جے پور:بھارت کی دو ریاستوں میں آسمانی بجلی گرنے کے واقعات میں مجموعی طور پر 38 افراد ہلاک ہوگئے جن میں سے 11 افراد راجستھان کے تاریخی قلعے کی فصیل پر سیلفی لینے کے دوران بجلی گرنے سے ہلاک ہوئے۔

امریکی ادارے سینٹر فار ڈیزیز کنٹرول اور فوڈ اینڈ ڈرگ ایڈمنسٹریشن کا کہنا ہے کہ جن افراد کو کورونا ویکسین کی دو ڈوز لگ چکی ہیں وہ کورونا کی  تمام قسموں بشمول ڈیلٹا سے مکمل طور پر محفوظ ہیں۔

افغان طالبان نے قندھار میں بھارتی قونصل خانے پر قبضہ کر لیا، ویڈیو میں مسلح طالبان قونصل خانے کے مختلف حصوں میں جاتے دکھائی دے رہے ہیں۔قندھار پر قبضے کے لیے افغان سیکیورٹی فورسز اور طالبان میں شدید جھڑپیں جاری ہیں۔

نائمے: افریقی ملک نائیجر میں مسلح افراد نے حملہ کرکے 49 افراد کو ہلاک کردیا۔ افریقی ملک نائیجر میں مسلح افراد کے حملے کے نتیجے میں 49 افراد ہلاک ہوگئے، وزارت دفاع کی جانب سے جاری بیان میں کہا گیا ہے کہ 100 کے قریب مسلح افراد جو موٹرسائیکلوں پر سوار تھے، رات کے 3 بجے ٹکومو بانگو گاؤں پر حملہ کیا تاہم سیکیورٹی فورسز کی جوابی کارروائی میں حملہ آوروں کو جانی نقصان کا سامنا کرنا پڑا۔

پاکستان کے شورش زدہ ہمسایہ ملک افغانستان کے 26 صوبوں میں حکومتی فورسز اور طالبان میں شدید جھڑپیں جاری ہیں۔افغان میڈیا کے مطابق فورسز نے 24 گھنٹوں کے دوران 200 کے قریب طالبان جنگجووں ہلاک کرنے کا دعویٰ کیا ہے جبکہ طالبان نے حکومتی فورسز کے دعوے کو مسترد کردیا ہے۔

امریکا کے دارالحکومت میں ایک نئی وبا سے پرندوں کی بڑے پیمانے پر اموات ہو رہی ہیں اور ماہرین کا کہنا ہے کہ فی الحال اس کی وجہ معلوم نہیں ہوسکی۔

تہران:  ایران کی بحریہ کے سربراہ نے کہا ہے کہ خطے میں سمندری تحفظ کی مکمل حفاظت کے لئے چابہار بندرگاہ میں 36ممالک کی شراکت سے بین الاقوامی سمندری سلامتی کوآرڈینیشن سینٹر قائم کیا جائے گا۔یہ بات ایڈمیرل حسین خانزادی نے اتوار کیروز ایرانی ٹی وی چینل سے خطاب کرتے ہوئے کہی۔انہوں نے مزید کہا کہ 36ممالک کی شراکت سے خطے میں سمندری تحفظ کی مکمل حفاظت کے لئے چابہار بندرگاہ میں بین الاقوامی سمندری سلامتی کوآرڈینیشن سینٹر قائم کیا جائے گا۔

دنیا کا کوئی خطہ کورونا وائرس کی موذی وباء سے محفوظ نہیں، کورونا کی تیسری لہر کے دوران مریضوں اور اموات میں مسلسل اضافہ جاری ہے۔

خرطوم: سوڈان کے بندرگاہی شہر کے العامر کلب میں کھیلوں کے مقابلے کے دوران زوردار دھماکا ہوا ہے جس کے نتیجے میں 4 افراد ہلاک اور 3 زخمی ہوگئے۔برطانوی نشریاتی ادارے کے مطابق سوڈان کے بندرگاہی شہر میں کھیلوں کے مقابلہ کا انعقاد کیا گیا تھا جس میں بیرون ملک سے بھی کئی کھلاڑی مدعو تھے۔

کراکس: جنوبی امریکی ملک وینیزویلا میں جرائم پیشہ گروہوں اور پولیس کے درمیان جھڑپوں کے نتیجے میں 26 افراد ہلاک ہوگئے۔ جنوبی امریکی ملکی وینیزویلا کے دارالحکومت کراکس میں پولیس اور جرائم پیشہ گروہوں کے درمیان جھڑپوں کے نتیجے میں 26  افراد ہلاک ہوگئے۔ وینیزویلا کی وزیر داخلہ کا کہنا ہے کہ جھڑپوں میں پولیس اہلکاروں سمیت متعدد افراد زخمی ہوئے ہیں جب کہ ہلاک افراد میں بڑی تعداد عام شہریوں کی ہے تاہم اس حوالے سے مزید تحقیقات جاری ہیں۔