ڈیرہ بگٹی: پٹ فیڈر اور کچی کینال میں فائرنگ کے مختلف واقعات میں قبائلی شخصیت سمیت دو افراد جان بحق جبکہ ایک زخمی ہوگیا۔
لیویز حکام کے مطابق گزشتہ روز ضلع ڈیرہ بگٹی کے متصل علاقے پٹ فیڈر اور سوئی کے علاقے کچھی کینال میں فائرنگ کے دو مختلف واقعات میں دو افراد جان بحق جبکہ ایک زخمی ہوگیا۔
فائرنگ کا پہلے واقعے میں ڈیرہ بگٹی اور صحبت پور کے سرحدی علاقے میں پرانی دشمنی کے شبے میں چاکرانی قبیلے سے تعلق رکھنے والے افراد نے فائرنگ کرکے دوستین ہوتکانی نامی بندے کو قتل کردیا جبکہ دوسرے واقعے میں تحصیل سوئی کے علاقے کچھی کینال کے قریب زمین کے تنازعے پر بندلانی قبیلے کے مسلح افراد نے فائرنگ کرکے نوجوان کو قتل جبکہ اس کے قریبی رشتے دار کو زخمی کردیا۔
جان بحق نوجوان کی شناخت امام دین لنڈکانی سے کیا گیا جوکہ لنڈکانی قبیلے کے سرکردہ شخصیت وڈیرہ گامن خان لنڈکانی کے صاحبزادے بتائے گئے واقعے کی اطلاع ملتے ہیں لیویز اور دیگر قانون نافذ کرنے والے اداروں نے موقع پر پہنچ کر مقتول کی لاش کو اپنی تحویل میں جبکہ زخمی ہونے والے شخص کو ہسپتال منتقل کردیا۔