وڈھ +خضدار: بزرگ بلوچ قوم پرست رہنما مرحوم سردار عطاء اللہ خان مینگل کی ایصال ثواب کے لئے مینگل کوٹ وڈھ میں رسم سوئم اداکی گئی رسم سوئم کے موقع پر اجتماعی دعا کی گئی اور مرحوم سردار عطاء اللہ مینگل کے قبر پر حاضری دی گئی قبل ازیں مرحوم سردار عطاء اللہ مینگل کے ایصال ثواب کے لئے قرآن خوانی کی گئی اور اور لنگر عام کا اہتمام کیا گیا۔
اس موقع پر اراکین قومی وصوبائی اسمبلی بلوچستان نیشنل پارٹی کے مرکزی قائدین صوبائی و مقامی عہدیداران قبائلی عمائدین سیاسی و سماجی شخصیات نے بڑی تعداد میں موجود تھے علاوہ ازیں بزرگ قوم پرست رہبر و سابق وزیر اعلی بلوچستان سردار عطاء اللہ خان مینگل کے انتقال پر تعزیت کا سلسلہ اتوار کو بھی مینگل کوٹ وڈھ میں جاری رہا ۔
سندھ بلوچستان سمیت ملک کے مختلف علاقوں سے سیاسی جماعتوں کے قائدین صوبائی وزرا سابق سنیٹرز اعلی عدلیہ کے معزز جج صاحبان قبائلی عمائدین حکومتی شخصیات صوبائی سیکریٹریز انتظامی افسران طلبا تنظیموں کے عہدیداران اور عوام الناس نے سردار اختر جان مینگل اور سردار اسد اللہ مینگل سے تعزیت کا اظہار کیا فاتح خوانی اور مرحوم کی بلند درجات کے لئے دعا کی جن میں بپاکستان پیپلز پارٹی کے مرکزی رہنما و سابق گورنر بلوچستان ریٹائرڈ جنرل عبدالقادر بلوچ سابق گورنر بلوچستان امان اللہ خان یاسین زئی سابق وزیر اعلی بلوچستان نیشنل پارٹی کے مرکزی صدر ڈاکٹر عبدالمالک بلوچ نیشنل پارٹی کے مرکزی نائب صدر عبدالکبیر محمد شہی سابق صوبائی وزیر نیشنل پارٹی کے مرکزی رہنما سردار محمد اسلم بزنجو صوبائی وزیر خزانہ ظہور بلیدی۔
بلوچستان اسمبلی میں اپوزیشن لیڈر ملک سکندر خان ایڈوکیٹ پی ڈی ایم کے ے مرکزی ترجمان حافظ حمد اللہ بلوچستان ہائی کورٹ کے جج جناب جسٹس عبدالحمید بلوچ احتساب عدالت کوئٹہ کے جج منور احمد شاہوانی ڈاکٹر محمد سلیم کرد ڈاکٹر عبدالحکیم لہڑی ممبر صوبائی اسمبلی لالا عبدالرشید بلوچ جماعت اسلامی بلوچستان کے امیر مولانا عبدالحق ہاشمی ڈاکٹر محمد اسحاق بلوچ رحمت صالح بلوچ،حاجی صالح محمد بلوچ سردار علی محمد قلندرانی میر مٹھا خان کاکڑ صوبائی وزیر حیوانات ممبر صوبائی اسمبلی محمد خان لہڑی پاکستان پیپلز پارٹی کے مرکزی رہنما رکن صوبائی اسمبلی محمد سلیم کلمتی عوامی نیشنل پارٹی کے آغا عبدالمناف افغان سردار شہباز خان محمد حسنی صوبائی سیکریٹریز محمد ہاشم خان غلزئی سیکریٹری ایس اینڈ جی اے ڈی،محمد طیب لہڑی سیکریٹری حیوانات سردار نصیر احمد موسیانی۔
بشیر احمد خان بازئی کمشنر قلات ڈویژن، بشیر احمد بڑیچ ڈپٹی کمشنر خضدار،سابق ڈی آئی جی پولیس قاضی حسین احمد ڈاکٹر حسین بگٹی،شیعہ کانفرنس کے داؤد ہزارہ ڈابزرگ سیاست دان ڈاکٹر عبدالحی بلوچ میر امان اللہ خان گچکی امان اللہ شادینزئی جماعت اسلامی کے ضلعی امیر محمد اسلم گزگی اقلیتی رہنما جھالاوان سیٹھ جاانی رام شام لال بھجن داس گوردھن لال پرکاش لال ڈاکٹر دولت رام صدام چند سمیت ملک کے دور دراز علاقوں سے تعلق رکھنے والے سیاسی و سماجی شخصیات قبائلی عمائدین نے مرحوم کی ایصال ثواب کے لئیفاتحہ خوانی اور تعذیت کی انہوں نے مرحوم سردار عطاء اللہ خان مینگل کی سیاسی و سماجی اور قبائلی خدمات کو خراج تحسین پیش کرتے ہوئے انکے درجات کی بلندی اور پسماندگان سے اظہار یکجہتی بھی کی