کوئٹہ : بلوچستان کے حلقہ پی بی 50کیچ کے 69پولنگ اسٹیشنوں میں سے 35پولنگ اسٹیشنز کے نتائج کے مطابق نیشنل پارٹی کے اکرم دشتی کواپنے مد مقابل امیدواروں لالا رشید ،میرمحمدعلی رند اوراکبرآسکانی پربرتری حاصل ہے ۔آخری اطلاعات تک 34پولنگ اسٹیشنز کے نتائج نہیں آسکے تھے تفصیلات کے مطابق جمعرات کے روز بلوچستان کے حلقہ پی بی 50کیچ کے صوبائی اسمبلی کے نشست پرانتخابات کیلئے پولنگ 9بجے شروع ہوئی جوپانچ بجے تک بغیرکسی وقفے کے جاری رہی 5بجے پولنگ ختم ہونے کے بعد نتائج کی آمد کاسلسلہ رات گئے تک جاری رہاآخری اطلاعا ت کے مطابق کل 69پولنگ اسٹیشنز میں سے 35پونگ اسٹیشنز کے نتائج موصول ہوئے تھے جس کے مطابق نیشنل پارٹی کے اکرم دشتی کو2400ووٹوں کے ساتھ برتری حاصل تھی

اقوامِ متحدہ کے ادارہ برائے پناہ گزیناں کے سبکدوش ہونے والے سربراہ انتونیوگتیریس نے پناہ گزینوں کے بحران کے تناظر میں یورپی یونین کے ردعمل پر کڑی تنقید کی ہے۔ انتونیو گتیریس دس برس تک یو این ایچ سی آر میں کام کرنے کے بعد اس ذمہ داری کو خیرباد کہنے والے ہیں۔ انھوں نے بی بی سی سے خصوصی بات چیت میں کہا کہ جب شامی پناہ گزین یورپی ممالک میں پہنچنا شروع ہوئے تو یورپی یونین اس کے لیے بالکل بھی تیار نہیں تھی اور وہ اب بھی اس مسئلے سے نمٹنے کے لیے تیار نہیں ہے

ژوب: وزیراعلیٰ بلوچستان نواب ثناء اللہ خان زہری نے کہا ہے کہ چین پاکستان اقتصادی راہداری منصوبہ کے مغربی روٹ کے آغاز سے منصوبہ کو متنازع بنانے کے پروپیگنڈوں کا خاتمہ ہوگیا ہے،وزیراعظم نے سنگ بنیاد رکھ کر بلوچستان اور پاکستان کی خوشحالی کی ضمانت فراہم کردی ہے۔ ان خیالات کااظہار انہوں نے یہاں ژوب مغل کوٹ شاہراہ کا سنگ بنیاد رکھنے کی پروقار تقریب سے خطاب کرتے ہوئے کیا۔ وزیراعلیٰ بلوچستان نے کہا کہ وزیراعظم محمدنوازشریف کا منصوبہ کا افتتاح کرنا بلوچستان اور یہاں کے عوام کے لئے انتہائی مسرت اور اطمینان کا مقام ہے جس سے صوبے میں ترقی وخوشحالی کا ایک نیا دروازہ کھل گیا ہے۔ عظیم منصوبے کی تکمیل سے نہ صرف پاکستان کی معاشی و اقتصادی حالات میں نمایاں بہتری آئے گی بلکہ گوادر شہر ، چین، افغانستان اور ایشیائی ممالک کے لئے گیٹ وے کا کام کرے گی۔ یہ منصوبہ پورے خطے کی تجارت اور معیشت کے لئے ایک گیم چینجر ثابت ہوگا۔ نواب ثناء اللہ خان زہری نے کہا کہ کوئی بھی ترقی مخالف قوت اس منصوبے کی راہ میں رکاوٹ نہیں ڈال سکتی، وزیراعظم محمد نوازشریف کی سیاسی بصیرت، عوام کی ترقی وخوشحالی کے لئے نیک نیتی اور اقدامات پاک فوج کی کاوشوں اور عوامی تعاون سے اقتصادی راہداری جلد پایہ تکمیل تک پہنچا کر رہے گی۔

برمنگھم: برطانونی شہر برمنگھم میں مقیم پندرہ سالہ زہرا صادق اپنی دوستوں کے ہمراہ بس میں سفر کر رہی تھی۔ کنڈکٹر کے ٹکٹ مانگنے پر زہرا نے ٹکٹ دکھائی تو خاتون کنڈکٹر غصے میں آ گئی اور میک اپ ہونے کے باعث زہرا کو پندرہ برس کا ماننے سے انکار کر دیا جبکہ 35 پاؤنڈ کا جرمانہ عائد کرتے ہوئے زبردستی ویرانے میں بس سے اتار دیا۔

اسلام آباد: پانی کی شدید قلت دور کرنے کیلئے حکومت گوادر اور اس کے گردونواح کے علاقوں کو سملی ڈیم سے پانی فراہم کرنے کا منصوبہ بنا رہی ہے ۔ منصوبے کے تحت گوادر کو 6.5 ایم ڈی جی پانی فراہم کیاجائے گا ۔ میڈیا رپورٹس کے مطابق گوادر ڈویلپمنٹ اتھارٹی کے ایک عہدیدار نے بتایا ہے کہ یہ ڈیم انقرہ ڈیم سے تین گنا زیادہ بڑا ہے جو کہ سردست شہر کو پانی کی فراہمی کے لئے استعمال کیا جارہا ہے انہوں نے کہا کہ سواد ڈیم گوادر سے 57 کلو میٹر دور ہے اور اس کی تکمیل قریب ہے ہم پائپ لائن اور پمپ کے لئے ٹینڈر جاری کرینگے اور امید ہے کہ اگلے دو سال میں یہ آپریشنل ہوجائے گا

امرتسر : ہندوستان کی آرمی کے 3 فوجیوں نے نشے میں دہت ہو کر 14 سالہ لڑکی کا ریپ کر دیا۔ ہندوستان ٹائمز کی رپورٹ کے مطابق 14 سالہ لڑکی کا ریپ امرتسر سے ہوڑا جانے والی ٹرین میں کیا گیا۔ پولیس کے مطابق فوجی شراب کے نشے میں تھے جبکہ انہوں نے لڑکی کو بھی شراب پینے پر مجبور کیا۔ ہوڑا-امرتسر ایکسپریس پنجاب کے شہر امرتسر سے مغربی بنگال کے شہر ہوڑا جاتی ہے، پولیس کا کہنا تھا کہ ایک ڈبہ فوج کے سپاہیوں کے لیے مخصوص تھا، لڑکی غلطی سے اس ڈبے میں سوار ہو گئی تھی۔ 14 سالہ لڑکی کے مطابق ایک فوجی نے اس کو نشہ دیا جبکہ 2 فوجیوں نے ٹوائلٹ جانے پر اس کا ریپ کیا

گوادر:حلقہ پی بی 50کیچ iiiمیں31دسمبرکو ضمنی الیکشن کے لیئے حالات ناسازگار ہوگئے۔ مسلح افراد اور علیحدگی پسند تنظیموں کی جانب سے دباؤ کے پیش نظر امیدواروں نے حلقہ کے بجائے انتخابی مہم تربت میں گھر بیٹھ کر چلانا شروع کردیا۔ ایک جانب سیکیورٹی فورسز حلقہ میں الیکشن کی کامیابی کے لیئے سرچ آپریشن اور فضائی جائزہ لینے کے ساتھ اضافی چیک پوسٹ قائم کررہے ہیں تو دوسری طرف انتخابی امیدواروں کو دہمکانے کا سلسلہ بھی مسلح علحیدگی پسندوں کی جانب سے جاری ہے جس کے سبب عام ووٹر پولنگ بوتھ جا کر ووٹ کاسٹ کرنے کے عمل سے کترا رہے ہیں ۔ مزکورہ حلقہ میں اس وقت مسلم لیگ ن نیشنل پارٹی، بی این پی عوامی اور آزاد امیدوار ضمنی الیکشن کے لیئے میدان میں ہیں مگر تاحال کسی امیدوار نے حلقے میں جا کر الیکشن مہم چلانے کی کوشش نہیں کی ہے اور تمام امیدوار تربت میں اپنے گھرو ں اور بھیٹک کو الیکشن سیل بنا چکے ہیں

بغداد: عراقی فوج نے صوبہ انبار کے دارالحکومت رمادی میں کئی ہفتوں کے آپریشن کے بعد داعش کے شدت پسندوں کو شکست دے کر حکومت کا وسطی انتظامی کمپلیکس دوبارہ اپنے قبضے میں لے لیا۔ واضح رہے کہ داعش نے رمادی پر رواں سال مئی میں قبضہ کیا تھا جس کے خلاف امریکا کی تربیت یافتہ عراقی فوج کی پچھلے 18 ماہ میں یہ پہلی بڑی فتح ہے

سکھر: قومی اسمبلی میں قائد حزب اختلاف اورپیپلز پارٹی کے رہنما خورشید شاہ کہتے ہیں کہ اگرسندھ میں گورنرراج لگا تو لگانے والوں کاحساب کتاب جلد شروع ہوجائے گا۔ سکھرمیں میڈیا سے بات کرتے ہوئے خورشید شاہ نےکہا کہ پیپلزپارٹی نے بڑے صدمے دیکھے اورملک کے لئے بڑی قربانیاں دی ہیں، بے نظیراورذوالفقارعلی بھٹو نے گھرمیں شہادت نہیں پائی۔ انہوں نے کہا کہ چھوٹےصوبوں کےساتھ جورویہ اختیارکیاجارہا ہے وہ ناقابل برداشت ہے، سندھ میں گورنرراج لگا تواس کاخمیازہ وفاق کوبھگتنا پڑے گا

پیرس: فرانس کے جزیرے کورسیکا میں انتہا پسندوں نے مسلمانوں کی ایک عبادت گاہ پر حملہ کر کے توڑ پھوڑ کی اور قرآن پاک کی بے حرمتی کی۔ غیر ملکی خبر رساں ادارے کے مطابق فرانس کے جزیرے کورسیکا کے دارالحکومت اجیکسو میں تقریباً 600 افراد کرسمس ڈے والے روز ایک پولیس اہلکار اور دو ریسکیو ورکرز پر حملے کے خلاف مظاہرہ کر رہے تھے کہ مظاہرین میں سے مشتعل افراد نے قریب ہی واقع مسجد پر دھاوا بول دیا، شدت پسندوں نے مسجد کے شیشے توڑ دیئے اور اندر گھس کر قران پاک کے نسخے جلائے اور 50 کے قریب نسخے سڑک پر پھینک دیئے