کوئٹہ: وزیراعلیٰ بلوچستان نواب ثناء اللہ خان زہری کی زیر صدارت سول ہسپتال سمیت کوئٹہ کے دیگر سرکاری ہسپتالوں میں سہولیات میں اضافہ ، نظم و ضبط کی بحالی، صحت و صفائی کی صورتحال کی بہتری اور سیکورٹی اقدامات کو موثر بنانے سے متعلق امور کا جائزہ لینے کے لیے منعقدہ اعلیٰ سطحی اجلاس میں سول ہسپتال کوئٹہ کے نو تعمیر شدہ ٹراما سینٹر کو آئندہ ماہ کے پہلے ہفتہ میں جزوی طور پر فعال کرنے جبکہ اکتوبر 2016 میں مکمل طور پر فعال کرنے کا فیصلہ کیا گیا ہے،
کوئٹہ: وزیراعلیٰ بلوچستان نواب ثناء اللہ خان زہری سانحہ کوئٹہ کے زخمی وکلاء کی عیادت اور اعلیٰ سطحی چینی وفد سے ملاقات کے بعد منگل کے روز کوئٹہ پہنچے ، ان کی آمد کے فوری بعد چیف سیکریٹری بلوچستان سیف اللہ چٹھہ اور آئی جی پولیس احسن محبوب نے وزیراعلیٰ سے ملاقات کی
گوادر: عوامی جمہوری چین کا ایک اعلیٰ سطحی وفد چن ڈرونگ کی قیادت میں منگل کو گوادر کے دورے پر۴ پہنچ گیا دس رکنی وفد نے گوادر پورٹ ایکسپریس وے گوادر فری زون، پاک چائنا فرینڈ شپ پرائمری سکول فقیر کالونی گوادر اور دیگر منصوبوں کا جائزہ لیا اس موقع پر گوار پورٹ اتھارٹی کے چےئرمین دوستین جمالدینی ایڈیشنل چیف سیکرٹری داؤد بڑیچ نے وفد کو بریفنگ دی۔
کوئٹہ: چیف سیکرٹری بلوچستان سیف اللہ چٹھہ کی زیرصدارت منگل کے روز سیکریٹریز کمیٹی کا اجلاس منعقد ہوا جس میں کوئٹہ شہر کی سیکیورٹی کو بہتر بنانے، مالی سال 2016-17ء کے پی سی ون کی تیاری سمیت دیگر امور کا جائزہ لیا گیا۔ اجلاس میں ایس ایم بی آرقمرمسعودسمیت تمام سیکریٹریز نے شرکت کی۔
کوئٹہ : وفاقی وزیر منصوبہ بندی و ترقیات احسن اقبال نے کہا ہے کہ سی پیک منصوبے نے دنیا کی توجہ حاصل کرلی ہے چین سے 46 ارب ڈالر میں سے 35 ارب ڈالر صرف توانائی کے منصوبوں پر صرف ہوں گے۔ وفاقی وزیر احسن اقبال نے کہا کہ ماضی میں بلوچستان کو نظر انداز کردیا گیا تھا اور اس قومی جرم میں ہم سب برابر کے شریک ہیں۔ انہوں نے کہا کہ وزیراعظم محمد نوازشریف کی ترقی وژن 2025ء میں بلوچستان پہلی ترجیح میں ہوگی
اسلام آباد: وفاقی وزیرداخلہ چوہدری نثار علی خان کا کہنا ہے کہ کوئٹہ کے سول اسپتال میں خود کش حملہ آور کا تعلق پشین سے تھا جس کی انگلیوں کے نشان کی تصدیق اسی روز ہوگئی تھی۔
خیبر ایجنسی: پاک فوج کی جانب سے خیبر ایجنسی کی وادی راجگل میں فوج کے اضافی دستے تعینات کردیئے گئے جب کہ بلند پہاڑوں پر دہشت گردوں کی نقل و حرکت روکنے کا فیصلہ کیا گیا ہے۔
کوئٹہ: گذشتہ روز ڈائریکٹوریٹ جنرل لائیوسٹاک میں کانگو وائرس کے حوالے سے اہم اجلاس منعقد ہوا۔ اجلاس کی صدارت ڈائریکٹر جنرل لائیو سٹاک ڈیپارٹمنٹ ڈاکٹر غلام حسین جعفر نے کی۔ اجلاس میں محکمہ کے اعلیٰ آفیسران کے علاوہ میڈیکل سپرنٹنڈنٹ فاطمہ جناح ٹی بی سینی ٹوریم، انچارج کانگو آئسولین وارڈ ڈاکٹر عباس اور دیگر ذمہ داروں نے شرکت کی۔
کوئٹہ: گورنر بلوچستان محمد خان اچکزئی نے کہا ہے کہ پاکستان اور افغانستان دونوں برادر اور ہمسایہ ممالک ہیں۔ دونوں ممالک کے درمیان باہمی اشتراک اور تعاون کے نتیجے میں مشترکہ خوشحال مستقبل تعمیر کیا جاسکتا ہے۔ انہوں نے کہا کہ پاکستان اور افغانستان میں قیام امن ایک دوسرے کی ضرورت ہے۔
پاکستان نے بلوچستان پر بات کرنے پر بھارتی وزیراعظم کو آڑے ہاتھوں لے لیا، وزیراعظم کے مشیر برائےخارجہ امور سرتاج عزیز کا بھارتی وزیراعظم نریندر مودی کی تقریر پر ردعمل کا اظہار کرتے ہوئے مزید کہنا تھا کہ بھارت ’را‘ کے ذریعے بلوچستان میں دہشت گردی کرارہا ہے