اسلام آباد: وفاقی وزیر داخلہ چوہدری نثار نے گزشتہ دنوں بی جے پی (بھارتیہ جنتا پارٹی)کے رہنما نریندر مودی کی جانب سے پاکستان میں کارروائی کرکے داؤد ابراہیم کو بھارت لانے کے بیان پر رد عمل دیتے ہوئے کہا ہے کہ نریندر مودی کے بیان کی اہمیت دیوانے کے خواب سے زیادہ نہیں اور مودی پاکستان کومرعوب کرنے کا خواب ذہن سے نکال دیں کیونکہ پاکستان دھمکیوں سے خوف زدہ ہونے والا نہیں۔

بغداد: عراق میں امریکی افواج کے انخلا کے بعد ہونے والے پہلے پارلیمانی انتخابات کے پہلے مرحلے کا آغاز ہو گیا جہاں فوجیوں اور پولیس اہلکاروں نے اپنا حق رائے دہی استعمال کیا تاہم اس دوران ہونے والے خودکش بم دھماکوں میں کم از کم 57 افراد ہلاک ہو گئے۔

کراچی: پاکستان فلار ملز ایسوسی ایشن نے سیکریٹری خوراک سندھ سے کامیاب مذاکرات کے بعد گزشتہ 8 روز سے جاری ہڑتال ختم کرنے کا اعلان کردیا۔

لاہور: ہائی کورٹ نے سابق چیف سلیکٹر محمد الیاس کی جانب سے چیر مین پاکستان کرکٹ بورڈ کے خلاف توہین عدالت کی درخواست پر نجم سیٹھی کو 7 مئی کو طلب کر لیا ہے۔

کراچی: ملک کے میدانی علاقوں میں گرمی کی شدت میں اضافے کے باعث بجلی کا شارٹ فال 3 ہزار 300 میگاواٹ تک پہنچ گیا جس کے باعث بجلی کی طویل لوڈشیڈنگ نے لوگوں کا جینا دوبھر کر دیا۔

قاہرہ: مصر کی ایک عدالت نے اخوان المسلمون کے روحانی رہنما محمد بدیع سمیت 683 افراد کو سزائے موت سنائی ہے۔

کراچی: شمالی وزیرستان کی سرحد پر دھماکے میں ایک فوجی افسر سمیت تین سیکیورٹی اہلکار ہلاک ہوگئے ہیں۔ دوسری جانب پشاور کے علاقے سرکی گیٹ میں دھماکے سے ایک مکان کو جزوی طور پر نقصان پہنچا ہے جبکہ شرپسندوں کی جانب سے راکٹ فائر کئے گئے جو دھماکے سے پھٹ پڑے۔

اسلام آباد: فیڈرل انویسٹیگیشن ایجنسی (ایف آئی اے) نے چھاپہ مارکر بلٹ پروف گاڑیاں بنانے والی ایک موٹر ورکشاپ کو سیل کرکے تین افراد کو گرفتار کرلیا۔

میرانشاہ: ایک جانب حکومت کی مذاکراتی ٹیم تحریک طالبان پاکستان (ٹی ٹی پی) کے ساتھ ایک اور ملاقات کے لیے تیار ہے، تو دوسری جانب شمالی وزیرستان میں اور اس کے اردگرد موجودبہت سے غیرملکی عسکریت پسند اپنے مستقبل کو غیر محفوظ خیال کررہے ہیں اور ناصرف وہ اپنے میزبانوں سے اس حوالے سے یقین دہانی چاہتے ہیں، بلکہ دیگر مقامات خصوصاً شام کی جانب منتقلی کے آپشن کا بھی جائزہ لے رہے ہیں، جہاں وہ اپنے ’جہاد‘ کو جاری رکھ سکیں۔

اسلام آباد: وزیر داخلہ چوہدری نثار علی خان نےفوج اور دفاعی اداروں کے خلاف جاری میڈیا ٹرائل بند کرنے پر زور دیتے ہوئے کہا ہے کہ آزاد میڈیا ، باعزت اور باوقار دفاعی ادارے ملک کی اہم ضرورت ہیں تاہم دفاعی اداروں کی عزت، وقار اور ان کے احترام کے تحفظ کو یقینی بنانا ہماری آئینی اور قانونی ذمہ داری ہے۔