افغانستان میں پاکستانی سفیر منصور خان کا کہنا ہے کہ ہم افغان پھلوں کے ٹرکوں کو پاکستان میں خوش آمدید کہتے ہیں۔

سعودی وزارت حج و عمرہ نے خانہ کعبہ کے اطراف اور  مسجد الحرام کے احاطے میں 12 سال سےکم عمر بچوں کے داخلے پر پابندی عائد کردی۔

کابل: افغانستان کے دارالحکومت کابل میں  یکے بعد دیگرے دو دھماکے سنے گئے جس کے بعد فائرنگ کی بھی اطلاعات ہیں۔غیر ملکی خبر رساں ایجنسی کے مطابق، کابل میں سردارمحمد خان داؤد ملٹری اسپتال کے نزدیک دھماکا سنا گیا۔

 اسلام آباد: ایئر ٹریفک کنٹرولر کی مبینہ غفلت و لاپرواہی کے باعث غیر ملکی طیارہ حادثے سے بال بال بچ گیا۔سول ایوی ایشن ذرائع کے مطابق خاتون ایئر ٹریفک کنٹرولر کو ڈی جی سی اے اے کے حکم پر معطل کرکے تحقیقات کا حکم دے دیا گیا۔ غیر ملکی ایئرلائن کی پرواز بحرین سے اسلام آباد آرہی تھی، کہ ایئر ٹریفک کنٹرولر نے طیارے کی غلط رہنمائی کی جس کی وجہ سے طیارہ8ہزار فٹ بلندی کے بجائے 5ہزار فٹ بلندی پر آگیا۔

لندن، بیجنگ(جنگ نیوز)چین کا اقدام،عالمی مارکیٹ میں تیل کی قیمتیں کم ہو گئیں، خام تیل 83.52ڈالرز فی بیرل پر آگیا۔

 واشنگٹن: امریکا میں ہیلووین کے موقع پر فائرنگ کے مختلف واقعات میں 12 افراد ہلاک اور 52 زخمی ہوگئے۔امریکی نشریاتی ادارے کے مطابق ہیلووین تہوار کے موقع پر گزشتہ ہفتے امریکا کی مختلف ریاستوں میں فائرنگ کے مختلف واقعات پیش آئے جس کے نتیجے میں 12 افراد ہلاک اور 52 زخمی ہوگئے۔ زیادہ تر واقعات گھروں میں یا ان جگہوں پر پیش آئے جہاں ہیلووین پارٹی کے لیے لوگوں کی بڑی تعداد جمع تھی۔

اقوام متحدہ کے ادارے یونیسکو کے مطابق 2006 سے 2020 کے درمیان دنیا بھر میں 1200 صحافی قتل کیے جا چکے ہیں جب کہ قتل ہونے والے ہر 10 صحافیوں میں سے 9 کے قتل کے کیس حل نہیں ہو سکے۔

اسکاٹ لینڈ میں جاری عالمی موسمیاتی کانفرنس کوپ 26میں صدر جو بائیڈن افتتاحی کلمات کے دوران سوتے ہوئے دکھائی دیے.موسمیاتی تبدیلی کانفرنس میں امریکی صدر اپنے خطاب سے پہلے آنکھیں بند کر کے بیٹھے ہوئے تھے۔ امریکی میڈیا کے مطابق جوبائیڈن نے 22 سیکنڈ تک اپنے آنکھیں بند رکھیں ۔ تبھی ان کے ایک معاون نے انہیں جگایا۔

افغانستان کے وزیر خارجہ مولوی امیر خان متقی کی جانب سے چینی وزیرخارجہ وانگ ژی کو دیا جانے والا افغان ‘چلغوزوں’ کا تحفہ کام کرگیا اور دونوں ممالک کے درمیان تجارت شروع ہوگئی۔

صنعا: حوثی باغیوں کے مسجد پر بیلسٹک میزائل حملے کے نتیجے میں 13 افراد جاں بحق اور متعدد زخمی ہوگئے۔عرب میڈیا کے مطابق یمن کے صوبے مارب میں حوثی باغیوں کی جانب سے فائر کیا گیا بیلسٹک میزائل رہائشی علاقے میں موجود مسجد پر جالگا جس کے نتیجے میں 13 افراد جاں بحق اور متعدد زخمی ہوگئے، واقعہ کے بعد امدادی اہلکاروں نے زخمیوں کو اسپتال منتقل کیا جہاں متعدد افراد کی حالت تشویشناک بتائی جاتی ہے۔