کوئٹہ: کمشنر کوئٹہ ڈویژن کمبر دشتی کی زیر صدارت ٹرانسپورٹرز کے مسائل کے حل کے سلسلے میں اجلاس منعقدہوا۔ اجلاس میں ایڈیشنل کمشنر کوئٹہ محمد اسحاق ،ڈپٹی کمشنر کوئٹہ دؤاد خان خلجی،کمانڈئٹ غزہ بند کرنل سجاد احمد ،ڈپٹی کمشنر مستونگ علی اکبر بلوچ، ایس ایس پی ٹریفک حامد شکیل، سیکرٹری آر ٹی اے کوئٹہ امان اللہ پائیزئی ،اسسٹنٹ کمشنر مچھ ،کوئٹہ کراچی کوچز یونین کے صدر میر حکمت لہڑی،میر دولت لہڑی ، تفتان کوچز یونین کے حاجی جمعہ خان بادینی ،منی بس ایسوسی ایشن کے حاجی محمد حنیف اور لوکل بس ایسوسی ایشن کے صدر بابو شفیع محمد کے علاوہ دیگر عہدیداران اور نمائندے بھی موجود تھے۔اجلاس میں شرکاء کا موقف سننے کے بعد فیصلہ ہوا کہ کوئٹہ کراچی روٹس کی کوچوں کی ٹول پلازہ دشت پر چیکنگ ہوگی جس کے لئے اضافی عملہ تعینات کیا جائے گا تاکہ مسافروں اور ٹرانسپورٹروں کے مشکلات کم وقت میں دور جاسکے
کوئٹہ: وزیراعلیٰ بلوچستان ڈاکٹر عبدالمالک بلوچ نے کہا ہے کہ بلوچ اور پشتون قیادت کی سرمایہ دار، سامراج اور آمریت دشمنی کے خلاف جدوجہد کو ریاست مخالف قرار دینے کی ناعاقبت اندیش پالیسیوں نے ملک اور عوام کے لیے مشکلات کھڑی کیں، جمہوریت اور عوام کی بالادستی قبول کرنے سے ہی ملک کو سیاسی و معاشی استحکام ملے گا، مشرف آمریت کی بلوچستان میں لگائی گئی آگ کو بھجانے کی کوشش کر رہے ہیں، ان خیالات کا اظہار انہوں نے 29ویں پی اے ایف ائیر وار کورس، لینڈ وارفیئر ٹوئرکے شرکاء سے خطاب کرتے ہوئے کیا، اس موقع پر صوبائی وزیر اطلاعات عبدالرحیم زیارتوال، ایڈیشنل چیف سیکریٹری منصوبہ بندی و ترقیات نصیب اللہ بازئی، پرنسپل سیکریٹری محمد نسیم لہڑی، سیکریٹری خزانہ مشتاق احمد رئیسانی و دیگر اعلیٰ حکام بھی موجود تھے،
تربت : وزیراعلیٰ بلوچستان ڈاکٹرعبدالمالک بلوچ نے تربت گرڈ اسٹیشن میں 1لاکھ32ہزار KVسے منسلک سسٹم پر 4کروڑ روپے کی لاگت سے کیپسٹر کاافتتاح کیا جس سے مکران میں بجلی وولٹیج میں اضافہ ہوگا ‘ جمعہ کی شام تربت گرڈ اسٹیشن میں4کروڑ روپے کی لاگت سے نصب کیپسٹر بنک کا وزیراعلیٰ بلوچستان ڈاکٹرعبدالمالک بلوچ نے بٹن دبا کرکے افتتاح کردیا ‘اس موقع پر ایگزیکٹو انجینئر کیسکو آپریشن مکران انجینئر سیف اللہ بادینی نے وزیراعلیٰ کوبریفنگ دیتے ہوئے بتایا کہ کیپسٹربنک کے فعال ہونے سے مکران میں بجلی وولٹیج میں اضافہ ہوگا اور وولٹیج کی کمی کامسئلہ ختم ہوجائیگا ‘وزیراعلیٰ بلوچستان نے اس موقع پر کہاکہ ہماری حکومت نے مکران کیلئے ایران سے مزید30میگاواٹ بجلی
کوئٹہ: بی ایس او آزاد کی مرکزی کمیٹی کا پہلا اجلاس زیر صدارت مرکزی چیئرپرسن بانک کریمہ بلوچ منعقد ہوا۔ اجلاس میں تنظیمی امور، سیاسی صورت حال اور آئندہ لائحہ عمل کے ایجنڈے زیر بحث رہے۔عظیم بلوچ شہدا کی یاد میں دو منٹ کی خاموشی کے بعد اجلاس کا باقاعدہ آغاز کیا گیا۔ اجلاس سے خطاب کرتے ہوئے بانک کریمہ بلوچ نے کہا کہ بلوچ قوی تحریک قومی پارٹیوں اور آرگنائزیشنز کی موجودگی کی وجہ سے ہی اپنا تسلسل برقرار رکھ پائی ہے۔ابتدائی آزادی کی تحریکیں تجربے کی کمی اور اداروں کے بجائے افراد پر انحصار کرنے کی وجہ سے اپنا تسلسل برقرار رکھنے میں کامیاب نہیں ہوئے ہیں۔ لیکن نئے صدی کی شروعات میں شروع ہونے والی آزادی کی تحریک کو ماضی کی غلطیوں کا تجربہ حاصل تھا
کوئٹہ : چیف سیکریٹری بلوچستان سیف اللہ چٹھہ نے کہا ہے کہ وزیراعظم محمد نواز شریف نے چین پاکستان اقتصادی راہداری کے تحت باجوڑ، جنڈولہ، ژوب روٹ کو مغربی روٹ سے منسلک کرنے کی منظوری دے دی ہے۔ اپنے ایک بیان میں انہوں نے کہا ہے کہ وزیراعظم نے مغربی روٹ پر فوری طورپر کام شروع کرنے کی ہدایات جاری کردی ہیں۔ انہوں نے کہا کہ مغربی روٹ کی تعمیر سے نہ صرف قبائلی علاقہ جات میں ترقی کی راہیں کھلیں گی بلکہ اس سے بلوچستان سمیت پورے خطے میں اقتصادی ترقی کا انقلاب برپاہوگا۔ انہوں نے یقین ظاہر کیا کہ اقتصادی راہداری منصوبے کی تکمیل سے علاقے کے عوام کے لئے
کیلی فورنیا: پاکستانی نژاد امریکی جوڑے نے معذوری کے مرکز پر حملہ کر کے 14افراد کو ہلاک اور 17کو زخمی کردیا جوڑے کی نشاندہی سید رضوان فاروق اور اس کی بیوی تسکین ملک کے طور پر کی گئی ہے ایک پارٹی کے دوران ان دونوں نے اچانک فائرنگ شروع کردی اور 14افراد کو ہلاک اور 17کو زخمی کردیا امریکہ میں بڑے پیمانے پر ہلاکتوں کا ایک بڑا واقعہ ہے فاروق کی عمر 28سال اور اس کی بیوی کی عمر 27سال بتائی گئی ہے یہ معلوم نہ ہوسکا کہ انہوں نے کیوں یہ قتل عام کیا تاہم پولیس نے ان کا پیچھا کیا اور دونوں کو ان کی گاڑی کے اندر ہلاک کیا جوڑے نے اپنے 6ماہ کی بچی کو اپنے والدین کے
پیرس: فرانس کے چیف امام کا کہنا ہے کہ فرانسیسی حکومت نے آئندہ چند ماہ میں 160 مساجد بند کرنے کا فیصلہ کیا ہے. الجزیرہ کی ایک رپورٹ میں چیف امام حسن العلاوی کے حوالے سے بتایا گیا ہے کہ پیرس میں ہونے والے دہشت گرد حملوں کے بعد نافذ ایمرجنسی قوانین کے تحت جن مساجد میں بنیاد پرستی کے خیالات کو فروغ دیا جاتا ہے، انھیں بند کیا جاسکتا
کوئٹہ : گورنر بلوچستان محمد خان اچکزئی سے بدھ کے روز چیف سیکریٹری بلوچستان سیف اللہ چٹھہ نے ملاقات کی۔ ملاقات کے دوران گورنر بلوچستان کو دی گئی بریفنگ میں بتایا گیا کہ وزیراعظم پاکستان میاں محمد نواز شریف نے چین پاکستان اقتصادی راہداری کے مغربی روٹ پر کام فوری طور پر شروع کرنے کی ہدایت جاری کردی ہے جس کے مطابق این ایچ اے ڈیرہ اسماعیل خان۔مغل کوٹ۔ ژوب سیکشن (N50) کو توسیع دے کر چار رویہ (Dual Carriage Way) کی تعمیر کرے گا کیونکہ مغربی روٹ کی بقیہ تمام رابطہ سڑکیں اس سے ہی منسلک ہوں گی۔ وزیراعظم کی ہدایت کے مطابق این ایچ اے ضروری
تربت : وزیراعلیٰ بلوچستان ڈاکٹر عبدالمالک بلوچ نے کہا ہے کہ ملک میں عدلیہ کی آزادی، آئین کی حکمرانی کے لیے سیاسی پارٹیوں اور وکلاء کی قربانیاں ملک کی تاریخ کا درخشاں باب ہیں، انصاف پر مبنی معاشرے کو کبھی زوال نہیں آسکتا، تربت ہائی کورٹ بنچ کا قیام انصاف کی فراہمی میں انقلابی قدم ثابت ہوگا، پوری زندگی جمہوریت کے استحکام،عدلیہ ، الیکشن کمیشن اور پریس کی آزادی کے لیے جدوجہد کی ہے، ملک میں جمہوریت اور پارلیمنٹ کی بالادستی میں بار اور بنچ کا کردار انتہائی اہم رہا ہے، ان خیالات کا اظہار انہوں نے تربت میں تربت سرکٹ بنچ کے افتتاح کے موقع پر منعقدہ تقریب سے خطاب کرتے ہوئے کیا، وزیراعلیٰ نے کہا کہ سرکٹ بنچ کا قیام مکران کے عوام کا درینہ مطالبہ تھا،
کراچی: حکومت سندھ نے پاکستان پیپلز پارٹی کے رہنما اور صوبائی وزیر برائے ورکس، سروسز اور آرکائیوز شرجیل انعام میمن کو عہدے سے ہٹا دیا۔ بدھ کو جاری ہونے والے ایک نوٹیفکیشن کے مطابق ’آئین پاکستان کے آرٹیکل 132 کی دفعہ 3 کے تحت وزیراعلیٰ سندھ کی سفارش اور گورنر سندھ کی منظوری سے شرجیل میمن سے وزارت کا قلمدان واپس لے لیا گیا
