کوئٹہ: حکومت بلوچستان نے صوبے کے گرم اورسرد علاقوں کے اسکولوں میں 15مارچ سے امتحانات لینے کا اعلان کردیا ۔ڈائریکٹریٹ تعلیم بلوچستان کے جاری کردہ اعلامیہ کے مطابق صوبے کے تمام گرم اور سرد زون کے اسکولوں میں 15مارچ سے امتحانات لئے جائیں گے۔
جبکہ امتحانات کے دوران کورونا وائرس سے بچاو کی ایس او پیز کا بھی خصوصی خیال رکھنے کی ہدایت کی گئی ہے۔دوسری جانب صوبے میں آٹھویں کلاس کے امتحانات10مارچ سے شروع کئے جارہے ہیں اس حوالے سے بلوچستان اسسمنٹ اینڈ ایگزامینیشن کمیشن نے ہشتم جماعت کے امتحانات کی ڈیٹ شیٹ بھی جاری کردی ہے۔