واشک : ماشکیل پولیس تھانہ میں کھلی کچہری کا انعقاد ہوا ایس پی واشک اختر اقبال خٹک کے صدارت میں کھلی کچہری میں ماشکیل انجمن تاجران و علاقائی عمائدین نے شرکت کی جمعیت علمائے اسلام کے رہنما میر حاجی عبدالکریم ریکی ایس ایچ او ماشکیل پولیس محمد قاسم اسپیشل برانچ ماشکیل کے انچارج بختیار احمد ریکی ایڈیشنل ایس ایچ او اللہ بخش ودیگر پولیس افسران کونسلر و بازار پنچایت صدر میر کبیر احمد ریکی سیاسی و سماجی رہنما میر جیند خان ریکی میر اکرم سیاہ پاد پیپلز پارٹی کے رہنما میر ظریف بلوچ میر عکاشہ ملازئی حاجی احمد ریکی خداداد ریکی ماسٹر نظر ملنگزئی ٹرانسپورٹر ثنا اللہ مموجہ بازار پنچایت کے نائب صدر حاجی سبزل خان ودیگر قبائلی وسیاسی معتبرین نے کھلی کچہری میں ماشکیل کے مسائل پر تفصیلی اظہار خیال کیا ایس پی اختر اقبال خٹک نے جرگہ کے عمائدین سے بات چیت کرتے ہوئے کہا کہ ہماری پوری کوشش ہوگی کہ ماشکیل سمت ڈسٹرکٹ واشک میں امن وامان کو قائم کریں خاص کر ماشکیل بازار میں ٹریفک نظام کی بہتری کے لئے کام کریں۔
اور پولیس ٹریفک کی نفری کو بڑا دیا جائے گا منشیات فروشوں کے خلاف کارروائی ہوگی جوان نسل کو منشیات جیسے ناسور سے بچا نا ہوگا ماشکیل عوام پولیس کے ساتھ تعاون کریں مزید ایس پی واشک نے کہا کہ چوری ڈکیتی اور منشیات فروش شرپسند عناصر کو کسی صورت رعایت نہیں ہوگا اور ایس ایچ او ماشکیل کو ہدایات جاری کردیا کہ منشیات فروشوں کے خلاف کریک ڈان تیز کرے۔