لاہور: سابق وزیراعظم نواز شریف کا کہنا ہے کہ بدقسمتی سے ہم نے قائداعظم کی وفات کے بعد جمہوریت اور قانون کو نظر انداز کرکے نظریہ ضرورت ایجاد کرلیا جس نے قائد کا پاکستان توڑدیا اور اگر یہ تماشا بند نہ ہوا تو پاکستان کو کسی دوسرے حادثے سے دوچار کردے گا۔

راولپنڈی: آرمی چیف جنرل قمر باجوہ کا کہنا تھا کہ بھارتی مظالم کے خلاف جدوجہد میں ہمیشہ کشمیریوں کے ساتھ ہیں جب کہ بھارتی فوج کے مظالم بہادر کشمیریوں کے جذبے اور قربانیوں کوشکست نہیں دے سکے۔

کوئٹہ: وزیراعلیٰ بلوچستان نواب ثنا ء اللہ خان زہری نے کہاہے کہ دہشت گردی کے خلاف پاکستانی قوم پوری طرح متحد ہے دہشت گرد ہمیں خوفزدہ نہیں کرسکتے دہشت گردی کے خاتمے کیلئے ہمارے اراردے چٹانوں کی طرح مضبوط اورہمالیہ کی طرح بلندہیں ۔دہشت گردی کے مکمل خاتمے تک چین سے نہیں بیٹھیں گے۔

کوئٹہ: وزیرداخلہ بلوچستان سرفراز بگٹی نے کہا ہے کہ کوئٹہ میں دہشتگردی حملے کے بعد وفاقی و صوبائی حکومت اور عسکری قیادت نے فوری اور ذمہ دارانہ رد عمل دیا ۔سرحد پر غیر قانونی آمدروفت کے باعث دہشتگردی کے واقعات پر قابو پانے میں مشکلات کا سامنا ہے۔

کوئٹہ: پنجگور سے نامعلوم افراد نے ایک شخص کو اغواء کرلیا۔

اسلا م آباد : شوگر مافیا کو اربوں روپے سبسڈی دینے بارے متعلقہ دستاویزات وزارت خزانہ سے غائب ہوگئی ہیں‘ وزیر خزانہ اسحاق ڈار نے اپنے چار سالہ دور میں اربوں روپے شوگر مافیا کو دے چکے ہیں۔ یہ اربوں روپے شوگر مافیا کو چینی برآمد کرنے پر دیئے گئے ہیں۔

پشاور/کوئٹہ: عوامی نیشنل پارٹی کے سربراہ اسفندیار ولی خان نے پشین سٹاپ بم دھماکے کی شدید الفاظ میں مذمت کرتے ہوئے متاثرہ خاندانوں سے دلی تعزیت کااظہار کیا ہے اور اس بات کی ضرورت پر زور دیا ہے کہ نیشنل ایکشن پلان پر اس کی اصل روح کے مطابق عملدرآمد یقینی بناتے ہوئے دہشت گردی و انتہا پسندی کے سدباب کے لئے موثر اقدامات اٹھائے جائیں ۔

راولپنڈی: آرمی چیف جنرل قمر جاوید باجوہ کوئٹہ پہنچ گئے جہاں وہ گزشتہ روز سیکیورٹی فورسز پر ہونے والے خود کش حملے کے زخمیوں کی عیادت کریں گے۔

کوئٹہ : پبلک اکاؤنٹس کمیٹی کے چیئرمین رکن صوبائی اسمبلی مجید خان اچکزئی کے ترجمان نے کہا ہے کہ پشتونخواملی عوامی پارٹی نے ہمیشہ ڈکٹیٹروں کے دور میں آزاد عدلیہ اور آزاد میڈیا کے لئے جدوجہد کی مگر آج وہی میڈیا اور عدلیہ جمہوریت کے خلاف سازشوں میں مصروف ہے ۔

کوئٹہ: پاکستان تحریک انصاف بلوچستان کے صوبائی صدر سردار یار محمد رند نے کوئٹہ میں ہونے والے بم دھماکے کی شدید مذمت کرتے ہوئے کہاہے کہ دہشت گردوں نے ایک دفعہ پھر بلوچستان کو خون میں نہلا دیا ہے جس میں بے گناہوں کی شہادت کی ہم شدید مذمت کرتے ہیں صوبائی حکومت امن و امان کی صورتحال کنٹرول کرنے میں بری طرح ناکام ہوچکی ہے ۔