کوئٹہ : حسیبہ قمبرانی کی کزن حزب اللہ کے بعد انکے بھائی حسان قمبرانی بھی جمعہ کے روز بازیاب ہوکر اپنے گھر پہنچ گئے
حسان قمبرانی اور حزب اللہ قمبرانی کو گذشتہ سال 14 فروری کو کوئٹہ کے علاقے کلی قمبرانی سے جبری طور پر لاپتہ کیا گیا تھا۔
نوجوانوں کے جبری گمشدگی کے بعد حسیبہ قمبرانی وائس فار بلوچ مسنگ پرسنز تنظیم کے ہمراہ مسلسل احتجاج کرتی رہی، اس دوران حسیبہ نے کوئٹہ میں بھوک ہڑتال سمیت اسلام آباد کے ڈی چوک پر دیگر لاپتہ افراد کے لواحقین کے ہمراہ دھرنا دیا۔
بھائی کے بازیابی پر حسیبہ قمبرانی نے ٹویٹ کرتے ہوئے لکھا کہ الحمد اللہ اللہ کا لاکھ لاکھ شکر ہے میرا بھائی حسان قمبرانی ایک سال کی جبری گمشدگی کے بعد واپس لوٹ آیا ہے۔ ان دوستوں کا شکریہ جنہوں نے میرا ہر قدم ساتھ دیا، ان صحافی حضرات کا بھی جو ہمارے لیے آواز اٹھاتے رہیں، حکومت وقت نے جس طرح میرے بھائیوں کو بازیاب کیا ان سے التجاء ہے باقی گمشدہ افراد کو بھی بازیاب کرے۔