ملائیشیا میں مکمل کورونا ویکسینیشن والے افراد پر سے سفری پابندیاں ختم کر دی گئیں۔ملائیشین وزیرِ اعظم اسماعیل صابری یعقوب نے نیوز کانفرنس میں بتایا کہ مکمل ویکسینیشن کے حامل افراد 11 اکتوبر سے اندرون اور بیرونِ ملک سفر کر سکیں گے۔

سعودی عرب کے شہزادہ عبداللہ بن محمد بن عبدالعزیز انتقال کر گئے۔سعودی شاہی عدالت نے اتوار کو شہزادہ عبداللہ بن محمد بن عبدالعزیز آل سعود بن فیصل السعود کے انتقال کا اعلان کیا۔

روس کے علاقے تاتارستان میں چھوٹا طیارہ گر کر تباہ ہونے سے 19 افراد ہلاک ہو گئے۔روسی میڈیا کے مطابق حادثے کا شکار ہونے والے ایل 140 طیارے میں 22 کے قریب افراد سوار تھے، حادثے کے وقت طیارے میں 2 پائلٹ اور 20 اسکائی ڈائیورز موجود تھے۔

تائیوان کی صدر سائی انگ وین کا کہنا ہے کہ تائیوان چین کے دباؤ کے آگے نہیں جھکے گا، اپنے جمہوری طرزِ زندگی کا دفاع کرے گا۔تائیوان کے قومی دن کے موقع پر تائیوان کی صدر سائی انگ وین کا کہنا تھا کہ کوئی بھی تائیوان کو چین کے بتائے ہوئے راستے پر چلنے پر مجبور نہیں کر سکتا۔

اقوام متحدہ کی منظور شدہ 6 کورونا ویکسین لگوانے والے مسافروں کو  امریکا کا سفر کرنے کی اجازت مل گئی ہے۔امریکی حکام کا کہنا ہے کہ فوڈ اینڈ ڈرگ ایڈمنسٹریشن (ایف ڈی اے) اور  ڈبلیو ایچ او کی منظور شدہ کورونا ویکسین کی خوراکیں لگوانے والوں کو امریکا آنے دیا جائے گا۔

قطر:ترجمان طالبان سہیل شاہین کا کہنا ہے کہ داعش کے خلاف کارروائی کے لیے امریکی تعاون کی ضرورت نہیں۔غیر ملکی خبر رساں ادارے کے مطابق افغانستان میں طالبان نے داعش کے خلاف کارروائیوں کے لیے امریکی تعاون کو مسترد کرتے ہوئے کہا ہے کہ داعش کے خلاف کارروائی کے لیے کسی ملک کی مدد کی ضرورت نہیں، ہم خود دہشت گرد حملوں کا مقابلہ کرنے کی صلاحیت رکھتے ہیں۔

 سعودی عرب حکام کی جانب سے عمرہ کرنے کے لیے کوویڈ ویکسین کی دونوں خوراکیں لگوانے لازمی قرار دے دیا گیا ہے۔سعودی حکام نے اعلان کیا ہے کہ صرف وہی افراد عمرہ کر سکیں گے جنہوں نے کورونا  ویکسین کی دونوں خوراکیں لگوالی ہیں۔ فیصلے کا اطلاق آج سے یعنی اتوار 10 کتوبر سے ہوگا۔

ایشیا کے امیر ترین شخص مکیش امبانی بھی جیف بیزوس اور ایلون مسک کیساتھ 100 بلین ڈالر کے خاص ویلتھ کلب میں شامل ہو گئے ہیں۔گزشتہ جمعے اسٹاک مارکیٹ میں ان کی کمپنی کے شیئرز کی قیمت تاریخ کی بلند ترین سطح پر پہنچ گئی۔ شیئر پرائس میں اضافے کے باعث ان کے اثاثوں کی کل مالیت میں بھی اضافہ ہوا اور انڈیا کی ریلائنس انڈسٹریز لمیٹڈ کے چیئرمین 11 افراد کے اس خاص گروپ کا حصہ بن گئے۔

چمن: پاکستان افغانستان کو آپریشن فورم کی طرف سے افغانستان کے عوام کے لیے خوراک اور ادویات پر مشتمل 13 ٹرک جس میں 345 ٹن امدادی سامان بھیج دیا ہے امدادی سامان ڈپٹی کمشنر چمن جمعہ داد خان مندوخیل نے امارت اسلامی افغانستان کے نمائندہ مولوی محمد عمر کرامت کے حوالے کیا۔ اب تک 1000… Read more »

افغانستان کے نگراں وزیر خارجہ مولوی امیر خان متقی نے کہا ہے کہ امریکی وفد سے نئی شروعات پر بات ہوئی ہے۔