کوئٹہ: سال2015ء کے دوران بھی بلوچستان دھماکوں سے گونجتا رہا‘بم دھماکوں اور راکٹ حملوں میں 66 افراد ہلاک جبکہ 292 زخمی ہوئے‘ مختلف واقعات میں129 افرادکی لاشیں برآمد ہوئی۔ بجلی کیکھمبوں‘ٹرینوں اور گیس پائپ لائنوں کو نشانہ بنایاگیا۔تفصیلات کے مطابق صوبے کے مختلف علاقوں میں 162 بم دھماکے ہوئے جس کے نتیجے میں 47 افراد ہلاک جبکہ 217 زخمی ہوئے‘ 151 راکٹ حملوں میں 2 افراد ہلاک جبکہ 12 زخمی ہوئے‘52 مائنزدھماکوں میں 15 افراد ہلاک جبکہ 56 زخمی ہوئے‘54 دستی بم حملوں کے نتیجے میں 2 افراد جاں بحق جبکہ 7 زخمی ہوئے۔ صوبے کے مختلف علاقوں سے 129لاشیں برآمد ہوئیں ‘برآمد شدہ لاشوں میں40 بلوچ، 21 پشتون جبکہ 56 کی شناخت نہیں ہوسکی۔بلوچستان کے مختلف علاقوں میں 26 بجلی کے کھمبوں کو دھماکہ خیزمواد سے اڑایا گیا،ٹرینوں پر 7 حملے ہوئے جس سے بوگیوں اور ٹریک کو نقصان پہنچا جبکہ گیس پائپ لائنوں پر35 حملے کیے گئے۔ دریں اثناء سال2015 ء میں نیشنل ایکشن پلان کے تحت کالعدم تنظیموں کے خلاف سیکیورٹی فورسز نے ایک ہزار نوسوچالیس آپریشن کیے‘ آپریشن کے دوران شدت پسندوں کے نوہزارتین سو انتردہشت گردگرفتار کیے، دوسوچار شدت پسندوں کو ہلاک کیا‘تین ہزار تین سو اڑتیس اسلحہ برآمدکیاجبکہ دولاکھ ستاون ہزار چارسوتیرہ مختلف اقسام کی گولیاں برآمد کیں۔نیشنل ایکشن پلان آپریشن میں ایف سی،انٹیلی جنس ایف سی،پولیس اور لیویز نے حصہ لیا۔نیشنل ایکشن پلان 2015ء کے دوران ایپکس کمیٹی کے 6 اہم اجلاس منعقد ہوئے‘

کوئٹہ: بلوچستان کے ضلع مستونگ، کیچ اور لورالائی میں بم اور بارودی سرنگ دھماکوں میں دو ایف سی اہلکاروں سمیت چار افراد جاں بحق اور چار زخمی ہوگئے۔ جبکہ تربت کے قریب سرچ آپریشن میں تین دہشتگرد بھی مارے گئے۔ ایف سی ترجمان کے مطابق ضلع مستونگ کے علاقے اسپلنجی میں فرٹیئر کور بلوچستان قلات اسکاؤٹس 86 ونگ کی دو گاڑیاں چیک پوسٹوں کیلئے پانی کیلئے جارہی تھیں۔ راستے میں نامعلوم دہشتگردوں نے سڑک کنارے نصب بم کے ذریعے ایک گاڑی کو نشانہ بنایا۔ دھماکے کے نتیجے میں سپاہی طارق سکنہ اٹک جاں بحق جبکہ جبکہ لانس نائیک امتیاز اور سپاہی نوید زخمی ہوگئے۔ دونوں زخمیوں کو سی ایم ایچ کوئٹہ منتقل کردیا گیا۔ ایک اور واقعہ میں ضلع کیچ کے ڈسٹرکٹ ہیڈ کوارٹر تربت سے پینسٹھ کلو میٹر دور دشت میں سبدان کے مقام پر فرنٹیئر کور بلوچستان مکران اسکاؤٹس کے گشت پر مامور گاڑیوں کے قریب بم دھماکا کیا گیا۔ دھماکے کے نتیجے میں تین سپاہی صدام، انصر اور مسعود زخمی ہوگئے۔ زخمیوں کو تربت لایا گیا جہاں سپاہی صدام زخموں کی تاب نہ لاتے ہوئے دم توڑ گیا جبکہ باقی دو زخمیوں کی حالت خطرے سے باہر بتائی جاتی ہے۔

تربت : تربت میں ایف سی اور حساس ادارے کی کاروائی اور فائرنگ کے تبادلے میں کالعدم تنظیم کیایک کمانڈر سمیت عسکریت پسندہلاک ہو گئے ، بھاری تعداد میں خود کار اسلحہ برآمد کر لیا گیا۔ایف سی ترجمان کے مطابق فرنٹئر کور بلوچستان اور حساس ادارے نے خفیہ اطلاع پر تربت کے علاقے سرین کہان میں کالعدم تنظیم کے مبینہ دہشت گردوں کی موجودگی کی اطلاع پر کاروائی کی جہاں فائرنگ کے تبادلے میں کالعدم تنظیم کیاہم کمانڈرخلیل نادی سمیت عسکریت پسندہلاک ہو گئے جن کے قبضے سے خود کارہتھیار بھی بر آمد ہوئے ہیں

کوئٹہ: سیکرٹری داخلہ بلوچستان اکبر حسین درانی نے کہا ہے کہ بلوچستان میں نیشنل ایکشن پلان پر سو فیصد عمل درآمدممکن بنایا گیا ہے ، صوبے میں نیپ کے تحت مختلف کارروائیوں میں 204 خطرناک دہشت گرد مارے گئے ، دہشت گردوں کا تعلق مختلف کالعدم تنظیموں سے تھا تاہم ان کاروائیوں کے دوران 70 پولیس اور دیگر سیکورٹی اہلکار بھی شہید ہوئے ہیں ۔ آئی این پی سے بات چیت کرتے ہوئے اکبر حسن درانی نے بتایا کہ صوبے میں1973انٹیلی جنس بیسڈ کارروائیاں کی گئی جن میں بڑی کامیابیاں ملیں اور دہشت گردی کے بڑے منصوبے ناکام بنادیئے گئے ۔ سیکرٹری داخلہ نے بتایا کہ بلوچستان میں پولیس ، لیویز ، ایف سی اور انٹیلی جنس ایجنسیوں نے نیپ کے تحت کارروائیاں کرتے ہوئے 9 ہزا رسے زائد مشتبہ دہشت گرداور جرائم پیشہ افراد گرفتار کئے ہیں۔

چاغی: پاک ایران سر حدی شہر ماشکیل میں ایرانی سر حدی حدود سے3 مارٹر گولے پاکستانی حدود میں آگرے ۔ماشکیل لیویز کے مطابق گزشتہ روز ایرانی حدود سے فائر کئے گئے 3 مارٹر گولے ضلع واشک کا علاقہ تحصیل ماشکیل کلی آہو گو کے میدانی علاقے میں گر گئے ہیں تاہم کوئی جانی نقصان نہیں ہوا ۔ایرانی حدود سے فائر کے گئے گولے دس پندرہ کلو میٹر پاکستانی سرحدی حدود میں گر گئے ہیں ۔یاد رہے اس قبل بھی ایرانی سر حدی فورسز کی جانب کئی بار مارٹر گولے فائر کئے جو پاکستانی حدود میں گر گئے پاکستانی حکام کی احتجاج کے بعد مارٹر گولے بند ہوگئے ،مگر ایک دفعہ پھر ایرانی فورسز کی جانب سر حدی خلاف ورزی کی گئی ہیں ۔ضلع واشک کے علاقہ تحصیل ماشکیل پاک ایران سر حد کے قریب واقع ہے ۔اس ضلع کی آبادی50 ہزار نفوس پر ہے

کوئٹہ: پا کستان مسلم لیگ (ن) کی خا تو ن رکن بلو چستان اسمبلی راحیلہ حمید درانی بلا مقا بلہ پہلی خا تو ن جبکہ مجمو عی طو ر پر 13ویں اسپیکر بلو چستان اسمبلی منتخب ہو گئیں ان کے مد مقا بل جمعیت علما ء اسلا م(ف) کے مفتی گلا ب خا ن کا کڑ تا خیر کے با عث اپنے کا غذات نا مزدگی جمع نہ کرا سکے ،نو منتخب اسپیکر بلو چستان اسمبلی راحیلہ حمید درانی سے رکن بلو چستان اسمبلی و پینل ممبر سید لیا قت آغا نے عہدے کا حلف لیا ۔تفصیلا ت کے مطا بق جمعرات کو اسپیکر بلو چستان اسمبلی کے لئے کا غذا ت نا مزدگی وصول کر نے کا سلسلہ صبح نو بجے سے دس بجے تک جا ری رہا اس دوران پا کستان مسلم لیگ (ن ) کی خا تو ن رکن صو با ئی اسمبلی راحیلہ حمید درانی نے اسپیکر کے عہدے کے لئے کا غذات نا مزدگی جمع کرا ئے تا ہم جمعیت علما ء اسلام (ف) کے اسپیکر کے عہدے کے لئے نا مزد امیدوار مفتی گلا ب خا ن کا کڑ تاخیر کے با عث اسپیکر کے عہدے کے لئے کاغذات نا مزدگی

کوئٹہ: انسداد دہشت گردی کی خصوصی عدالت ون کوئٹہ نے نواب اکبر بگٹی قتل کیس میں نامزد ملزمان کی جانب سے دائر درخواست بریت پر فیصلہ محفوظ کرلیا جبکہ سماعت کے دوران نواب اکبر بگٹی کے صاحبزادے جمیل احمدبگٹی نے اپنے والد کی قبر کشائی ڈی این اے ٹیسٹ اور گواہان کو طلب کرنے سے متعلق درخواستیں دیں تاہم بوجہ رخصت جلیس آفیسر سماعت کو 30 دسمبر کیلئے ملتوی کردیا گیا گزشتہ روز نواب اکبر بگٹی قتل کیس کی سماعت انسداد دہشت گردی کی خصوصی عدالت ون کوئٹہ کے جج جناب جان محمد گوہر کے روبرو شروع ہوئی تو اس موقع پر قومی وطن پارٹی کے سربراہ اور وفاقی وزیر داخلہ آفتاب احمد خان شیر پاؤ سابق صوبائی وزیر داخلہ شعیب احمد نوشیروانی ان کے وکلاء سمیت نواب اکبر بگٹی کے صاحبزادے نوابزادہ جمیل احمد اکبربگٹی عدالت میں پیش ہوئے

اسلام آباد;سینیٹ میں سینیٹر تاج حیدر اور سینیٹر عثمان کاکڑ کی طرف سے پیش کردہ تحاریک پر پالیسی بیان دیتے ہوئے وفاقی وزیر پٹرولیم وقدرتی گیس شاہد خاقان عباسی نے کہا ہے کہ جولائی2008ء سے جون2013ء تک پاکستان اسٹیل مل کو104 ارب روپے کا نقصان ہوا ہے پاکستان اسٹیل ملز نے سوئی ناد رن کا35 ارب سے زائد بل ادا کرنا ہے،گزشتہ سال اپریل سے اب تک گیس کی مد میں کوئی ادائیگی نہیں کی گئی ہے،وفاقی حکومت نے سندھ حکومت کو پاکستان اسٹیل مل خریدنے کی آفر کی تھی جس پر سندھ حکومت کی جانب سے کوئی جواب موصول نہیں ہوا،کوئٹہ میں گیس کی کمی کی شکایات میں گیس کی ڈیمانڈ180ملین کیوبک فٹ ہیں جبکہ سپلائی 147 ملین کیوبک فٹ ہے،اصل ڈیمانڈ سے سپلائی 20فیصد کم ہے۔اس سے قبل تحریک پر بحث کرتے ہوئے سینیٹر تاج حیدر نے پاکستان اسٹیل مل کے ذمے واجب الادا 37ارب روپے کی رقم تک بقایاجات کی ادائیگی

کوئٹہ: بلوچستان کے ضلع آواران میں سیکورٹی فورسز نے سرچ آپریشن میں دو افراد کو ہلاک کردیا۔ جبکہ پشین سے لیویز نے گیارہ مشتبہ افراد کو حراست میں لے لیا۔ سیکورٹی ذرائع کے مطابق آوران کی تحصیل مشکے میں سیکورٹی فورسز نے کالعدم تنظیم کے ارکان کی موجودگی کی اطلاع پر سرچ آپریشن کیا۔ اس دوران فائرنگ کے تبادلے میں مارے گئے۔ کارروائی میں ٹھکانے کو بھی تباہ کر دیا گیا جبکہ بھاری تعداد میں اسلحہ اورگولہ بارود بھی برآمد ہوا۔ ادھر ضلع پشین کیعلاقے سرخاب میں گزشتہ روز لیویز چیک پوسٹ پر حملے کے بعد لیویز نے اسسٹنٹ کمشنر کی سربراہی میں سرچ آپریشن کیا۔ سرخاب مہاجر کیمپ میں ہونے والے سرچ آپریشن کے دوران گیارہ مشتبہ افراد کو حراست میں لیا گیا۔ یاد رہے کہ تین روز قبل لیویز چیک پوسٹ پر حملے میں ایک اہلکار جاں بحق اور تین زخمی ہو گئے تھے

کوئٹہ :بلوچستان بھرمیں نیشنل ایکشن پلان کے تحت9ماہ میں1863کارروائیاں کی گئی ہیں جن میں 204شدت پسند ہلاک اور 29 زخمی جبکہ 8326 دہشت گردوں کو گرفتار کیا گیا جن کیخلاف قانونی کارروائیاں جاری ہیں ۔ میڈیا رپورٹس کے مطابق ملک بھر میں دہشت گردوں اور سہولت کاروں کیخلاف بنائے گئے نیشنل ایکشن پلان کے تحت بلوچستان بھر میں 204دہشت گرد مارے گئے ہیں جبکہ 1863کارروائیوں میں ایک ہزار سے زائد اقسام کا اسلحہ گولہ بارود بھی برآمد ہوا ہے