کوئٹہ: پاکستان تحریک انصاف کے پار لیمانی لیڈر سر دار یار محمد رند سے سابق وزیر اعلیٰ بلو چستان جام کمال خان سمیت دیگر کی ملاقات، موجودہ سیا سی صورتحال پر تبادلہ خیال کیا گیا۔

کوئٹہ: بلوچستان عوامی پارٹی کے اہم سرکردہ رہنماؤں کا اجلاس منعقد ہوا، اجلاس میں بی اے پی کے عبدالقدوس بزنجو،ظہور بلیدی میر جان محمد جمالی اور سردار صالح بھوتانی نے شرکت کی ،اجلاس میں صوبے کے لئے اتحادیوں کے تعاون بنے والی نئی حکومت کے حوالے سے تفصیلی تبادلہ خیال ہوا،طویل مشاورت کے بعد پارٹی کی جانب سے نئے قائد ایوان کے لئے عبدالقدوس بزنجو کے نام پر اتفاق کرلیا گیا جبکہ اسپیکر کے عہدے کے لئے میر جان محمد جمالی پارٹی اور اتحادیوں کے مشترکہ امیدوار ہونگے،اجلاس میں طے کیا گیا قائد ایوان اور اسپیکر کے انتخابات کے بعد کابینہ کے لئے نام بھی اتحادیوں کے ساتھ مل کر اتفاق رائے فائنل کردئیے جائیں گے۔

کوئٹہ: بلوچستان کے دارالحکومت کوئٹہ کے علاقے سمنگلی روڈ نیو نیچاری میں فائرنگ کے ایک واقعہ میں 3افراد جاں بحق جبکہ رکن صوبائی اسمبلی سردار عبدالرحمن کھیتران کے صاحبزادے طاہر کھیتران زخمی ہوگئے ہیں۔

کوئٹہ : سابق وزیراعلیٰ بلوچستان جام کمال خان نے سماجی رابطے کی ویب سائٹ ٹویٹرپر اپنے پیغام میں کہاہے کہ حالیہ 3 سالوں میں بہت زیادہ ترقی اور اصلاحات کی گئی ہیں۔

کوئٹہ: بلوچستان عوامی پارٹی کے قائم مقام صدر و پارلیمانی لیڈر میر ظہور بلیدی نے کہا ہے کہ وزیراعلیٰ کے لئے میر عبدالقدو س بزنجو کا نام آیا ہے بی اے پی کے دوسرے دھڑے کے ساتھ بھی روابط استوار کر لئے گئے ہیں ہمارا مقصد ہے پارٹی کو یکجا کیا جائے اسپیکر شپ اور وزارت اعلیٰ کے لئے گفت و شنید ہونی ہے ہم جلد ہی مثبت نتیجہ دیں گے۔

کوئٹہ: وزیراعلیٰ بلوچستان جام کمال خان نے وزرات اعلیٰ کے عہدے سے استعفیٰ دے دیا، تفصیلات کے مطابق اتوار کی شب وزیراعلیٰ جام کمال خان گورنر ہاؤس کوئٹہ گئے جہاں انہوں نے گور نر بلوچستان سید ظہور آغا کو اپنا استعفیٰ پیش جسے گورنر نے منظور کرلیا، گورنر ہاؤس کوئٹہ اور وزیراعلیٰ ہاؤس کے ترجمانوں نے وزیراعلیٰ کے مستعفی ہونے اور استعفیٰ منظور کئے جانے کی تصدیق کردی ہے وزیراعلیٰ کے استعفے کے بعد صوبائی کابینہ بھی تحلیل ہوگئی۔

کوئٹہ:  وزیراعلیٰ بلوچستان جام کمال خان نے کہا ہے کہ بہت سی سوچی سمجھی سیاسی رکاوٹوں کے باوجود میں نے بلوچستان میں مجموعی حکمرانی اور ترقی کے لئے اپنا وقت اور توانائیاں صرف کیں انشاء اللہ میں خراب حکمرانی، مالیاتی ایجنڈے کا حصہ بننے کی بجائے عزت کے ساتھ چھوڑنا چاہونگا۔

کوئٹہ: وزیراعلیٰ بلوچستان جا م کمال خان نے کہا ہے کہ اقتدار اور لالچ کے بھوکے اپنا یہ شوق بھی پورا کرلیںلیکن لالچ اور اقتدارکی چاہ میں بلوچستان کی ترقی کے نقصانات کے ذمہ دار پی ڈی ایم، پی ٹی آئی اور بلوچستان عوامی پارٹی کے ناراض گروپ، بی اے پی کے وفاقی چند سمجھدار اور ذمے دار لوگ ، کچھ مافیاء ہونگے۔

کوئٹہ: بلوچستان عوامی پارٹی،جمعیت علماء اسلام ،پاکستان پیپلزپارٹی کے رہنماوں نے کہا ہے کہ خواتین سمیت ارکان اسمبلی کو لاپتہ کرکے حبس بے جا میں رکھنا بدترین عمل ہے وزیراعلیٰ جام کمال خان 20اکتوبر کو 33ارکان کی تحریک عدم اعتما د کی حمایت کے بعد اعتماد کھوچکے ہیں بطور جام آف لسبیلہ انہیں وزارت اعلیٰ سے استعفیٰ دیدینا چاہئے عہدے کسی کی میراث نہیں کل کے دشمن آج کے دوست اورآج کے دوست کل کے دشمن بن سکتے ہیںوزیراعلیٰ کے خلاف ارکان کی تعداد 40ہوگئی ہے انہیں اخلاقی طور پر منصب پر رہنے کا کوئی حق نہیں۔یہ بات جمعیت علماء اسلام کے مرکزی سیکرٹری جنرل و سینیٹرمولانا عبدالغفور حیدری،اسپیکر بلوچستان اسمبلی میر عبدالقدوس بزنجو ،پاکستان پیپلزپارٹی کے رہنما و چیف آف جھالاوان رکن صوبائی اسمبلی نواب ثناء اللہ خان زہری،بلوچستان عوامی پارٹی کے قائم مقام صدر میر ظہور بلیدی،پیپلزپارٹی کے رہنما جنرل(ر) عبدالقادربلوچ نے ہفتہ کی رات اسپیکر صوبائی اسمبلی کی رہائش گاہ پر مشترکہ پریس کانفرنس کرتے ہوئے کہی۔

میں نے کوئی استعفی نہیں دیا اس طرح کی افواہیں نہ پھیلائی جائے،وزیر اعلی جام کمال خان