کوئٹہ : ینگ ڈاکٹرز ایسوسی ایشن کے صوبائی بیان میں گزشتہ روز چھٹی پر ہونے کے باوجود ڈاکٹرز کو معطل کرنے اور بعد میں ان ڈاکٹرز کے خلاف اخبارات میں بیانات دیکر ان کی عزت کو مجروح کرنے کی سخت مذمت کرتے ہوئے کہاگیاہے کہ بلوچستان میں محکمہ صحت کئی عرصے سے زبوں حالی کاشکارہے ینگ ڈاکٹرز نے ایک عرصے سے محکمہ صحت کے شعبے میں بہتری کیلئے بھرپور کوششیں کیں ۔

کوئٹہ سینٹرل جیل میں اربوں روپے کی کرپشن کے الزام میں قید بااثر ملزمان شاہانہ زندگی گزارنے لگے۔

کوئٹہ: بلوچستان نیشنل پارٹی کے مرکزی سینئر نائب صدر ملک عبدالولی کاکڑ نے جمعیت علماء اسلام اور نیشنل پارٹی کے بیانات پر افسوس کا اظہار کر تے ہوئے کہا ہے کہ بلوچستان کے عوام کی خوش قسمتی ہے یا بد قسمتی ہے کہ سیکولر اور مذہب پرست قو تیں کیسے ایک ساتھ ہو گئے ماضی میں ایک دوسروں پر لیبل لگانے والے اپنے مفادات کی خاطر ایک دوسرے کا ساتھ دے رہے ہیں ۔

کوئٹہ: چاغی میں نامعلوم موٹرسائیکل سواروں کی فائرنگ سے 2ایف سی اہلکار جاں بحق ہوگئے۔

کوئٹہ : بلوچستان نیشنل پارٹی کے مرکزی ترجمان نے کہا ہے کہ نیشنل پارٹی نے خود کو ٹانگہ پارٹی ثابت کر دیاعوامی حمایت کا دعوی کرنے والوں کے پاس ضمنی انتخاب کیلئے امیدوار ہی دستیاب نہیں تھا عوامی پذیرائی سے محروم پارٹی نے تاریخی شکست سے بچنے کیلئے مذہبی جماعت کی حمایت کا اعلان کیا تاکہ اپنی ناکامی کو چھپایا جا سکے ۔

تمبو : بلوچستان کے عوام کو پسماندہ رکھنے کی ایک اور گہری سازش اربوں روپے کی لاگت سے زیر تعمیر کچھی کینال منصوبے پر تعمیراتی کام منسوخ کردیا گیا نصیر آباد ڈویژن سمیت بلوچستان کی ترقی میں بنیادی اور قلیدی کردار کا حامل منصوبہ کی بندش سے صوبے کے عوام میں مایوسی اور پسماندگی مذید پھیلنے کا خدشہ ذارئع کے مطابق وفاقی حکومت نے کچھی کینال منصوبے پر تعمیراتی کام روک کر فنڈز بند کرنے اور مذکورہ منصوبے کو منسوخ کردیا ہے ۔

کوئٹہ: جمعیت علماء اسلام نے سیاسی اور مذہبی جماعتوں سے رابطوں اورملاقاتوں کاآغاز کرلیا ہے جمعیت کی مرکزی مجلس عموی اورشوری کے اجلاسوں کے مطابق مولانا عبد الغفور حیدری کی سر براہی میں قائم کر دہ مرکزی مذاکراتی کمیٹی نے کاپہلااجلاس اسلام آبادمیں ہواجس کے بعد گزشتہ روزمولاناعبدالغفورحیدری کی قیادت میں مذاکراتی وفدنے اسلامی تحریک کے سربراہ علامہ ساجدعلی نقوی سے ملاقات کی جس میں ایم ایم اے بحالی سمیت دیگرامورپرغورکیاگیا۔

کوئٹہ: پاکستان پیپلز پارٹی کے صوبائی صدر علی مدد جتک نے کہا ہے کہ سپریم کورٹ نے پاناما کیس سے متعلق فیصلہ محفوظ کر لیا سپریم کورٹ سے اچھے فیصلے کی امید ہے حلقہ این اے260 پر وزیراعظم نے جمعیت علماء اسلام کو پاناما کا تحفہ دیتے ہوئے جمعیت کے امیدوار کو کامیاب کرایا گیا اور حکومتی مشینری انتخابی نشان کتاب کے لئے استعمال ہوئی 2018 میں وفاق اور صوبوں میں حکومت پیپلز پارٹی کی ہوگی ۔

کوئٹہ: نیشنل پارٹی کے مرکزی ترجمان نے کہا ہے کہ ملک شدید آئینی و قانونی بحران کا شکار ہوتا نظر آرہا ہے نیشنل پارٹی جمہوریت اور پارلیمنٹ کے ساتھ کھڑی ہے جمہوریت اداروں کے استحکام و قانون کی بالادستی کو یقینی بنانے کیلئے اپنا جمہوری کردار ادا کرتی رہے گی ۔

کوئٹہ: وزیر اعلیٰ بلوچستان نواب ثناء اللہ خان زہری نے کہاہے کہ وزیراعظم محمدنوازشریف نے تمام تر سازشوں کے باوجود صبر کادامن ہاتھ سے نہیں چھوڑا اورہمیشہ تحمل اوررواداری کی سیاست کی ہے ملک کے 20کروڑعوام ان کے ساتھ ہیں ملک بھرکی طرح بلوچستان کے عوام نے بھی پاکستان مسلم لیگ(ن) کوبھرپورمینڈیٹ دیاہے اور2018کے انتخابات میں بھی کارکردگی کی بنیاد پر مسلم لیگ (ن)بھرپورکامیابی حاصل کرے گی۔