کوئٹہ: بلوچستان کے ضلع کیچ میں نامعلوم افراد کے ساتھ جھڑپ میں ایک ایف سی اہلکار جاں بحق ہوگیا۔ ترجمان ایف سی کے مطابق کیچ کے علاقے تمپ میں کلبار کور ندی کے قریب ایف سی کے قافلے پر نامعلوم دہشتگردوں نے اچانک حملہ کردیا۔ اندھا دھند فائرنگ کے نتیجے میں ایف سی حوالدار عمران خان ولد مہران گل جاں بحق ہوگیا ۔ جوابی فائرنگ کے بعد دہشتگرد فرار ہوگئے۔ واقعہ کے بعد علاقے میں سرچ آپریشن شروع کردیا گیا۔ حوالدار عمران خان کی میت آبائی علاقے متنی پشاور روانہ کردی گئی ۔
