اسلام آباد:افغانستان کے وزیرخارجہ امیر خان متقی آج 3روزہ دورے پرپاکستان آئیں گے۔امیرخان متقی کے ہمراہ افغان وزرا کا وفد بھی ہوگا۔ دورے میں پاک افغان تعلقات پربات چیت ہوگی۔ افغان وزیرخارجہ اقتصادی تعلقات میں توسیع پر بات چیت کریں گے۔

ایران کی وزارت خارجہ کے ترجمان سعید خطیب زادہ نے کہا ہے کہ واشنگٹن کو اس بات کی ضمانت دینی چاہیے کہ امریکا میں کوئی بھی انتظامیہ عالمی اور بین الاقوامی قانون کا مذاق نہیں اڑائے گی اور معاہدوں سے دستبرداری کے ان طرز عمل کو نہیں دہرائے گی۔

تہران /کوئٹہ :  پاکستان اور ایران کے درمیان مقرر کردہ تجارتی اہداف کے حصول کے لئے تمام تر وسائل بروئے کار لائے جانے پر اتفاق کرلیا گیا ہے جس کے دونوں ممالک کی صنعت و تجارت اور دیگر شعبوں پر مثبت اثرات مرتب ہوں گے ، گزشتہ روز ایران کے دارالحکومت تہران میں پاکستانی وفد نے ایرانی وفد سے ملاقات کی اور دوطرفہ تجارتی تعلقات سے متعلق مختلف امور پر تفصیلی تبادلہ خیال کیا ۔

نئی دہلی: بھارتی فوجی اہلکار نے فائرنگ کر کے اپنے ہی 4 اہلکاروں کو ہلاک اور 3 کو زخمی کر دیا۔

 اقوام متحدہ کے ادارے ڈبلیو ایف پی نے خبردار کیا ہے کہ  دنیا بھر میں بھوک کی نئی لہر نے43ممالک میں ساڑھے 4 کروڑ افراد کو قحط کے دہانے پر پہنچا دیا ہے۔ورلڈ فوڈ پروگرام کے مطابق تنازعات، موسمیاتی تبدیلی اور کوروناوائرس کی عالمی وبا کے باعث دنیا بھر میں غربت اور بھوک میں اضافہ ہوا ہے۔

چھتیس گڑھ: بھارتی فوجی نے ساتھیوں پر فائرنگ کرکے 4 اہلکاروں کو ہلاک اور 13 کو زخمی کردیا۔بھارتی میڈیا کے مطابق ریاست چھتیس گڑھ میں بھارتی فوجی نے اپنی ہی سروس رائفل  اے کے 47 سے کیمپ میں فائرنگ کرکے 4 اہلکاروں کو ہلاک اور 13 کو زخمی کردیا، واقعہ کے بعد زخمی اہلکاروں کو اسپتال منتقل کیا جب کہ فائرنگ کرنے والے فوجی کو حراست میں لیکر نامعلوم مقام پر منتقل کردیا ہے۔

افغانستان میں طالبان حکومت  نے ملک بھر میں  چار روزہ انسدادِ پولیو مہم کے آغاز کا اعلان کر دیا ہے۔ جس میں 5 سال سے کم عمر بچوں کو  قطرے پلائے جائیں گے۔یاد رہے طالبان نے افغانستان میں اپنے زیرِ اثر علاقوں میں اقوامِ متحدہ کے زیرِ انتظام صحت کی ٹیموں کو گھر گھر جاکر پولیو کے قطرے پلانے سے منع کر رکھا تھا۔رپورٹ کے مطابق طالبان کی جانب سے پابندی کی وجہ سے گزشتہ تین سالوں سے 33 لاکھ  بچوں کو پولیو ویکسین نہیں دی جا سکی۔ افغانستان میں اس وقت پانچ سال سے کم عمر بچوں کی تعداد  ایک کروڑ ہے۔

تہران /کوئٹہ : پاک ایران بارٹر ٹریڈ (Barter Trade) معاہدے پر دستخط ہو گئے ہیں، معاہدے پر گزشتہ روز ایران کے شہر تہران میں پاک ایران جوائنٹ ٹریڈ کمیٹی کے نویں اجلاس کے اختتامی سیشن میں ایوان صنعت و تجارت کوئٹہ بلوچستان کے صدر فدا حسین دشتی اور زاہدان چیمبر آف کامرس اینڈ انڈسٹری کے صدر عبدالحکیم ریگی نے دستخط کئے اس کے علاوہ وزیر اعظم پاکستان عمران خان کے مشیر تجارت عبدالرزاق داد اور ایرانی ہم منصب نے بھی تجارتی معاہدے پر دستخط کئے۔

نورسلطان: قازغستان میں کوئلے کی کان زوردار دھماکے کے بعد دب گئی جس کے ملبے تلے دب کر 6 کان کن ہلاک اور 2 شدید زخمی ہوگئے۔عالمی خبر رساں ادارے کے مطابق قازغستان میں کوئلے کان میں اس وقت زور دار دھماکا ہو گیا جب وہاں 64 کان کن کام کر رہے تھے۔ دھماکے سے کوئلے کی کان دب گئی۔

میکسیکو کے دارالحکومت میکسیکو سٹی کو وسطی شہر پیوبلا سے ملانے والی ہائی وے پر ہفتے کے روز ایک حادثے میں کم از کم 19 افراد ہلاک اور تین زخمی ہو گئے۔غیر ملکی خبر رساں ادارے اے ایف پی کی رپورٹ کے مطابق حادثہ دوپہر کے وقت پیش آیا جب ہائی وے پر ایک ٹول بوتھ پر ایک کارگو ٹرک کئی گاڑیوں سے ٹکرا گیا۔