ایرانی حکام کے مطابق صوبہ ہرمزگان کے شہر میناب میں لڑکیوں کے ایک سکول پر گذشتہ روز حملے میں 153 ہلاکتیں ہوئی ہیں۔ 

ایک اور ایرانی اہلکار نے کہا کہ سکول، جو پاسداران انقلاب کے مرکز سے تقریباً 600 میٹر دور واقع ہے، کو تین میزائل حملوں کا نشانہ بنایا گیا۔

اسرائیلی فوج کے ترجمان نے کہا کہ انھیں اس علاقے میں کسی کارروائی کا علم نہیں۔ انھوں نے مزید کہا کہ ’میں نے امریکیوں کو بھی یہ کہتے دیکھا ہے کہ وہ اس واقعے کی تحقیقات کر رہے ہیں۔‘