کراچی: پاکستان پیپلز پارٹی میں خواجہ سراؤں کے 25 رہنماؤں نے شمولیت اختیار کر لی ہے۔خواجہ سراؤں کے رہنماؤں نے اس بات کا اعلان ایک پریس کانفرنس سے خطاب کرتے ہوئے کیا۔ پریس کانفرنس میں پی پی سندھ کے صدر نثار کھوڑو، جنرل سیکریٹری وقار مہدی، پی پی کراچی کے صدر اور صوبائی وزیر اطلاعات و نشریات سعید غنی سمیت دیگر رہنما بھی موجود تھے۔

پاکستان میں عالمی وبا کورونا وائرس سے مزید10افراد جاں بحق ہوگئے جبکہ مجموعی اموات کی تعداد28ہزار 638ہو گئی ہے۔نیشنل کمانڈ اینڈ آپریشن سینٹر (این سی او سی) کی جانب سے جاری تازہ اعدادو شمار کے مطابق گزشتہ 24 گھنٹوں کے دوران ملک بھر میں مزید460کورونا کیسز رپورٹ ہوئے۔ ملک میں کورونا کیسز کی مجموعی تعداد 12 لاکھ 80 ہزار822ہوگئی۔

سبی:  تنظیم الاعوان پاکستان کے مرکزی چیئرمین وصوبے سندھ کے صوبائی صدرسردار فاروق اعوان نے کہا ہے کہ ملک بھر میں بسنے والے اعوان برادری سانحہ کچھی گوٹھ اعوان کے واقعہ کی مذمت کرتی ہے ہم پرامن محب وطن قبائل ہے مگر لارواث نہیں سانحہ کچھی گوٹھ اعوان کے واقعہ کو ایک ہفتہ ہوچکا لیکن ایف آئی آر میں نامزد ملزمان کو گرفتار نہیں کیا گیا اگر جمعہ تک گرفتاری عمل میں نہیں لائی گئی ملک بھر کے پریس کلبز کے سامنے اعوان برادری احتجاجی مظاہرے کرے گی، ملزمان کی عدم گرفتاری پر نااہلی ڈپٹی کمشنر کچھی کو معطل کیا جائے ،جے آئی ٹی کے زریعے واقعہ کی تحقیقات کرکے لواحقین کے ساتھ انصاف کیا جائے۔

کوئٹہ: نیشنل ڈیموکریٹک پارٹی کے مرکزی ترجمان نے اپنے جاری کردہ بیان میں بلوچ طلباء کی عدم بازیابی پر تشویش کا اظہار کرتے ہوئے کہا کہ گزشتہ دو ہفتوں سے لاپتہ کیے گئے طلبہ ابھی تک بازیاب نہیں ہوسکے تعلیمی اداروں کے بجائے عقوبت خانوں کو آباد کیا جا رہا ہے تعلیمی اداروں سے طالب علموں کو لاپتہ کرکے عقوبت خانوں میں پابند سلاسل کیا جارہا ہے جوکہ نوآبادیاتی نظام کی عکاسی کرتا ہے. تعلیمی اداروں کے احاطے میں گھس کر طلباء کو لاپتہ کرنے کا مقصد بلوچستان کے تعلیمی اداروں میں خوف کا ماحول پیدا کرنا جسکی وجہ سے طلباء کو ذہنی طور پریشاں اور مفلوج کیا جا سکے تاکہ وہ تعلیمی اور سیاسی سرگرمیوں سے دور رہیں ۔

کوئٹہ : پاکستان ڈیموکریٹک موومنٹ کے زیراہتمام کوئٹہ میں احتجاجی جلسے میں بلوچستان نیشنل پارٹی کے مرکزی کمیٹی کے رکن وضلعی آرگنائزر غلام نبی مری نے متعدد قرارداد پیش کیں جس کی جلسے کے شرکاء نے ہاتھ کھڑے کرکے منظوری دی ۔قراردادوں کے مطابق آج کا جلسہ عام مطالبہ کرتا ہے کہ کھانے پینے اور روزمرہ استعمال ہونے والی اشیاء ،آٹا ،چینی، گھی ،تیل ،دال ،چاول ودیگر ادویات ،گیس ،بجلی کی قیمتوں میں ہوشرباء اضافہ واپس لیا جائے۔

کوئٹہ: بلوچستان یونیورسٹی اکیڈمک پینل جامعہ سے طلباء کی ماورائے آئین و قانون جبری گمشدگیوں کی نہ صرف سختی کے ساتھ مذمت کرتی ہے بلکہ اسے ایک انتہائی ظالمانہ بے حسنی پر مبنی ایسا عمل سمجھتی ہے جس سے نہ صرف بلوچستان یونیورسٹی بلکہ بلوچستان کے تمام تعلیمی اداروں کا مستقبل خطرے میں ڈال دیا گیا ہے۔ ترجمان نے بدھ کو یہاں جاری ہونے والے ایک بیان میں کہا کہ ایک سال قبل موسم سرما ہی میں بلوچستان کے تین پروفیسرز کو ماورائے آئین و قانون جبری طو رپر اغواء کیا گیااور اب دو طالب علموں فصیح بلوچ اور سہیل بلوچ کو جامعہ کے کیمپس سے گمشدہ کر دیا گیا ۔ تاحال یونیورسٹی انتظامیہ بالخصوص وائس چانسلر کی جانب سے کوئی سنجیدہ اور ذمہ دارانہ اقدام نہیں اٹھایا گیا۔

وزیراعلیٰ سندھ مراد علی شاہ نے اعتراف کیا ہےکہ کراچی سمیت سندھ بھر میں مردم شماری صحیح نہیں ہوئی۔

صدر مملکت ڈاکٹر عارف علوی سے انٹر سروسز انٹیلی جنس (آئی ایس آئی) کے ڈائریکٹر جنرل (ڈی جی) لیفٹیننٹ جنرل فیض حمید نے الوداعی ملاقات کی۔

 امریکی ڈالر کے مقابلے میں پاکستانی روپے کی قدر میں بہتری کا سلسلہ بدھ کو بھی برقرار رہا اور انٹر بینک مارکیٹ میں ڈالر 1.13 روپے کی کمی سے 173.76 روپے کی سطح پر آگیا جبکہ اوپن کرنسی مارکیٹ میں بھی ڈالر کے نرخ میں 1.30 روپے کی کمی ہوئی جس سے ایک ڈالر 174.40 روپے کا ہوگیا۔

 اسلام آباد: پارلیمنٹ کے مشترکہ اجلاس میں وفاقی وزیر مراد سعید اور مسلم لیگ (ن) کے مرتضیٰ جاوید عباسی کے درمیان ہاتھا پائی ہوگئی۔