کوئٹہ : کوئٹہ میں فائرنگ سے دو سگے بھائی جاں بحق، پولیس کے مطابق اتوار کو کوئٹہ کے علاقے کلی شابو کے قریب مسلح افراد کی فائرنگ سے دوران مری عرف بزرگ اور عبدالعزیز مری جاں بحق ہوگئے۔
پولیس کے مطابق مقتولین سگے بھائی ہیں جنہیں مسلح موٹر سائیکل سواروں نے اس وقت فائرنگ کا نشانہ بنایا جب وہ گاڑی میں وہاں سے گزر رہے تھے۔واضع رہے کہ دوران مری عرف بزرگ کالعدم تنظیم کے سابق کمانڈر تھے اور حال ہی میں انھوں نے ہتھیار ڈالے تھے، پولیس نے لاشوں کو تحویل میں لیکر ہسپتال منتقل کردیا جہاں ضروری کاروائی کے بعد لاشیں ورثاء کے حوالے کردی گئیں مزید کاروائی جاری ہے۔