عراقی کردستان میں ایک امریکی تیل کی کمپنی کے حکام کا کہنا ہے کہ آئل فیلڈ پر حملے کے بعد وہاں تیل کی پیداوار معطل کر دی گئی ہے۔

کردستان کی مقامی حکومت نے ایکس پر جاری ایک بیان مںی کہا ہے کہ یہ آئل فیلڈ جو امریکی کمپنی ’ایچ کے این اینرجی‘ کے زیرِ انتظام ہے اور دہوک صوبہ میں واقع ہے، کو عراق میں مسلح اور غیر قانونی گروہوں کی جانب سے نشانہ بنایا گیا ہے۔

حکام کے مطابق اس حملے سے آئل فیلڈ کو بھاری نقصان پہنچا ہے جس کی وجہ اس مقام سے پیداوار فوری طور پر معطل کر دی گئی ہے۔

خبر رساں ادارے ای ایف پی کے مطابق ایک سکیورٹی ذرائع نے بتایا کہ یہ حملہ جمعرات کو دو ڈرونز کے ذریعے کیا گیا۔

عراق میں کردستان کا علاقہ ایک خودمختار خطہ ہے جسے کردستان علاقائی حکومت چلاتی ہے۔