کوئٹہ :  وزیر اعلی بلوچستان میر سرفراز بگٹی نے کہا ہے کہ بلوچستان حکومت اور اپوزیشن کے درمیان مائنز اینڈ منرل ایکٹ سے متعلق مذاکرات کامیاب ہو گئے ہیں اور یہ پیش رفت صوبے میں جمہوری روایات اور عوامی مفادات کو مقدم رکھنے کی عکاسی کرتی ہے۔

کوئٹہ: جمعیت علماء اسلام کے صوبائی امیر سینیٹر مولانا عبدالواسع نے پریس کانفرنس سے خطاب کرتے ہوئے کہا کہ فلسطین پر اسرائیلی مظالم کے خلاف پاکستان میں جے یو آئی کی جانب سے مظاہرے کیے گئے ہیں، اور فلسطین کی حمایت میں عالمی سطح پر مسلم امہ کو اکٹھا ہونے کی ضرورت ہے۔ انہوں نے اس بات پر زور دیا کہ اسرائیل نے ایران اور قطر پر بھی حملہ کیا ہے۔

کوئٹہ: بلوچستان اسمبلی کے اجلاس میں جعفرآباد اور دیگر اضلاع میں نہروں سے تمام غیر قانونی نصب پائپ ہٹانے کے حوالے سے قرارداد پیش کی گئی۔ پارلیمانی سیکرٹری عبد المجید بادینی نے قرارداد ایوان میں پیش کی، جس میں کہا گیا کہ ضلع جعفرآباد میں نہروں پر بڑے پیمانے پر غیر قانونی پائپ نصب کیے گئے ہیں، جس کے نتیجے میں ہزاروں کسانوں کو ان کے جائز حصے سے محروم کیا جا رہا ہے۔

رکن اسمبلی لیاقت لہڑی نے تاجر طبقے کی مشکلات پر روشنی ڈالی اور کہا کہ “تاجر دکانوں کا کرایہ پورا نہیں کر پا رہے ہیں”، ساتھ ہی انہوں نے یہ بھی کہا کہ “بارڈر کی بندش سے صوبے میں غربت میں اضافہ ہو رہا ہے”۔ لہڑی نے حکومت کے دعووں کو بے بنیاد قرار دیا اور کہا کہ صوبے کے نوجوان بے روزگاری کے باعث سخت پریشانی میں مبتلا ہیں۔

اسسٹنٹ کمشنر کی فوٹو کا فرانزک کرایا گیا ہے، وہ اصل نہیں تھی

کوئٹہ : مستونگ کے علاقے دشت میں ریلوے ٹریک کے قریب دھماکے کی اطلاع ملی ہے، تاہم پولیس نے بتایا کہ اس دھماکے کے نتیجے میں کوئی جانی نقصان نہیں ہوا۔

سبی:  جیل روڈ آفیسرکلب کے سامنے دو قبائل میں جونریزی تصادم،شدید فائرنگ کا تبادلہ،فائرنگ کے نتیجے میں قبائلی شخصیت سمیت 2افراد جانبحق ہو گئے،ایک شخص زخمی ہوا،جانبحق افراد کی لاشوں کو ٹیچنگ ہسپتال اور زخمی کو سی ایم ایچ منتقل سبی منتقل کردیا گیا،

کوئٹہ: امیر جماعت اسلامی بلوچستان ایم پی اے مولانا ہدایت الرحمن بلوچ نے اسسٹنٹ کمشنر زیارت افضل باقی اور ان کے بیٹے کے بہیمانہ قتل کی شدید مذمت کرتے ہوئے کہا ہے کہ یہ واقعہ حکومت اور اداروں کی مکمل ناکامی کا منہ بولتا ثبوت ہے۔

کوئٹہ: جمہوری وطن پارٹی نے اپنے بیان میں کہا ہے کہ سنگل پارٹی کا قیام شہید نواب محمد اکبر خان بگٹی کے وژن اور قربانیوں کا تسلسل ہے

تربت:  اسکول ٹیچر اور بلوچی زبان کے معروف گلوکار رفیق اومان کی گمشدگی کے 11 سال مکمل، اہلِ خانہ کی تربت پریس کلب میں پریس کانفرنس، لاپتہ رفیق اومان کی بیٹی نے اپنی والدہ اور دادی اماں کے ہمراہ تربت پریس کلب میں پریس کانفرنس کرتے ہوئے کہا کہ رفیق اومان کی گمشدگی کو آج 11 سال مکمل ہوگئے ہیں لیکن آج تک اْن کا کوئی سراغ نہیں مل سکا۔