تحریک تحفظ آئین پاکستان نے 8 فروری 2024 کے عام انتخابات میں مبینہ دھاندلی کے خلاف ہڑتال کی کال دے رکھی ہے۔
کوئٹہ شہر میں تمام بڑے کاروباری مراکز بند ہیں جبکہ شہر میں سڑکوں پر ٹریفک بھی نہ ہونے کے برابر ہے۔ شہر کے کئی علاقوں میں پولیس کی بھاری نفری تعینات کی گئی ہے۔
تحریک تحفظ آئین پاکستان کے کارکن ایئرپورٹ روڈ اور کوئٹہ شہر کے دونوں بائی پاسز پر رکاوٹیں کھڑی کرنے کے علاوہ ٹائر جلاتے رہے تاہم پولیس اہلکاروں کی جانب سے ٹریفک بحال کرنے کی کوشش کی جاتی رہی۔
پولیس کی جانب سے کہا گیا ہے کہ شہر میں دفعہ 144 نافذ ہے، اس کی خلاف ورزی کرنے پر مینٹیننس آف پبلک آرڈر (ایم پی او) قانون کے تحت کارروائی کی جائے گی۔
زیارت، پشین اور ژوب سمیت بلوچستان کے کئی دیگر شہروں میں بھی شٹر ڈاؤن اور پہیہ جام ہڑتال جاری ہے۔