کوئٹہ : صوبائی وزیر بلدیات و دیہی ترقی سردار صالح محمد بھوتانی نے بلوچستان کے اکثر اضلاع میں حالیہ بارشوں سے پیدا ہونے والی صورتحال کے پیش نظر تمام بلدیاتی اداروں کے ملازمین کی چھٹیاں منسوخ کرتے ہوئے دستیاب ہیوی مشینری اسٹینڈ بائی رکھنے کی ہدایت کی ہے جبکہ صوبے بھر کے بلدیاتی ایڈمنسٹریٹر سے کہا گیا ہے کہ متواتر بارشوں سے نشیبی علاقوں میں جمع ہونے والے پانی کے اخراج کے لئے ہنگامی بنیادوں پر اقدامات اٹھائے جائیں تاکہ اس سے انسانی آبادی متاثر نہ ہو۔

کراچی: تحریک انصاف نے اسپیکر سندھ اسمبلی آغا سراج درانی سے اپنے عہدے سے مستعفیٰ ہونے کا مطالبہ کیا ہے۔

اسلام آباد: پاکستان اپنے دوست ملکوں خاص طور پر بااثر ریاستوں کی مدد سے بیک چینل کے ذریعے بھارت سے موجودہ کشیدگی کو کم کرنے کیلیے کوششیں کررہا ہے۔

 لاہور: 8سالہ بچے پر تین روز تک بہیمانہ تشدد کرنے والے پولیس افسر سمیت 6 افراد کے خلاف مقدمہ درج کرکے گرفتار کرلیا گیا ہے۔

 کراچی: چینی قونصل خانے پر حملے میں دہشت گردوں کو بھارتی ایجنسی را کی مالی معاونت کا انکشاف ہوا ہے۔

کوئٹہ: بلوچستان نیشنل پارٹی کے رہنماؤں نے کہا ہے کہ موجودہ حکومتی وزراء درجنوں کے تعداد میں مشیران بیوروکریسی اور ضلعی انتظامیہ کو یہاں کے عوام اور غریب شہریوں کی مسائل کو سننے اور انہیں حل کرنے کیلئے سرکاری دفتروں میں بیٹھنے کیلئے وقت نہیں ہے اور وہ اکثر اوقات پنے دفتروں سے غیر حاضر ہیں جس کے نتیجے میں یہاں کے شہریوں کو سنگین مسائل اور مشکلات کا سامنا ہے اور یہ عمل اس بات کی عکاسی کرتا ہے کہ انہیں یہاں کے عوام کے مسائل حل کرنے اور سننے سے کوئی دلچسپی نہیں ہے ۔

کوئٹہ: پاکستان مسلم لیگ ن کے صوبائی صدر عبدالقادر بلوچ نے وزیرا عظم کی پالیسی بیان کی مکمل حمایت کا اعلان کرتے ہوئے کہا کہ اگر بھارت نے پاکستان پر حملہ کرنے کی کوشش کی تو اس کے خطرناک نتائج برآمد ہونگے ۔

کوئٹہ: بلوچستان کے تین ہائی رسک اضلاع میں انسداد پولیو مہم دوسرے روز بھی جاری رہی۔محکمہ صحت بلوچستان کے مطابق صوبے کے ہائی رسک اضلاع میں کوئٹہ، پشین اور قلعہ عبداللہ میں دوسرے روز بھی بڑی تعدادمیں بچوں کو پولیو سے بچاؤ کے قطرے پلانے سمیت قوت مدافعت کی کمی شکار بچوں کو پولیو سے بچاؤ کے قطرے پلائے گئے۔

اسلام آباد :  ایران کے سفیر مہدی ہنر دوست نے کہا ہے کہ سعودی وزیر خارجہ نے اسلام آباد میں حقائق کو مسخ کرکے پیش کرنے کی کوشش کرتے ہوئے پاکستا ن اور ایران کے تعلقات میں خلل ڈالنے کی کوشش ہے۔آن لائن سے خصوصی گفتگوکرتے ہوئے پاکستان میں تعینات ایرانی سفیر مہدی ہنر دوست نے کہا کہ ایران گزشتہ چار دہائیوں سے دہشتگردی اور انتہاپسندی کا شکار ہے جبکہ سعودی وزیر مملکت کا حالیہ دعوی، دنیا میں تسلیم شدہ حقائق کو مسخ کرنے کی ناکام کوشش ہے ۔

دی ہیگ: عالمی عدالت میں بھارتی جاسوس کلبھوشن یادیو کے کیس میں پاکستانی وکیل خاور قریشی نے بھرپور دلائل دیے، پاکستانی وکیل نے کہا کہ کلبھوشن یادیو کیس کا ایران سے کوئی تعلق نہیں، کلبھوشن کو بلوچستان سے گرفتار کیا گیا، خاور قریشی نے بھارتی قومی سلامتی کے مشیر اجیت دوول کے انٹرویو کا بھی حوالہ دیا۔