کوئٹہ: بلوچستان کے ضلع نصیرآباد، خضدار ، مستونگ اور چمن میں ٹریفک حادثات میں چھ افراد جاں بحق اور پچیس سے زائد زخمی ہوگئے۔پولیس کے مطابق ضلع نصیرآباد کی تحصیل ڈیرہ مراد جمالی میں پولیس تھانہ صدر کی حدود میں ربی کے قریب تیز رفتار پک اپ نمبر WAA240ٹائی راڈ ٹوٹنے کے باعث الٹ گئی۔ حادثے کے نتیجے میں تین سالہ بچی اور دو خواتین جاں بحق جبکہ دس افراد افراد زخمی ہوگئے۔ جاں بحق افراد میں تین سالہ خورشیدہ دختر اللہ ڈنا ، اس کی والدہ ساراسکنہ چھتر ،بانل زوجہ لال خان سوریانی سکنہ مٹھری جبکہ زخمیوں میں دولی محمد،گل ذادی ،ماہ بی بی ،بلاول دیداراحمد،اللہ ڈنہ ،محمد بچل ،لطیفاں بی بی ،کجلہ خان اور گل نورشامل ہیں ۔ حادثے کی اطلاع ملتے ہی پولیس اورامدادی ٹیمیں جائے وقوعہ پر پہنچ گئیں۔لاشوں اور اورزخمیوں کو سول اسپتال ڈیرہ مراد جمالی پہنچایا گیا۔ حادثے کی شکار ویگن بولان کے علاقے مٹھڑی سے ڈیرہ مراد جمالی جارہی تھی۔دریں اثناء بدھ کی صبح خضدار سے چالیس کلو میٹر دور تحصیل باغبانہ کے علاقے کورک میں کراچی سے کوئٹہ آنے والی مسافر بس موڑ کاٹتے ہوئے ڈرائیور سے بے قابو ہوکر الٹ گئی

کوئٹہ: بلوچستان نیشنل پارٹی کے مرکزی سیکرٹری جنرل سینیٹر ڈاکٹر جہانزیب جمالدینی نے اپنے بیان میں کہا گیا ہے کہ 10جنوری کو اسلام آباد میں پارٹی کی جانب سے منعقدہ ہونے والی آل پارٹیز کانفرنس اہمیت کی حامل ہے جس کے دور رس نتائج برآمد ہونگے آل پارٹیز کانفرنس میں شرکت کیلئے تمام جماعتوں کو مدعو کیا گیا ہے ہماری کوشش ہو گی کہ بلوچ قوم کے گوادر کے حوالے سے خدشات تحفظات ہیں انہیں آل پارٹیز کانفرنس میں پیش کر کے انہیں کے حل کیلئے کوششیں کی جائیں ہم ترقی و خوشحالی کے ہرگز مخالف نہیں حقیقی ترقی و خوشحالی کیلئے ضروری ہے کہ گوادر کا مکمل اختیار بلوچستان کو دیا جائے انہوں نے کہا کہ بلوچستان کی حق ملکیت کو تسلیم کیا جائے گوادر میں بلوچوں کو اقلیت میں بدلنے سے روکنے کیلئے قانون سازی کی جائے عوام کے قومی تشخص کو ملحوظ خاطر رکھ کر فیصلے کئے جائیں ماہی گیروں کے معاشی استحصال کرنے کے بجائے روزگار اور متبادل جی ٹی کا بندوبست کیا جائے گوادر میں انفراسٹرکچر ، میرین کالجز ، سکولز ، ٹیکنیکل ادارے اور بلوچ فرزندوں کیلئے ٹیکنیکل ٹریننگ کالجز کا قیام عمل میں لایا جائے

کوئٹہ/ اسلام آباد: جمعیت علماء اسلام کے رہنماؤں نے کہاہے کہ قومی اسمبلی سے حلال اتھارٹی بل کی منظوری،آرمی ایکٹ میں مذہب اورمسلک کے امتیازی الفاظ کے خلاف بل پیش کرنے،مدارس کوغیرضروری سوالات پرمشتمل فارم کومستردکرکے حکومت کونئے فارم جاری کرنے پرمجبورکرنے ،وزیراعظم کے لبر ل پاکستان اورصدرپاکستان کے سودبارے خیالات کومستردکرنے اوراقتصادی راہداری مغربی روٹ کی تعمیرپردوٹوک اوراصولی موقف اختیارکرنے جیسے اقدامات جمعیت کے قابل فخرکارنامے ہیں جمعیت صرف زبانی جمع خرچ پریقین نہیں رکھتی بلکہ پارلیمنٹ کے اندراورباہرایک موثراورمسلمانوں کے جذبات کی تواناترجمان آوازہے،چاروں صوبوں اورگلگت بلتستان میں جمعیت کی منظم ومستحکم جماعت موجودہے،بلوچستان بھرمیں جمعیت نے جلسے کئے جوکوئی پارٹی بھی نہیں کرسکتی،جوق درجوق عوام اورسیاسی وقبائلی رہنماؤں کی جمعیت میں شمولیت خوش آئندہے جس کے مستقبل کی سیاست پرمثبت اثرات مرتب ہوں گے۔

اسلام آباد: وزیراعلیٰ بلوچستان نواب ثناء اللہ خان زہری سے چیئرمین نیشنل ہائی وے اتھارٹی شاہداشرف تارن نے منگل کو اسلام آباد میں ملاقات کی اس موقع پرسینیٹرآغا شاہد درانی بھی موجودتھے۔ملاقات کے دوران بلوچستان اکنامک کوریڈور کے حوالے سے جائزہ لیاگیا۔وزیراعلیٰ بلوچستان نواب ثناء اللہ زہری کوچیئرمین نیشنل ہائی وے نے بریفنگ دیتے ہوئے بتایاکہ چائنا پاکستان اکنامک کوریڈورکامغربی روٹ کوئٹہ سے ہوتاہوا خضدار جائیگا

اسلام آباد : صدرمملکت ممنون حسین سے وزیراعلیٰ بلوچستان سردار ثناء اﷲ زہری نے منگل کے روز ایوان صدر میں ملاقات کی اور انہیں بلوچستان کی تازہ ترین صورت حال سے آگاہ کیا۔ وزیراعلیٰ منتخب ہونے کے بعد سردار ثناء اﷲ زہری کی صدر پاکستان سے یہ پہلی ملاقات تھی۔ ایوان صدر میں ہونے والی ملاقات میں صدر مملکت نے صوبہ بلوچستان کی وزارت اعلیٰ کا منصب سنبھالنے پر انہیں مبارک باد دی اور اس توقع کا اظہار کیا کہ پاکستان کا رقبے کے لحاظ سے سب سے بڑا صوبہ ان کی قیادت میں ترقی کرے گا اور وہ اس سلسلے میں اپنی صلاحیتوں کا بھرپور استعمال کریں گے۔

کوئٹہ: مری معاہدے کے تحت بلوچستان میں ڈاکٹر عبدالمالک بلوچ کیبعد اقتدار نواب ثنا اللہ زہری کو منتقل ہوگیالیکن صوبائی کابینہ دو ہفتے بعد بھی تشکیل نہیں دی جاسکی۔ڈاکٹر عبدالمالک بلوچ کے بلوچستان میں ڈھائی سالہ دوراقتدار میں طے شدہ فارمولے کے تحت مخلوط کابینہ میں مسلم لیگ ن کے پاس سینئر وزیر سمیت پانچ وزارتیں اور دو مشیر، پشتونخواہ میپ کے چار وزرا اور دو مشیر اور نیشنل پارٹی کے بھی چار وزیراور ایک مشیر جبکہ ق لیگ کا ایک وزیرشامل تھا۔23دسمبر کو ڈاکٹر عبدالمالک بلوچ نے وزارت اعلیٰ کامنصب چھوڑا تو ان کے مستعفی ہونے کے بعد 14وزرا اور چار مشیروں پر مشتمل صوبائی کابینہ بھی فارغ ہوگئی۔ڈاکٹر عبدالمالک کیمستعفی ہونے کے اگلے ہی دن 24دسمبر کو نواب ثنا اللہ زہری نے وزارت اعلی کا منصب تو سنبھال لیا ،تاہم ان کی کابینہ اب تک تشکیل نہیں دی جاسکی۔ن لیگ کی اتحادی پشتونخواہ میپ اور نیشنل پارٹی کا کہنا ہے کہ وزارتوں پر ان کی جماعتوں میں کوئی اختلاف نہیں ہے

کوئٹہ: پاکستان پیپلزپارٹی بلوچستان کے رہنماؤں نے کہاہے کہ پیپلزپارٹی نے جمہوریت کے استحکام کیلئے خاموشی اختیار کررکھی تھی اسٹیبلشمنٹ نے ہمیشہ پیپلزپارٹی کوکچلنے کی کوشش کی مگر پیپلزپارٹی اسٹیبلشمنٹ کی کچلنے سے کمزور نہیں بلکہ مزید مضبوط ہوئی ہے اگرآج پیپلزپارٹی کے چیئرمین احتجاجی تحریک کی کال دیدیں تووفاق کی حکومت نہیں رہیں گی گوادر کاشغر اقتصادی راہداری کے منصوبے پرقوم پرستوں اورمذہب پرست جماعتوں کودھوکہ دیاہے گوادر کاشغراقتصادی روٹ سے بلوچستان اورخیبرپختونخوا کے عوام مستفید نہ ہوئے تو اس منصوبے کوکسی بھی صورت کامیاب نہیں ہونے دیں گے ان خیالات کااظہار پاکستان پیپلزپارٹی بلوچستان کے صدر میر محمدصادق عمرانی نے کوئٹہ پریس کلب میں قائدجمہوریت ذوالفقار علی بھٹو کی 88ویں سالگرہ کے مناسبت سے منعقدہ تقریب سے خطاب کرتے ہوئے کیااس موقع پرپیپلزپارٹی کے مرکزی رہنماء بسم اللہ خان کاکڑ،حاجی اشرف کاکڑ،سیداقبال شاہ ،جمال جوگیزئی ،آغاجمال عبدالناصر ،جعفرجارج، رخسانہ احمدعلی، حفیظ مینگل، وقاص ندیم نے بھی تقریب سے خطاب کیا

تربت : بلوچستان ہائی کورٹ تربت بنچ میں گوادرمیں پانی کے بحران کے حوالے سے آئینی پٹیشن کی سماعت ‘ جسٹس شکیل احمد بلوچ اور جسٹس ہاشم خان کاکڑ پرمشتمل ڈبل بنچ نے گوادر میں پانی بحران کے حل کے حوالے سے مقدمہ کی سماعت کی ‘ متعلقہ حکام کو 19جنوری کوپرنسپل سیٹ کوئٹہ میں جواب داخل کرنے کی ہدایت ‘ بلوچستان ہائی کورٹ تربت بنچ میں مفاد عامہ کے مختلف آئینی درخواستوں کی سماعت ہوئی جس میں صابرہ اسلام ایڈووکیٹ کی جانب سے دائرکی گئی ایک آئینی پٹیشن میں گوادرمیں پانی بحران کے حوالے سے سماعت کے دوران کھل کربحث ہوئی ‘ پٹیشنرکی جانب سے وائس چےئرمین بلوچستان بارکونسل قاہرشاہ ایڈووکیٹ‘ سابق وائس چےئرمین بلوچستان بارکونسل عبدالحمید بلوچ ایڈووکیٹ‘ کیچ بارکے صدر جاڑین دشتی ‘ پنجگور بارکے صدر علاؤ الدین ایڈووکیٹ‘ گوادر بار کے صدر سعیدفیض ایڈووکیٹ ‘عبدالمجید دشتی ایڈووکیٹ سمیت دیگر وکلاء پیش ہوئے

اسلام آباد: سینیٹ قائمہ کمیٹی برائے منصوبہ بندی، ترقی و اصلاحا ت کا جلاس چیئرمین کمیٹی سینیٹر کرنل (ر) سید طاہر حسین مشہدی کی زیر صدارت پارلیمنٹ لاجز کے کانفرنس ہال میں منعقد ہوا۔قائمہ کمیٹی کے اجلاس میں صوبوں کے ترقیاتی منصوبہ جات اور خاص طور پر بلوچستان کے منصوبہ جات،نیشنل ہائی وے اتھارٹی کی طرف سے سی پیک کے منصوبہ جات،سڑکیں اور انفراسٹرکچر کے معاملات کا تفصیل سے جائزہ لیا گیا۔چیئرمین کمیٹی سینیٹر کرنل (ر) سید طاہر حسین مشہدی نے کہا کہ پاک چائنہ اقتصادی راہداری کا منصوبہ ملک کی ترقی کیلئے اہم سنگ میل ثابت ہو گا۔اس منصوبے کی بدولت ملک کی نہ صرف معاشی حالت بہتر ہو گی بلکہ لوگوں کی حالت زار میں بھی نمایاں بہتری ہو گی۔انہوں نے کہا کہ اس منصوبے کے حوالے سے جو چھوٹے صوبوں کو تحفظات حاصل ہیں ان کو متعلقہ ادارے تفصیلی معلومات سے آگاہ کریں اور معاملات میں بہتری لائیں۔انہوں نے کہا کہ اس منصوبے کی بدولت صوبہ بلوچستان اور خاص طور پر پسماندہ علاقوں کو ترقی کی راہ پر گامزن کیا جا سکتا ہے

چین کے سرکاری ذرائع ابلاغ کا کہنا ہے کہ صوبے نینگ ژا میں ایک بسں میں آگ لگنے سے کم سے کم 17 افراد ہلاک ہو گئے ہیں جبکہ دیگر 32 افراد زخمی ہوئے ہیں۔ چین کے سرکاری نشریاتی ادارے کا کہنا ہے کہ مسافر بس میں آگ مقامی وقت کے مطابق 7 بجے لگی اور بعض میں موجود مسافر بس کے اندر ہی پھنس گئے۔ حکام نے بس میں آتشزدگی کے شبے میں ایک شخص کو حراست میں لینے کے بعد اُس کی تلاشی لی ہے۔ آن لائن پوسٹ کی گئی ایک ویڈیو فوٹیج میں بس کو آگ کے شعلوں کی لپیٹ میں دیکھا جاسکتا ہے۔ حکام نے ما یونگ پنگ نامی شخص کو اس واقعے کا ’مرکزی مشتبہ ملزم‘ قرار دیتے ہوئے اُن کی تصویر اور ذاتی شناختی نمبر جاری کیا ہے