مستونگ ; مستونگ کوئٹہ کراچی، کوئٹہ سبی قومی شاہراہوں پر تین مختلف ٹریفک حادثات میں خواتین بچوں سمیت 26 افراد زخمی بعض کی حالت تشویشناک۔
تفصیلات کے مطابق دشت کے علاقے میں کولپور بائی پاس پر بارش کے باعث پھسلن کی وجہ سے خانہ بدوشوں کا ٹرک الٹ گیا جس کے نتیجے میں خواتین بچوں سمیت 8 افراد زخمی ہوگئے زخمیوں کو دشت لیویز انتظامیہ نے فوری طور پر بی ایچ یو کولپور میں ابتدائی امداد فراہم کرنے کے بعد کوئٹہ ٹراما سینٹر منتقل کر دیئے۔
زخمیوں میں دو کی حالت تشویشناک بتائی جاتی ہے جبکہ قومی شاہراہ پر کھڈکوچہ کے مقام پر تیز رفتار مسافر ویگن اور پک اپ کے درمیان تصادم کے بعد مسافر ویگن الٹنے سے خواتین و بچوں سمیت 12 افراد شدید زخمی ہوئے زخمیوں میں بعض کی حالت تشویشناک بتائی جارہی ہے جنھیں طبی امداد کے بعد کوئٹہ منتقل کر دیئے جبکہ ایک اور حادثے میں قومی شاہراہ پر لکپاس کے قریب دو کارگاڑیوں میں تصادم میں خواتین و بچوں سمیت 6 افراد زخمی ہوگئے۔
زخمیوں کوفوری طورپر ایم ای آر سی 1122سینٹر لکپاس میں طبی امداد فراہم کرنے کے بعد ٹراماسینٹر کوئٹہ منتقل کردیا زخمیوں میں سے ایک زخمی کی حالت تشویشناک بتائی جاتی ہے۔