تربت : تیجابان میں سکیورٹی فورسز کی کاروائی ،تین افراد ہلاک،سرچنگ کے دوران سولانی میں سڑک کے کنارے نصب تین آئی ای ڈی برآمد سکیورٹی ذرائع کے مطابق خفیہ اطلاع ملنے پر ایف سی اور اساس اداروں نے تیجابان اور گورکوپ کے درمیان ایک مقام پر مشترکہ کاروائی کی ،کاروائی کے دوران ایف سی اور مسلح افراد کے درمیان فائرنگ کا تبادلہ ہوا فائرنگ کے تبادلے میں تین مسلح افراد ہلاک ہوئے ایف سی ذرائع کے مطابق ہلاک ہونے والے افراد شدت پسند تھے جو گزشتہ روز بالگتر اور ہوشاپ میں ایف ڈبلیو او کے قافلے اور کیمپ پر حملے میں ملوث تھے سکیورٹی ذرائع کے مطابق ایف سی نے سرچنگ کے دوران سولانی کے مقام پر تین عدد آئی ای ڈی برآ مد کر لی ہے جو کسی تقریب کاری کیلئے سڑک کے کنارے نصب کیئے گئے تھے جنکو ناکارہ بنا دیا گیا ۔دریں اثناء فرنٹیئرکوربلوچستان اور ایف سی کی سریاب کے علاقے کلی بنگلزئی اور گردونواح میں سرچ آپریشن،آپریشن کے دوران 10مشتبہ افرادگرفتار۔ دشت کے علاقے میں غیرقانونی ڈیزل اسمگلنگ کی کوشش ناکام بناتے ہوئے 57600لٹرزایرانی ڈیزل قبضے میں لے لیا۔تفصیلات کے مطابق فرنٹیئرکوربلوچستان اور ایف سی نے گزشتہ شب سیٹلائٹ ٹاؤن خود کش دھماکے کے بعدسریاب کے علاقے کلی بنگلزئی اور گردونواح میں مشترکہ سرچ آپریشن کرتے ہوئے 10مشتبہ افرادکو گرفتار کرکے تفتیش شروع کردی۔
