بسیمہ: حق کی بات کرنیوالوں کو غدار اور لوٹ مار والوں کو وفادار کہا جارہا ہے سی پیک کے نام پر پنجاب میں اربوں ڈالر خرچ کئے جا رہے ہیں بلوچستان میں ترقی کے نام پر گھروں کو ویران اور قبرستانوں کو آباد کرنا قابل قبول نہیں بلوچ قوم نے بی این پی کو مضبوط کیا تو اس بات کی ضمانت دیتا ہوں کہ کوئی طاقت بلوچ قوم کو زیر نہیں کر سکتی بلوچ قوم کا اتحاد وقت و حالات کی ضرورت ہے

پنہور سنہڑی :سابق وزیر اعلیٰ بلوچستان ڈاکٹر عبدالمالک بلوچ نے کہا کہ حقوق کی جنگ ہم سب کا فرض اول ہے۔نواب اکبر خان بگٹی بلوچستان کے عظیم رہبرتھے۔جن کی رہنمائی لینے کے لیے تنظیموں کی قیادت ہمیشہ باہم ربط رہاکرتی تھی۔مزید انہوں نے کہا کہ نیشنل پارٹی ایک تحریک کانام ہے۔جس کی بنیاد یوسف عزیز مگسی نے اپنی ساتھیوں کے ہمراہ رکھی تھی۔

کوئٹہ:گورنر بلوچستان محمد خان اچکزئی نے کہا ہے کہ چائینا پاکستان اقتصادی راہداری منصوبہ نہ صرف بلوچستان اور پاکستان کی ترقی و خوشحالی کا ضامن ہے بلکہ یہ دنیا کو موجودہ خراب معاشی حالت سے باہر نکالنے میں بھی مدد گار ثابت ہوگا۔ انہوں نے کہا ہے کہ سی پیک ون بیلٹ ون روڈ جیسے عظیم الشان منصوبے کا پائلٹ پروجیکٹ ہے جو دنیا کی مختلف قوموں کو ایک کونے سے دوسرے کونے تک مربوط کر دیگا۔

کوئٹہ: وزیراعلیٰ بلوچستان نواب ثناء اللہ خان زہری نے ایک مخصوص گروہ کی جانب سے وفاقی دارالحکومت میں پیدا کی گئی امن و امان کی صورتحال پر گہری تشویش اور غم و غصہ کا اظہار کیا ہے۔ انہوں نے پیر کے روز جاری ہونے والے ایک بیان میں کہا کہ ملک میں و زیراعظم محمد نواز شریف کی قیادت میں عوام کی منتخب کردہ حکومت موجود ہے جسے پورے ملک کے عوام کی بھاری اکثریت حاصل ہے

کوئٹہ : بلوچ نیشنل موومنٹ کے مرکزی ترجمان نے کہا کہ آواران کولواہ کے مختلف علاقوں میں فوجی آپریشن اور جنگی جہازوں کا گشت جاری رہا ۔ریک چاہی ، نلی، بزداد، کوہلی، نلی، پولنگی میں زمینی فوج کا چھاپہ اور جنگی جہازوں کی نیچی پروازیں ۔ آرمی نے کولواہ گندہ چاہی اور ریک چاہی میں عام آبادی کو نشانہ بنا کر گھروں میں لوٹ مار کی اور نوید ولد لطیف، حنیف ولد علی بخش ، راشد ولد موسیٰ، سدھیر ولد محمد جان، رمضان ولد رنگو سمیت کئی نہتے بلوچوں کو اغوا کیا۔

مچھ: سابق وزیر اعلی بلوچستان و نیشنل پارٹی کے مرکزی رہنماء ڈاکٹر عبدالمالک بلوچ نے کہا ہے کہ سی پیک ایک ترقیاتی منصوبہ ہے ہم اس کے حمایت کرتے ہیں تاہم اس حوالے سے ہم نے وفاق کو اپنے تحفظات سے آگا ہ کیا ہیں جھالاوان مکران کے بعد اب نصیر آباد کو پارٹی کا قلعہ بنادیں گے اپنے دور اقتدار میں بلوچ قومی تشخص و سائل کا تحفظ کیا

کوئٹہ: سینیٹ کی قائمہ کمیٹی برائے کم ترقی یافتہ علاقہ جات کا اجلاس وزارت آئل اینڈ گیس کے حوالے سے کمیٹی کے چےئرمین سینیٹر محمد عثمان خان کاکڑ کی صدارت گزشتہ روز منعقد ہوا۔ اجلاس میں کمیٹی کے ممبرن ڈاکٹر جہانزیب جمالدینی، سینیٹر سردار اعظم خان موسیٰ خیل ،سینیٹر خالدہ پروین ، سینیٹر گیان چند اور متعلقہ وزارت کے افیسران نے شرکت کی ۔اجلاس میں مختلف امور زیر بحث لائیں گئے اور اس سلسلے میں اہم فیصلے اور سفارشات کےئے گئے ۔

کوئٹہ :عوامی نیشنل پارٹی صوبائی کابینہ ، پارلیمانی پارٹی ، مرکزی عہدیدارن کا مشترکہ اجلاس زیر صدارت صوبائی صدر اصغرخان اچکزئی ارباب ہاؤس میں منعقد ہوا جس میں صوبے کے حالات باالخصوص امن وامان بارے تفصیل سے غور و خوض ہوا ۔ اجلاس میں سانحہ 24 اکتوبر کو 8 اگست کی مانند قومی سانحہ قرا ددیتے ہوئے کہا گیاکہ پے درپے ایسی سانحات کا رونما ہونا صوبائی حکومت اور سیکورٹی اداروں کی مکمل ناکامی کا منہ بولتا ثبوت ہے صوبائی حکومت حق حکمرانی کھوچکی ہے

کوئٹہ : پیپلز پارٹی کے چیئرمین بلاول بھٹو زرداری نے کہا ہے کہ بلوچستان کی عوام اور میرے خاندان کا غم ایک ہے جب بلوچستان میں لوگ شہید ہورہے تھے تو وفاقی وزیر داخلہ چوہدری نثار علی خان طالبان کے ساتھ فوٹوسیشن کروانے میں مصروف تھے حکومت کے بڑے بڑے محب وطن دہشتگردوں کے خلاف بولنے سے ڈرتے ہیں تاہم اگر ایان علی یا اعتزاز احسن کے خلاف بات کرنی ہو ں تو فوراً پریس کانفرنس بلا لیتے ہیں عمران خان کسی اور کی کٹھ پتلی ہیں اگر نواز شریف نے مطالبات تسلیم نہ کئے تو قبل از وقت الیکشن کی تحر یک شروع کی جائے گی ۔

کوئٹہ: پاکستان پیپلز پارٹی (پی پی پی) کے چیئرمین بلاول بھٹو زرداری نے کہا ہے کہ کوئٹہ کے سانحے کے 3 دن بعد وزیر داخلہ ’اچھے طالبان‘ کے ساتھ تصاویر بنوا رہے تھے۔