حب:صوبائی وزیر زراعت بلوچستان اور صدرِ پاکستان کے فوکل پرسن پاکستان پیپلز پارٹی برائے بلوچستان، میر علی حسن زہری نے منگل کو گڈانی کا دورہ کیا اس موقع پر علاقے کی خواتین نے صوبائی وزیر کا بھر پور استقبال کیا اس موقع پر بڑی تعداد میں خواتین نے میر علی حسن زہری کا خیرمقدم کرتے ہوئے کہا کہ وہ برسوں سے بنیادی سہولتوں سے محروم تھیں اور ان کی آواز کوئی سننے والا نہ تھا تاہم اب انہیں میر علی حسن زہری کی شکل میں امید کی کرن نظر آئی ہے۔ خواتین نے کہا کہ میر علی حسن زہری نے نہ صرف ان کے مسائل کو سنا بلکہ انہیں یہ یقین دہانی بھی کرائی کہ غریب اور محروم عوام کی آواز ایوانِ اقتدار تک پہنچائی جائے گی۔
