ابوجہ: نائیجیریا میں مسلح حملہ آوروں نے 140 طلبہ کو اسکول سے اغوا کرلیا۔غیر ملکی خبررساں ادارے کے مطابق مسلح حملہ آوروں نے نائیجیریا کے شہر کدونا میں بیتھل باپٹسٹ اسکول سے بڑی تعداد میں بچوں کو اغوا کرلیا، مسلح افراد موٹرسائیکل پراسکول کی حفاظتی باڑیں توڑ کر اندر داخل ہوئے اور بچوں کواغواکرلیا۔

کابل: افغانستان کے صوبے بدخشاں میں طالبان نے مزید 13 اضلاع پر قبضہ کر لیا۔ افغانستان میں طالبان کی فتوحات کا سلسلہ جاری ہے اور طالبان نے افغانستان کے صوبے بدخشاں کے مزید 13 اضلاع میں کامیابی حاصل کر لی ہے۔

ماسکو: روس کا مسافر طیارہ دوران پرواز لاپتہ ہو گیا۔ طیارے میں 29 مسافر سوار تھے۔غیر ملکی خبر رساں ایجنسی کے مطابق روسی طیارہ اے این 26 کمچٹکا جزیرے کے علاقے میں لینڈنگ سے قبل لاپتہ ہوا۔ طیارے میں 29 مسافر سوار تھے۔ دوران پرواز طیارے کا کنٹرول ٹاور سے رابطہ منقطع ہو گیا۔

ترجمان افغان اعلیٰ کونسل قومی مصالحت ڈاکٹر مجیب رحمان رحمانی نے کہا ہے کہ طالبان کہتے رہے ہیں کہ وہ غیرملکی قابض فورسز کے خلاف لڑ رہے ہیں اور اب غیرملکی فورسز جاچکی ہیں اس لیے ہمیں اب ایک دوسرے کے خلاف نہیں لڑنا چاہیے۔انہوں نے یہ بات کابل میں جیو نیوز کے نمائندے اعزازسید سے خصوصی بات چیت میں کہی۔

طالبان کی جانب سے آئندہ ماہ افغان حکومت کو امن کے لیے روڈ میپ کا تحریری مسودہ دیے جانےکا امکان ہے۔برطانوی نیوز ایجنسی کو انٹرویو میں ترجمان طالبان ذبیح اللہ مجاہد نےکہا ہےکہ آنے والے دنوں میں افغان حکومت سے امن مذاکرات میں تیزی آئے گی، ہوسکتا ہے دونوں جانب سے امن و امان کے لیےکسی تحریری منصوبےکی تیاری میں ایک ماہ لگ جائے۔

امریکا کے یوم آزادی پر فائرنگ کے مختلف واقعات میں ایک سو پچاس افراد ہلاک ہوگئے ہیں۔امریکی میڈیا کے مطابق جمعہ سے اتوار کی رات تک امریکہ میں فائرنگ کے چار سو سے زائد واقعات کی خبر ملی۔

کابل: افغانستان میں طالبان کی پیش قدمی جاری ہے اور انہوں نے بغیر لڑے ہی بدخشاں کے متعدد اضلاع کا کنٹرول سنبھال لیا ہے جبکہ سیکڑوں افغان فوجی ہتھیار ڈال کر پڑوسی ملک تاجکستان فرار ہوگئے ہیں۔

کیتھولک مسیحیوں کے روحانی پیشوا پوپ فرانسس کا آنتوں کا کامیاب آپریشن ہوا ہے۔ویٹی کن سٹی کے مطابق آپریشن 10 رکنی طبی ٹیم نے کیا اور 84 سال کے پوپ فرانسس تیزی سے صحت یاب ہورہے ہیں۔

لندن: دنیا میں کورونا وائرس کی نئی اور خطرناک قسم لیمبڈا کا انکشاف ہوا ہے۔ لیمبڈا ویرینٹ اصل کورونا وائرس کے پھیلاؤ کی نسبت کئی گنا زیادہ صلاحیت رکھتا ہے۔

قندھار: افغانستان کے صوبے قندھارمیں ہونے والے دھماکے کے باعث گورنر کے سیکریٹری اور سیکیورٹی گارڈ جاں بحق ہو گئے ہیں جب کہ ایک سیکیورٹی گارڈ زخمی ہوا ہے جسے طبی امداد کے لیے فوری طور پر استپال منتقل کردیا گیا ہے۔افغانستان کے مؤقر نشریاتی ادارے طلوع نیوز کے مطابق قندھار میں دوپہر دو بجکر 15 منٹ پر آئی ای ڈی میگنیٹک دھماکہ ہوا تھا۔