ءِ حکومت وانگ ءُُ زانگ ءِ بہرگ ءَ یک سد ءُُ چاردہ سوجکارانی درکنگ ءِ جیڑہ ءِ آماچ انت۔ اگاں کہ بلوچستان ءِ سروزیر جام کمال ءَ وتی کیچ ءِ تروتاب ءِ وہد ءَ سکریٹری ایجوکیشن نیمگ ءَ بے جست ءُُ پرس ءَ درکتگیں سوجکارانی پدا برجم کنگ ءِ سدکی داتگ ءُُ کیچ ءِ ڈی سی ءُُ اے سی کیچ واجہ خرم شہزاد ءِ کماشی ءَ یک کمیٹی یے ہم ٹہینتگ کہ اے 114 ٹیچرانی درکنگ ءِ جاوراں بچار ایت۔ بلئے گامگیج وت سرا زورگ نہ بوتگ۔

بلوچستان ءِ دمگ پاکستان ءِ ہما دمگاں چہ یکے کہ وانگ ءُُ زانگ ءِ پڑاں نوکی دیم ءَ روان اِنت۔ بلوچستان ءَ اسکول وَ است اَنت بلئے وانینوک نیست،ءُُ ہما جاہ ءَ کہ وانینوک است گڈاں اسکول نیست اِنت۔اے کارحکومت ءِ ذمہ واری اِنت کہ بچارایت ہما جاہاں کہ اسکولءِ کمی اِنت اسکول بدنت ءُُ اے ہم کھڈن کنگ ہمائی ذمہ واری اِنت کہ ایوک ءَ اسکول ءِ ماڑی ءِ بندگ ءَ آئی ءِ کار سرجم نہ بیت بلکیں آ اے ہم بچاریت کہ اسکولاں استاد ءُُ وانینوک است بہ بیت۔دومی بلوچستان ءَ ہما کہ بے روزگاری ءِ توپان اِنت۔

بے روزگاری ایوک ءَ بلوچستان ءِ ناں بلکیں سرجمیں پاکستان ءِ یک مستریں جیڑگے بلئے حکومت اے بابت ءَ سرجم ءَ واب اَنت۔ نوکیں گچین کاریاں پیسر حکومت ءِ نوکیں مزن وزیر ءَ بلائیں گپ جتگ اَت کہ من چوکناں من آ کنان بلئے وتی جند ءِ کرتگیں گپاں چہ شموشکار انت۔اے پیم ءَ کہ یک مزن وزیرے وتی داتگیں قولاں بے حال بہ کنت گڑاں آئی ءِ سروزیر ءُُ اے دگہ مردم چون شر بوت کناں۔پمشکہ اول میاری وَ مزن وزیر اِنت۔بلوچستان ءَ یک وہدے ناوانندگیں مردم بے روزگار اِتاں۔

نزاناں اے وہد ءَ کوئٹہ۔کراچی یا کراچی۔کوئٹہ مسافر دل ءَ چے بند انت ءُُ سفر کن انت پرچکہ نوں اے دگ راہ ءُُ کشکے ءَ گیش مرگ ءِ چہرے ءِ چہر ءَ جنت۔ آدینگ ءِ روچ ءَ مستونگ ءِ کر ءَ دگہ یک دگی ویلے ءَ 19 مردم ٹپی بوتگ انت۔ گمان انت کہ اے ماہ ءِ اے اولی ویل انت کہ چریشی ءَ ہچ مردم بیران نہ بوتگ بلئے ماہ وتی ہپتگے ءَ پیش ءِ شونگالءَ نبشتہ کتگ ات کہ اے ہما بدبحتیں دگ انت گوستگیں ہپتگءِ ہپتیں روچاں یک روچے ہم کزا نہ بوتگ کہ مردم ءِ دل تسلہ بوارت کہ مرچی اے دگ ءِ سرا ہچ بدی ءُُ بیرانی نہ بوتگ۔

وہدے گوستگیں سال ءَ سینٹ ءِ چئیرمین چہ بلوچستان ءَ نامینگ بوت گڈا بنجاہی واکداراں ہوار بنجاہی ءُُ مزنراجی پہنات داریں راجمانی گلاں ہمے گپ دیم ءَ آورتگ ات کہ سینٹ ءِ چئیرمین بلوچستان ءِ اے حاترا حق انت کہ بلوچستان پاکستان ءِ پد منتگیں دمگ انت اگاں سنیٹ ءِ چئیرمین بلوچستان ءَ دیگ بہ بیت گڈا بلوچستان ءِ بازین جیڑہ یے وت گیش و گیوار بوت کنت۔

بلوچستان ءِ انوگیں حکومت ءَ بلوچستان ءِ ازمکارانی مالی کمک ءِ حاترا حکومت ءِ دود ءُُ ربیدگی بہر گءِ نیمگ ءَ یک گچینی فنڈے نامینتگ کہ آئی ءِ تہا دود ءُُ ربیدگ ءِ سیکریٹری واجہ ظفر بلیدئی ءِ مزنیں جہد ءُُ کوشتے ہوار انت۔ انوں بلوچستان حکومت ءِ حال شون واجہ ظہور بلیدئی ءِ یک ٹویٹے ءِ ردا اے حال دیم ءَ اتکگ کہ انوگیں حکومت ءَ بلوچی اکیڈمی کوئٹہ ءِ سالی گرانٹ ءِ تہا 5 ملین ءِ گیشی کتگ۔

روزگاری جیڑہ ایوک ءَ بلوچستان ءِ جیڑہ نہ اِنت بلکیں درائیں پد منتگیں ملکانی جیڑہ اِنت۔اے ملکاں اے جیڑہءِ بابت ءَ مدام تران وَ کنگ بوتگ ءُُ حکومتی مردماں مزن مزنیں کوہ پروشتگ اَنت بلئے کار ءِ جست بہ بیت داں یک گامے اوں دیمروئی نہ بوتگ۔ بلوچستان ءِ نوکیں حالانی پداں بلوچستان ءَ بے روزگاری ءِ کچ ءُُ حساب ءِ ہمے رنگ اِنت کہ سنگے لیٹین چار بے روزگار درکیت۔ تب زانتانی گشگ اِنت۔

بلوچستان وتی کارمرزی ءَ چہ دوسری گیش گروک(بجلی) ودی کنگ ءَ انت بلئے آئی ءَ گروک چہ ایندگہ دمگ(صوبہ) آں کم دئیگ ءَ انت۔بلوچستان اے وھد ءَ 2400میگاواٹ گروک ودی کنگ ءَ انت ءُُ بلوچستان ءِ زلورت ایوک ءَ 1400 میگاواٹ انت۔