کوئٹہ کے 18 سرکاری اسکولوں پر با اثر افراد کےقبضے کا انکشاف ہوا ہے۔
ڈپٹی کمشنر کوئٹہ کی زیر صدارت اجلاس ہوا جس میں ضلعی انتظامیہ اور محکمہ تعلیم کے حکام نے شرکت کی ۔
اجلاس میں محکمہ تعلیم کی جانب سے ڈپٹی کمشنر کو قبضہ شدہ اسکولوں کے بارے میں بریفنگ دیتے ہوئے بتایا گیا کہ کوئٹہ میں 18سرکاری اسکولوں پر بااثر افراد نے قبضے کیا ہوا ہے۔
ڈپٹی کمشنر کوئٹہ مہر اللہ بادینی نے تمام اسکولوں سے قبضہ ختم کرانے کی ہدایت کردی۔
ڈپٹی کمشنر کوئٹہ نے حکم دیا کہ متعلقہ افسران کارروائی کرکے آئندہ ہفتے تک رپورٹ پیش کریں۔