کوئٹہ: کوئٹہ کے سرکاری ہسپتالوں کے لئے آئندہ مالی سال کے لئے ادویات کی خریداری نہ ہو سکی۔

کوئٹہ: بلوچ اسٹوڈنٹس آرگنائزیشن پجار کے مرکزی وائس چیئرمین ملک زبیر بلوچ کی سربراہی میں عمران بلیدی،گورگین بلوچ اور دیگر مرکزی دوستوں کے ہمراہ نیشنل پارٹی کے مرکزی صدر ڈاکٹر عبدالمالک بلوچ اور مرکزی سیکرٹری جنرل جان بلیدی سے ملاقات کی ملاقات میں بی ایس او کی موجودہ صورتحال پربحث کی گئی۔

اوستہ محمد : جمعیت علما ء اسلام کے مرکزی جنر ل سیکر ٹری سنیٹر مولانا عبد الغفور حیدر ی نے کہا کہ مو جو دہ جعلی حکو مت عوا م کو ریلیف دینے کے بجا ئے ان پر مزید مہنگا ئی کے پہا ڑ گرا ئی رہی ہے اور ملکی معشیت اس وقت تبا ہ ہو چکی ہے ۔

ڈیرہ مراد جمالی: بلوچستان اسمبلی میں اپوزیشن لیڈر ملک سکندر خان ایڈوکیٹ نے کہاکہ بلوچستان میں حالیہ بارشوں اور سیلاب نے تباہی مچا دی ہے سیلاب متاثرین نصیرآباد سمیت دیگر علاقوں میں بے یارو مددگار کھلے آسمان تلے پڑے ہوئے ہیں ۔

کوئٹہ: بلوچستان نیشنل پارٹی عوامی کے مرکزی صدر وسابق سینیٹر میر اسرار اللہ زہری نے کہا ہے کہ وفاقی حکومت معاشی حالات کو بہتر کرنے میں ناکام ہوچکی ہے اٹھارویں ترمیم کو چھیڑنے کی کوشش کی گئی تو اس کے خطرناک نتائج برآمد ہونگے بلوچستان کے سائل وساحل کیلئے اپنا بھر پور کردار ادا کرینگے ۔

 اسلام آباد: چینی سفیر ژاؤ جنگ کا کہنا ہے کہ چین نے پاکستان کو چھ ارب ڈالرز قرض دیا جن پر سود صفر ہے اور سی پیک کو سبوتاژ کرنے والے عناصر ترقی کے مجرم ہیں جبکہ بھارت سمیت کوئی بھی ملک سی پیک میں شریک ہوسکتا ہے۔

خضدار : جمعیت علماء اسلام کے صوبائی امیر سینیٹر مولانا فیض محمد ،جے یو آئی کے صوبائی جنرل سیکرٹری و بلوچستان اسمبلی میں اپوزیشن لیڈر ملک سکندر خان ایڈووکیٹ اور رکن قومی اسمبلی مولانا سید محمود شاہ نے کہا ہے کہ مدارس و مساجد اسلام کے قلعے ہیں ان قلعوں میں طلباء و طالبات علم حاصل کر کے اسلامی تعلیمات کو اہل اسلام تک پہنچاتے ہیں ۔

تربت: بلوچستان نیشنل پارٹی کے ضلعی کونسل کا اجلاس زیر صدارت ضلعی صدر شے نزیر احمد بلوچ اتوار کو سرکٹ ہاؤس تربت میں منعقد ہواجس کے مہمان خاص مرکزی سیکرٹری جنرل ڈاکٹر جہانزیب جمالدینی تھے۔ کونسل اجلاس میں سیکرٹری رپورٹ، تنظیمی امور و علاقائی صورتحال کے ایجنڈے زیر بحث رہے ضلع کے خالی عہدوں پر تقرریاں کی گئیں ۔ کونسلران کی جانب سے اجلاس میں سوال و جواب کا نشست بھی ہوا۔

کوئٹہ: کوہلو تحصیل کاہان کے قبائلی عمائدین مقدم امیر جان لوہارانی مری مقدم علی حمد لوہارانی مری میر طارق مری عبدالستار مری میر داد مری میر وخان مری اور محمد جاوید مری نے اپنے ایک مشترکہ اخباری بیان میں کوہلو میں سرکاری اسکولوں کی بندش مراکز صحت کی بندش اور محکمہ صحت میں حالیہ تعیناتیوں میں قابل اور حقدار امیدواروں کی بجائے پوسٹوں کی بندربانٹ کو شدید تنقید کا نشانہ بناتے ہوئے کہا کہ محکمہ تعلیم اور محکمہ صحت کو دانستہ طور پر تباہی کی طرف لے جایا جا رہا ہے ۔

کوئٹہ: وفاقی تحقیقاتی ادارے نے کوئٹہ میں منی ایکسچینج کمپنی کے دفتر پر چھاپہ مار کر منی لانڈرنگ ، حوالہ و ہنڈی میں ملوث دو ملزمان کو گرفتار کرلیا اور ان کے قبضے سے ساڑھے پانچ کروڑ روپے سے زائد کی نقد رقم اور چیکس برآمد کئے ہیں۔