پاکستان مسلم لیگ ( ن ) کی چیف آرگنائزر مریم نواز نے مینار پاکستان گراؤنڈ میں منعقدہ جلسے میں شرکت کرنے والے کارکنان سے اظہار تشکر کیا ہے۔
یاد رہے کہ سابق وزیر اعظم نواز شریف ہفتہ کو 4 سال بعد برطانیہ سے پاکستان واپس پہنچے ہیں اور انہوں نے وطن واپسی پر مینار پاکستان گراؤنڈ لاہور میں جلسے سے خطاب کیا۔
ن لیگ کی جانب سے منعقدہ جلسے میں پاکستان بھر سے پارٹی کارکنان اور رہنماؤں نے شرکت کی۔
اتوار کو، چیف آرگنائزز ( ن ) لیگ مریم نواز نے سماجی رابطے کے پلیٹ فارم ایکس پر خصوصی پیغام جاری کیا جس میں انہوں نے جلسے میں شرکت کرنے والے تمام افراد کا شکریہ ادا کیا ہے۔
ایکس پر جاری کردہ پیغام میں مریم نواز کا کہنا تھا کہ ’’ پاکستان کے کونے کونے سے آنے والے لوگوں کا تہہ دل سے شکریہ جنہوں نے اپنے قائد اور لیڈر نواز شریف کا استقبال کرنے کے لئے لاہور کے لوگوں کا ساتھ دیا ‘‘۔