کراچی: معروف مزاح نگار اور دانشور انور مقصود نے کہا کہ مشکل حالات میں معلوم ہوتا ہے فوج کیوں ضروری ہے، ہمیں اس راہ پر چلنا چاہیے جہاں ہماری حکومت اور فوج چاہتی ہے۔

آرٹس کونسل کراچی میں کابینہ کے ہمراہ پریس کانفرنس کرتے ہوئے انور مقصود نے کہا کہ آج پچیس کروڑ لوگ سپاہی بن گئے ہیں، میرے پاس ہتھیار نہیں قلم کی طاقت ہے،

میں اپنے پرچم کی اس طرح عزت کرتا ہوں جس طرح ہندوستان کرتا ہے۔

انہوں نے کہا کہ ملک آبادی اور رقبے سے پہچانے نہیں جاتے، میرے لئے پاکستان اتنا ہی بڑا ہے جتنا ایک بھارتی باشندے کیلئے بھارت ہے۔ انہوں نے کہاکہ جنگ شروع کرنا آسان ہے مگر ختم کرنا مشکل ہے ،

ہم نے پانچ جہاز گرائے اس کی خوشی کم ہے مگر معصوم بچوں کی جانوں کے ضیاع پر افسوس ہے، بھارت کا میڈیا کبھی نہیں بدل سکتا۔

انور مقصود نے کہا کہ مودی ووٹوں سے جیتے ہیں مگر شائد اس حادثے کے بعد ان کو عقل آجائے کہ میں مسلمانوں کیساتھ ٹھیک نہیں کررہا، زمانہ بدل گیا

جنگ کوئی نہیں چاہتا، ہم سب چاہتے ہیں ملک ترقی کریں، ہمیں اس راہ پر چلنا چاہئے جہاں ہماری حکومت اور فوج چاہتی ہے۔