تربت : یونیورسٹی آف تربت کے وائس چانسلر پروفیسرڈاکٹرعبدالرزاق صابر نے کہاہے کہ مختلف چیلنجزاوروسائل کی کمی کے باوجود یونیورسٹی انتظامیہ طالب علموں اور اساتذہ کو ہرممکن سہولیات کی فراہمی کے لئے کوشاں ہے تاکہ علاقے میں اعلی اور معیاری تعلیم کو فروغ دیا جاسکے۔

اسلام آباد:  صدر مملکت عارف علوی نے کہا ہے کہ گوادر کی ترقی کے حوالے سے گوادر کے عوام اور ان کے منتخب نمائندوں کو اعتماد میں لیا جائے گا گوادر منصوبہ پاکستان کی ترقی کا زینہ ہے اس کے بغیر خوشحال پاکستان کا تصور ناممکن ہے ۔

اسلام آباد:  بی این پی مینگل اور حکومت کے درمیان دوریاں پیدا ہونے لگیں بی این پی کے رہنماؤں نے اپوزیشن کے اجلاس میں شرکت کر کے علیحدگی کا اشارہ دیدیا۔ آغا حسن بلوچ کا کا کہنا ہے کہ ہم آزاد بنچوں پر بیٹھے ہیں ابھی اپوزیشن میں شامل ہونے کا فیصلہ نہیں کیا۔

اسلام آباد :  سینیٹ کی آبی وسائل کمیٹی نے مہمند ڈیم کی تعمیر کا ٹھیکہ وزیراعظم کے مشیر عبدالرزاق داؤد کی کمپنی کو دیئے جانے پر تحفظات کا اظہار کردیاہے۔پیر کو سینیٹ کی آبی وسائل کمیٹی کا اجلاس چیئرمین سینیٹر شمیم آفریدی کی زیر صدارت منعقد ہوا ۔اجلاس میں کمیٹی نے مہمند ڈیم کا ٹھیکہ مشیر تجارت عبدالرزاق داؤد کی کمپنی ڈیسکون کو دینے پر تحفظات کا اظہار کیا۔ 

اسلام آباد : پاکستان اور چین نے سی پیک کے تحت جائنٹ وینچرز وپاکستانی برآمدات کو بڑھانے کیلئے اقدامات جاری رکھنے اور گوادر ائر پورٹ و دیگر سماجی منصوبوں کی تین ماہ میں سنگ بنیاد رکھنے پر اتفاق کیا ہے جبکہ وفاقی وزیر مخدوم خسرو بختیار نے کہاہے کہ 8ویں جے سی سی کے موقع پر دستخط ہونے والے مفاہمتی یاداشت سے سی پیک صنعتی تعاون کو فروغ ملے گا۔ 

راولپنڈی:  سکستھ روڈ میں شادی کے گھر میں آتشزدگی سے 4 خواتین جھلس کر جاں بحق ہوگئیں۔

 اسلام آباد: چیف جسٹس پاکستان میاں ثاقب نثار نے ریمارکس دیے ہیں کہ وہ نہیں سمجھتے کہ حکومت ڈیم بنانے کے لیے سنجیدہ ہے۔

 واشنگٹن: امریکی صدر ڈونلڈ ٹرمپ نے ترکی کی معیشت کو تباہ کرنے کے بیان سے یوٹرن لیتے ہوئے کہا ہے کہ دونوں ممالک کے درمیان معاشی ترقی کے وسیع مواقع ہیں۔

کوئٹہ :  وزیراعلیٰ بلوچستان جام کمال خان کو سیکریٹری محکمہ خوراک وفوڈ سیکیورٹی غلام علی بلوچ نے محکمانہ امور پر بریفنگ دی، صوبائی وزیر محکمہ خوراک وفوڈ سیکیورٹی سردار عبدالرحمن کھیتران بھی اس موقع پر موجود تھے۔