ایران کی سپریم نیشنل سکیورٹی کونسل کے سیکریٹری علی لاریجانی کا کہنا ہے کہ ان کا ملک امریکہ کے برعکس ایک طویل جنگ کی تیاری کر رہا ہے۔

انھوں نے سوشل میڈیا سائٹ ایکس پر ایک پیغام لکھا کہ ’گذشتہ تین سو سالوں میں، ایران نے کوئی جنگ شروع نہیں کی ہے، اور ہماری بہادر مسلح افواج نے اپنے دفاع کے علاوہ کسی حملے میں حصہ نہیں لیا ہے۔‘

انھوں نے کہا کہ ’قیمت سے قطع نظر، ہم اپنا اور اپنی 6000 سال پرانی تہذیب کا بھرپور طریقے سے دفاع کریں گے، اور ہم دشمن کو ان کے غلط حساب کتاب پر پچھتاوا دلائیں گے۔‘

امریکی وزیرِ دفاع نے آج ایک پریس کانفرنس میں کہا کہ ایران کے خلاف فوجی کارروائیاں ’لامتناہی جنگ‘ کا باعث نہیں بنیں گی اور اس کا مقصد ملک کے میزائلوں، بحریہ اور دیگر سیکورٹی کے بنیادی ڈھانچے کو تباہ کرنا ہے۔