وزیراعظم کراچی کے کینٹ اسٹیشن پر سرکلرریلوے کا سنگ بنیاد رکھیں گے۔ریلوے حکام کے مطابق کراچی میں سرکلر ریلوے بجلی سے چلنے والی تیز ٹرین ہوگی،یہ منصوبہ ڈھائی سو ارب روپے کی لاگت سے مکمل کیا جائے گا ،ریلوے ذرائع نے بتایاکہ منصوبہ نجی شعبے کے اشتراک سے مکمل کیا جائے گا۔

دریں اثنا وزیراعظم کو سندھ میں پارٹی امور اور ترقیاتی کاموں پر بریفنگ دی جائے گی۔ وزیر اعظم نے ٹویٹ کرکے کراچی کوسٹل ڈیولپمنٹ زون کی سی پیک میں شمولیت پر وزارت بحری امور کو شاباش دیتے ہوئے کہا سی پیک میں شمولیت انقلابی قدم ہے،اس سے ماہی گیروں کیلیے بحری مسکن صاف ہوگا۔

20 ہزار سستے گھرتعمیر ہوں گے،سرمایہ کاروں کو مواقع میسر آئیں گے اور کراچی کا شمار ترقی یافتہ ساحلی شہروں میں ہونے لگے گا۔وزیر اعظم عمران خان نے امریکا میں خرم محمود کے انتقال پر تعزیتی پیغام میں کہا میں یہ سن کرنہایت رنجیدہ ہوں۔