دفترخارجہ نے فنانشل ایکشن ٹاسک فورس کے اجلاس میں پاکستان کا نام گرے لسٹ میں شامل کیے جانے کی تصدیق کر دی ہے۔ فنانشنل ایکشن ٹاسک فورس نے رواں برس فروری میں پیرس میں ہونے والے اجلاس میں پاکستان کو منی لانڈرنگ اور دہشت گردوں کی مالی معاونت نہ روکنے پر گرے لسٹ میں شامل کرنے کا فیصلہ کیا تھا۔ 

بلوچستان حکومت شدید مالی بحران کا شکار ہوگئی ہے۔ ملازمین اور پنشنرز کو تنخواہیں دینے کیلئے بھی رقم نہیں۔ بیشترسرکاری محکموں کے اکاؤنٹس منجمد کرکے ترقیاتی منصوبوں کیلئے فنڈز روک دیئے گئے۔ صوبائی حکومت نے مالی مشکلات کے پیش نظر اسٹیٹ بینک سے قرضہ لینے پر غور شروع کردیا۔

سابق وزیراعظم شاہد خاقان عباسی کو آرٹیکل 62 ون ایف کے تحت تاحیات نااہل قرار دے دیا گیا۔ فیصلہ الیکشن ٹریبونل کے سربراہ جسٹس عبادالرحمان لودھی نے جاری کیا جس میں کہا گیا کہ شاہد خاقان عباسی آرٹیکل 62 اور 63 پر پورانہیں اترتے کیونکہ انہوں نے کاغذات نامزدگی میں اثاثے چھپائے اور وہ ووٹرز سے حقائق،مکمل معلومات چھپانے کے مرتکب ہوئے ہیں۔

گزشتہ دنوں سی پیک گیم چینجر گوادر میں پانی کے مسئلے پر کلانچی پاڑہ کے علاقے میں کلہاڑی اور لاٹھیوں کے آزادانہ استعمال سے 3 افراد زخمی ہوگئے، ایک شدید زخمی کو علاج کیلئے کراچی منتقل کیا گیا۔ 

بلوچستان کی سابقہ تمام حکومتوں نے اقتدارحاصل کرنے سے قبل صوبہ کی پسماندگی کا رونا رویا مگر کرسی پر براجمان ہوتے ہی بلوچستان کے حقیقی مسائل کو بھول گئے ،سیاسی وفاداریاں تبدیل کیں اور عوام کو بھول کراپنے اتحادیوں کو خوش کرنے کیلئے ہر جتن کیے تاکہ ان کی حکومتی مدت پوری ہو۔ 

ترکی کا نیا آئین نافذ ہونے جا رہا ہے جس کے تحت صدر کو زیادہ اختیارات حاصل ہو جائیں گے جس کے بارے میں ناقدین کا کہنا ہے کہ اس سے جمہوریت کمزور ہو گی۔صدارتی انتخابات کے علاوہ ترکی میں پارلیمانی انتخابات بھی ہوئے۔ 

سابق وزیر داخلہ چوہدری نثار نے کہا ہے کہ (ن) لیگ سے کوئی بات چیت نہیں چل رہی اور اگر مجھے اقتدار عزیز ہوتا معافی مانگ لیتا اور تھوکا ہوا چاٹ لیتا۔اسلام آباد میں پریس کانفرنس کرتے ہوئے چوہدری نثار کاکہنا تھا کہ آج سے دس دن پہلے غلط خبر بنی اس میں کوئی حوالہ نہیں تھا کہ میں نے یہ بات کہاں کی؟

الیکشن کمیشن نے انتخابات میں حصہ لینے والے تمام امیدواروں کو سیکیورٹی فراہم کرنے کا حکم دیا ہے۔ الیکشن کمیشن نے اس حوالے سے صوبائی حکومتوں کو ایک مراسلہ تحریر کیا ہے جس میں امیدواروں کو سیکیورٹی فراہم کرنے کے احکامات دیئے گئے ہیں۔ 

نگران وزیراعلیٰ بلوچستان علاؤالدین مری کی زیرصدارت نگران کابینہ کا پہلا اجلاس جمعرات کے روز وزیراعلیٰ سیکریٹریٹ میں منعقد ہوا جس میں آئندہ انتخابات کے انعقاد، صوبے میں امن وامان کی صورتحال سمیت کوئٹہ اور گوادر میں پانی کی قلت کا تفصیلی جائزہ لیا گیا اور کئی ایک اہم فیصلے کئے گئے۔

سوویت یونین کے افغانستان پر حملے کے دوران مہاجرین کی بڑی تعداد نے پاکستان کا رخ کیا ،خاص کر ان کی بڑی تعداد نے بلوچستان میں ڈھیرے ڈالے ۔جنگ کے خاتمے کے بعد مہاجرین کی واپسی کیلئے کوئی اقدام نہیں اٹھایا گیا اسی طرح نائن الیون کے بعد ایک بار پھر افغانستان کے حالات انتہائی مخدوش ہوئے تو ایک بارپھر مہاجرین نے بلوچستان کارخ کیا ۔