کوئٹہ: بلوچستان نیشنل پارٹی کے پارلیمانی لیڈر ملک نصیراحمدشاہوانی نے کہاہے کہ موجودہ وزیراعلیٰ جام کمال میں حکومت چلانے کی اہلیت نہیں ،بدامنی کا یہ عالم ہے کہ عوام امن وامان کی گھمبیر صورتحال کی وجہ سے حکومت سے نالاں ہیں ،تحریک عدم اعتماد متحدہ اپوزیشن کامشترکہ فیصلہ ہے اسلام آباد سے آنے والا وفد جام کمال کو باعزت طریقے سے رخصت کرنے کیلئے آئے ہیں۔

کوئٹہ: وزیراعلیٰ بلوچستان جام کمال خان نے کہاہے کہ میرعبدالقدوس بزنجو پرانے دوست لیکن جذباتی ہے وہ بلوچستان عوامی پارٹی کے ساتھ ہے،اپوزیشن کی کوشش ہے کہ بی اے پی کے ساتھیوں کی ناخوشگواریاں اور تحفظات کافائدہ اٹھائیں ،ساری زندگی سیاست کی ہے تحریک عدم اعتماد کا سیاسی طور پردیکھیںگے ،حکومت بننے کے تین ماہ بعد سے یہ سلسلہ شروع ہے جس طرح تین سال گزارے آئندہ بھی اپنی مدت پوری کرینگے ،میر عبدالقدوس بزنجوبلوچستان عوامی پارٹی کے دوست، اتحادی جماعتوں کے علاوہ وزیراعظم عمران خان اور چیئرمین سینیٹ صادق سنجرانی سے بھی رابطے میں ہے ۔

کوئٹہ:سابق وزیر اعلی بلوچستان نواب محمد اسلم رئیسانی نے سماجی رابطے کی ویب سائٹ ٹوئٹر پر اپنے پیغام میں قلات اسٹیٹ سے متعلق معاہدہ شیئر کرتے ہوئے کہا ہے کہ یہ معاہدہ گواہ ہے ہم پہ کسی کا احسان نہیں کہ ہمیں ہندوستان سے آزادی دلائی ،بلکہ ہماری ریاست آزاد تھی ہم بلوچوں نے بڑی قربانی دی اور محمد علی جناح کے ساتھ معاہدہ کیا جس کو نفاذ نہ کرنا بہت بڑی خیانت سمجھتے ہیں۔

کوئٹہ: وزیراعلی بلوچستان جام کمال خان کی زیر صدارت بلدیاتی انتخابات سے متعلق اعلی سطحی اجلاس سوموار کے روز وزیر اعلی سیکرٹریٹ میں منعقد ہوا۔اجلاس میں صوبائی وزراء میر ظہور احمد بلیدی، سردار عبدالرحمان کھیتران، انجنئیر زمرک خان اچکزئی، عمر خان جمالی، چیف سیکریٹری بلوچستان مطہر نیاز رانا، وزیراعلی کے پرنسپل سیکرٹری اسفندیار خان، سیکرٹری بلدیات احمد رضا خان، سیکرٹری خزانہ عبدالرحمان بزدار، ڈائریکٹر جنرل تعلقات عامہ شہزادہ فرحت احمد زئی نے شرکت کی جبکہ مشیر بلدیات نوابزادہ گہرام خان بگٹی اور ایڈووکیٹ جنرل بلوچستان نے بذریعہ ویڈیو لنک اجلاس میں شریک ہوئے۔اجلاس کو سیکرٹری بلدیات کی جانب سے بلدیاتی انتخابات کے انعقاد اور اس حوالے سے درپیش مسائل پر تفصیلی بریفنگ دی گئی۔

کوئٹہ: وزیراعلی بلوچستان جام کمال خان کی زیر صدارت بلدیاتی انتخابات سے متعلق اعلی سطحی اجلاس۔

تربت; نیشنل پارٹی کیچ کے زیراہتمام آپسر میں گرینڈ شمولیتی جلسہ منعقد کیا گیا جس میں بی این پی عوامی کے رہنما حاجی ہاشم، محمد اسلم اور عبدالواحد پیدارکی نے خاندان سمیت نیشنل پارٹی میں شمولیت کا اعلان کرکے ڈاکٹر مالک بلوچ کی قیادت پر جدوجہد کا اعلان کیا۔ شمولیتی جلسہ سے نیشنل پارٹی کے سربراہ ڈاکٹر مالک بلوچ نے نئی شمولیت اختیار کرنے والوں کو مبارک باد دیتے ہوئے کہا کہ نیشنل پارٹی کی سیاست کا مقصد بلوچ عوام اور بلوچستان کے بچوں کو ایک خوش حال اور خوبصورت زندگی دینا ہے، بلوچ سرزمین سازشوں کا شکار ہے۔

کوئٹہ:خواتین پاکستان کی نصف آبادی ہیں جنہیں کسی صورت نظر انداز نہیں کیا جاسکتا، معاشرے کی ترقی میں خواتین کا اہم کردار ہے اور کوئی بھی معاشرہ خواتین کی شرکت کے بغیرترقی نہیں کر سکتا۔

کوئٹہ: چیف آف جھالاوان وسابق وزیراعلیٰ بلوچستان نواب ثناء اللہ خان زہری نے کہا ہے کہ بلوچستان کو پیپلز پارٹی کا گڑھ، وفاق اور صوبے میں حکومت بنائیں گے۔ صوبے کی سیاسی و قبائلی رہنماؤں سے رابطے ہیں عنقریب ہزاروں افراد پارٹی میں شامل ہوں گے۔پیپلز پارٹی نے عوام کو روٹی، کپڑا اور مکان کا جو نعرہ دیا اس پر عمل کرکے ملک میں پائی جانے والی مایوسیوں کا خاتمہ کیا جا سکتا ہے۔ یہ بات انہوں نے کوئٹہ کے صحافیوں ںسے ٹیلی فونک گفتگو کرتے ہوئے کہی۔

کوئٹہ: بلوچستان اسمبلی کے اجلاس میں ضلع زیارت کے علاقے مانگی ڈیم کے قریب لیویز کی گاڑی، 5ستمبر کو مستونگ روڈ پر ایف سی کی چیک پوسٹ پر دہشت گردوں کے حملوں کے خلاف مذمتی جبکہ ضلع پشین کی یونین کونسل باغ کو تحصیل کا درجہ دینے کے لئے عملی اقدامات اٹھانے کی قرارداد یں منظور کرلی گئی۔

کوئٹہ: بلوچ اسٹوڈنٹس ایکشن کمیٹی اور بی ایم سی انٹری ٹیسٹ اسٹوڈنٹس کمیٹی کے زیر اہتمام جمعرات کو کوئٹہ پریس کلب کے سامنے مظاہرہ کیا گیا، مظاہرے سے طلباء رہنماؤں نے خطاب کرتے ہوئے کہا کہ جن طلباء کو تعلیمی اداروں میں ہونا چائیے انہیں مجبور کرکے سڑکوں پر بیٹھا گیا ہے ،گزشتہ روز کوئٹہ میں طلباء پر ہونے والے پولیس تشدد سے قبل بھی صوبے میں بی ایم سی ایکٹ ، آن لائن کلاسز کیخلاف احتجاج کرنے والے طلباء پر تشدد اور انہیں گرفتار کیا گیا۔